Affordable Cars : કાર ખરીદતી વખતે, લોકો માત્ર કિંમત પર જ નહીં, પરંતુ સેફટી ફીચર્સ પર પણ ધ્યાન આપે છે. પહેલા, ઓછા બજેટની કારમાં સેફટી ફીચર્સ મર્યાદિત હતા, પરંતુ હવે ઓટોમેકર્સે સસ્તી કારમાં પણ 6 એરબેગ્સ જેવા આવશ્યક સેફટી ફીચર્સ આપવાનું શરૂ કર્યું છે. જો તમારું બજેટ ₹6 લાખથી ઓછું છે અને વધુ સેફટી અને સારી માઇલેજ આપતી કાર ખરીદવી છે, તો આ આર્ટિક્લમાં આપેલ કેટલીક કાર તમારા માટે શ્રેષ્ઠ ઓપ્શન સાબિત થઈ શકે છે.
Maruti Alto
આ લિસ્ટમાં પહેલું નામ Maruti Alto K10 છે. તે દેશની સૌથી સસ્તી કારોમાંની એક છે. તેની શરૂઆતની કિંમત લગભગ ₹3.70 લાખ છે. નોંધપાત્ર રીતે, આ કાર સસ્તી હોવા છતાં 6 એરબેગ્સ જેવા આવશ્યક સેફટી ફીચર્સ આપવામાં આવે છે. આ કારમાં 1.0-લિટર એન્જિન આપવામાં આવ્યું છે અને પેટ્રોલ અને CNG બંને પર સારી માઇલેજ આપશે.
Renault Kwid
સસ્તા અને સારા ઓપ્શન તરીકે એક Renault Kwid પણ ઉપલબ્ધ છે. આ કારની કિંમતો ₹4.30 લાખથી શરૂ થાય છે. ટોપ-એન્ડ વેરિઅન્ટમાં સેફટી માટે 6 એરબેગ મળે છે. કારની ડિઝાઇન થોડીક SUV જેવી છે, જે યુવાનોને આકર્ષિત કરે છે. આ કારમાં 999cc એન્જિન છે અને લગભગ 22 કિલોમીટર પ્રતિ લિટરની માઇલેજ આપે છે. તે ટચસ્ક્રીન, વાયરલેસ કનેક્ટિવિટી અને ઓટોમેટિક ટ્રાન્સમિશન જેવા ફીચર્સ પણ પ્રદાન કરે છે.
Nissan Gravite
આ લિસ્ટમાં આગામી કાર Nissan Gravite છે. આ કારની કિંમત ₹5.65 લાખથી શરૂ થાય છે અને તેમાં 6 એરબેગ્સ, 8-ઇંચ ટચસ્ક્રીન, વાયરલેસ એન્ડ્રોઇડ ઓટો/એપલ કારપ્લે અને રૂફ પર માઉન્ટેડ રીઅર AC વેન્ટ્સ જેવા ફીચર્સ મળે છે.
Tata Tiago
આ લિસ્ટમાં આગામી કાર Tata Tiago છે. તેની શરૂઆતની કિંમત લગભગ ₹4.57 લાખ છે અને તેમાં 1.2-લિટર એન્જિન આપવામાં આવે છે. આ કાર પેટ્રોલ અને CNG બંને ઓપ્શનમાં ઉપલબ્ધ છે. આ કારને ગ્લોબલ NCAP તરફથી 4-સ્ટાર સેફ્ટી રેટિંગ મળ્યું છે. તેમાં મોટી સ્ક્રીન, સારી મ્યુઝિક સિસ્ટમ અને ઘણા મોડર્ન ફીચર્સ આપવામાં આવ્યા છે.
આ પણ ખાસ વાંચો : કારના આ 4 સેન્સર કેમ જલ્દી બગડી જાય છે? : સેન્સરની યોગ્ય સંભાળ રાખો અને કારનું આયુષ્ય વધારો
Maruti Celerio
Maruti Celerio ની કિંમત લગભગ ₹4.70 લાખથી શરૂ થાય છે. આ કાર પેટ્રોલ અને CNG બંને પર ઉત્તમ માઇલેજ પ્રદાન કરે છે, આ કાર CNG માં આશરે 34 કિમી/કિલોગ્રામની માઇલેજ આપે છે. આ કારમાં તમને કીલેસ એન્ટ્રી, ટચસ્ક્રીન અને 6 એરબેગ્સ જેવા ફીચર્સ પણ મળે છે.
