Hero Splendor Plus New Price: હીરો મોટોકોર્પ દેશની સૌથી મોટી ટુ-વ્હીલર ઉત્પાદક કંપની છે. તેની સૌથી વધુ વેચાતી મોટરસાઇકલ Hero Splendor છે. તાજેતરના GST ઘટાડા પછી, આ બાઇક ખરીદવી પહેલા કરતાં વધુ સરળ બની ગઈ છે. જો તમે આ દિવાળી પર 100cc બાઇક ખરીદવા ઈચ્છો છો, તો આ એક સારી તક હોઈ શકે છે. જાણો કિંમત, એન્જિન, માઇલેજ વિશેની માહિતી.
કિંમત
આ તહેવારોની સિઝનમાં, Hero Splendor ખરીદવા પર સારું ડિસ્કાઉન્ટ આપવામાં આવી રહ્યું છે. આ દિવાળી પર, નવી Hero Splendor ની ખરીદી પર 5,500 રૂપિયાનું ડિસ્કાઉન્ટ આપવામાં આવી રહ્યું છે. Hero Splendor ની શરૂઆતની એક્સ-શોરૂમ કિંમત ફક્ત 73,764 રૂપિયા છે. જોકે, આ ડિસ્કાઉન્ટ Splendor Plus Xtec 2.0 પર છે, જેની એક્સ-શોરૂમ કિંમત 80,517 રૂપિયા છે. ડિસ્કાઉન્ટ પછી તમે તેને ઓછી કિંમતે ખરીદી શકશો.
હીરો સ્પ્લેન્ડર પ્લસ ડિઝાઇન
Hero Splendor Plus ની ડિઝાઇન હંમેશા સરળ અને ક્લાસિક રહી છે, જે દરેક ઉંમરના લોકોને ગમે છે. નવા મોડલમાં સારા ગ્રાફિક્સ અને ડ્યુઅલ-ટોન રંગ ઓપ્શન છે, જેમ કે, Heavy gray with green, black with purple અને Matte Shield Gold. તેની કોમ્પેક્ટ બોડી અને હલકું વજન આ બાઇકને શહેરો અને ગ્રામીણ વિસ્તારોમાં ચલાવવા માટે સરળ છે.
એન્જિન અને માઇલેજ
Hero Splendor Plus માં 97.2cc BS6 Phase-2 OBD2B એર-કૂલ્ડ એન્જિન મળે છે. આ એન્જિન 8.02PS પાવર અને 8.05Nm ટોર્ક ઉત્પન્ન કરે છે અને 4-સ્પીડ ગિયરબોક્સ સાથે જોડાયેલું છે. તેની ટોપ સ્પીડ લગભગ 87 કિમી પ્રતિ કલાક છે. તેની સૌથી મોટી ખાસિયત તેની માઇલેજ છે. આ બાઇક 70-80 કિમી પ્રતિ લિટરની માઇલેજ આપે છે, જે તેને ભારતમાં સૌથી વધુ માઇલેજ આપતી કોમ્યુટર બાઇક્સમાંની એક બનાવે છે.
