Know the features of the cheapest 5-seater SUV: Tata Punch EV હાલમાં ભારતની સૌથી સસ્તી 5-સીટર ઇલેક્ટ્રિક SUV માનવામાં આવે છે. પેટ્રોલ અને ડીઝલના ભાવમાં વધારો થવા સાથે, Tata Punch EV મધ્યમ વર્ગના પરિવારો માટે એક શ્રેષ્ઠ ઓપ્શન માનવામાં આવે છે. તેનો મજબૂત SUV જેવો લુક, Tata ના સેફટી ફીચર્સ અને ઓછો મેન્ટેનન્સ ખર્ચ તેને ખાસ બનાવે છે. તે શહેરમાં અને ઉબડખાબડ રસ્તાઓ પર આરામદાયક ડ્રાઇવિંગ પ્રદાન કરે છે. જાણો તેના ફીચર્સ અને કિંમત વિશેની માહિતી.
Tata Punch EV કિંમત અને ઑફર્સ
Tata Punch EV ની એક્સ-શોરૂમ કિંમત Smart MR વેરિઅન્ટ માટે ₹9.99 લાખથી શરૂ થાય છે. તેનું ટોપ-સ્પેક વેરિઅન્ટ ₹13.94 લાખ સુધી જાય છે. કંપની હાલમાં આકર્ષક ઑફર્સ આપી રહી છે, જેમાં 100% ઓન-રોડ ફાઇનાન્સિંગ અને ₹1.20 લાખ સુધીના લાભોનો સમાવેશ થાય છે. નોંધનીય છે કે, ઓફરની સંપૂર્ણ માહિતી Tata Motors ના ઓફિશિયલ શોરૂમમાં જઈને લેવી. સાથે જ કિંમત અમદાવાદના એક્સ-શોરૂમ ભાવ પ્રમાણે આ ભાવ છે, જેથી અન્ય રાજ્ય કે શહેરમાં Tata Punch EV ની કિંમતમાં ફેરફાર હોઇ શકે છે.
બેટરી, રેન્જ અને ચાર્જિંગ
Tata Punch EV બે બેટરી ઓપ્શનમાં આવે છે. પહેલી 25kWh બેટરી પેક છે, જે 315 કિલોમીટર સુધીની રેન્જ આપે છે. બીજી 35kWh લોંગ-રેન્જ બેટરી પેક છે, જે એક જ ચાર્જ પર 421 કિલોમીટર સુધી ચાલી શકે છે. DC ફાસ્ટ ચાર્જરનો ઉપયોગ કરીને 10 થી 80 ટકા સુધી ચાર્જ થવામાં લગભગ 56 મિનિટ લાગે છે. વિવિધ ડ્રાઇવ મોડ્સ ડ્રાઇવિંગને વધુ સરળ અને સ્મૂધ બનાવે છે.
ખાસ ફીચર્સ
Punch EV માં મોટી ટચસ્ક્રીન સિસ્ટમ, વાયરલેસ એન્ડ્રોઇડ ઓટો અને એપલ કારપ્લે, ડિજિટલ ડિસ્પ્લે, 360-ડિગ્રી કેમેરા, ક્રુઝ કંટ્રોલ અને ઇલેક્ટ્રિક સનરૂફ છે. તેનું હાઇ-ગ્રાઉન્ડ ક્લિયરન્સ ભારતીય રસ્તાઓ માટે ખૂબ જ ઉપયોગી છે.
સેફટીમાં પણ પ્રથમ ક્રમે
સેફટીની દ્રષ્ટિએ Tata Punch EV ખૂબ જ મજબૂત છે. તે 6 એરબેગ્સ, ABS, EBD, હિલ હોલ્ડ કંટ્રોલ અને મજબૂત બોડી સાથે આવે છે. તેને ઇન્ડિયા NCAP તરફથી 5-સ્ટાર સેફ્ટી રેટિંગ પણ મળ્યું છે. જો તમે ₹10 લાખથી ઓછી કિંમતની સલામત, સ્ટાઇલિશ અને લાંબા અંતરની 5-સીટર ઇલેક્ટ્રિક SUV શોધી રહ્યા છો, તો Tata Punch EV એક શ્રેષ્ઠ ઓપ્શન સાબિત થઈ શકે છે.
