ઘઉંનો પાક હોય તો સાચવજો! : આ વિસ્તારોમાં સો ટકા પડશે વરસાદ! ફેબ્રુઆરીમાં વારંવાર આવશે વિક્ષેપ, અંબાલાલની ભયાનક આગાહી

AmbalalPatel Forecast: ગુજરાતના હવામાનમાં સતત પલટો જોવા મળી રહ્યો છે. રાજ્યના ખેડૂતો માટે તો સરકારે એક એડવાઈઝરી પણ જાહેર કરી દીધી છે. ગુજરાત સહિત દેશના હવામાનમાં સતત ફેરફાર જોવા મળી રહ્યો છે. હવે 3 અને 4 ફેબ્રુઆરી દરમિયાન રાજસ્થાનના ઉત્તર અને પૂર્વ ભાગોમાં હળવો વરસાદ પડી શકે છે. નિષ્ણાતો કહે છે કે આગામી દિવસોમાં તાપમાનમાં વધુ ફેરફાર જોવા મળી શકે છે.

અંબાલાલ પટેલના જણાવ્યા મુજબ, આગામી દિવસોમાં જે મજબૂત પશ્ચિમી વિક્ષોપ આવવાની ધારણા હતા, તે નબળો પડી ગયો છે. જેના કારણે આગામી દિવસોમાં મોટું માવઠું આવવાની શક્યતા નહીવત છે. વધુમાં હવામાન નિષ્ણાંતે જણાવ્યું કે, આગામી દિવસોમાં ઉત્તરના પર્વતીય પ્રદેશોમાં ભારે હીમ વર્ષા થવાની શક્યતા રહેશે.

જ્યારે ગુજરાતના ઘણાં ભાગોમાં વાદળવાયુંની શક્યતા રહેશે. વિષમ હવામાનની વિપરિત અસરના કારણે ઉભા કૃષિ પાકમાં રોગ આવવાની શક્યતા વધતી હોવાથી ખેડૂતો માટે ચિંતાનો વિષય છે. જે બાદ ફેબ્રુઆરી મહિનાના ત્રીજા સપ્તાહ તેમજ માર્ચ-એપ્રિલ મહિનામાં પણ હવામાનમાં વારંવાર પલટો આવી શકે છે.

આ વર્ષે શિયાળાની ઋતુ મોડી શરૂ થઈ હતી, પરંતુ હવે તે વહેલી વિદાય લે તેવા સંકેતો મળી રહ્યા છે. શનિવારે મહત્તમ તાપમાન 2.3 ડિગ્રી વધીને 25.5 ડિગ્રી પર પહોંચી ગયું હતું, જ્યારે લઘુત્તમ તાપમાન 1.5 ડિગ્રી વધીને 10 ડિગ્રી પર પહોંચી ગયું હતું. કૃષિ નિષ્ણાતોના મતે ઘઉંના સારા પાક માટે લાંબા સમય સુધી ઠંડી રહેવી જરૂરી છે, પરંતુ આ વખતે પશ્ચિમી વિક્ષેપને કારણે વારંવાર હળવો વરસાદ પડી રહ્યો છે અને તાપમાનમાં વધુ વધઘટ થઈ છે, જેની અસર પાક પર પડી છે.

અંબાલાલ પટેલે જણાવ્યું છે કે, ફેબ્રુઆરી માસની શરૂઆતમાં બંગાળના ઉપસાગરમાં લો પ્રેશર સર્જાતાં, બંગાળ ઉપ સાગર અને અરબી સમુદ્રના ભેજ સજાતા મહારાષ્ટ્રના ભાગો, ગોવા નજીકના ભાગોમાં કમોસમી વરસાદ આવવાની શક્યતાઓ છે. ઉત્તર ભારતના પહાડી પ્રદેશોમાં એક મજબૂત વેસ્ટર્ન ડિસ્ટર્બન્સ પસાર થઈ રહ્યું છે. એ વેસ્ટર્ન ડિસ્ટર્બન્સની અસરને કારણે ગુજરાત પર એક અસ્થિરતા સર્જાવા જઈ રહી છે. જેને કારણે રાજ્યના અનેક વિસ્તારમાં 3,4 અને 5 ફેબ્રુઆરીના રોજ અલગ-અલગ વિસ્તારમાં માવઠું થાય એવી શક્યતાઓ રહેલી છે.

રાજસ્થાનના આ ભાગોમાં વરસાદની શક્યતા
સામાન્ય રીતે 15 નવેમ્બરથી 15 માર્ચ દરમિયાન તાપમાન ઓછું હોય ત્યારે ઘઉંનો પાક સારો હોય છે, પરંતુ આ વર્ષે અપેક્ષા કરતા ઓછી ઠંડી હોવાથી તેની ઉપજ પર અસર થવાની ધારણા છે, જોકે કૃષિ નિષ્ણાતો માને છે કે સરસવનો પાક પણ સારો રહેશે. આ હવામાન પાક પર કોઈ ખાસ અસર કરશે નહીં, હવામાન વિભાગે આગાહી કરી છે કે 3 અને 4 ફેબ્રુઆરી દરમિયાન રાજસ્થાનના ઉત્તર અને પૂર્વ ભાગોમાં હળવો વરસાદ પડી શકે છે. જેના કારણે ફરીથી તાપમાનમાં ફેરફાર થશે.

તીવ્ર ઠંડીની શક્યતા ખૂબ ઓછી
તમને જણાવી દઈએ કે પાછલા વર્ષોની સરખામણીમાં આ વખતે 15 ડિસેમ્બરની આસપાસ તીવ્ર ઠંડી શરૂ થઈ હતી. 10 ડિસેમ્બરે મહત્તમ તાપમાન 21 ડિગ્રી અને લઘુત્તમ તાપમાન 7.2 ડિગ્રી નોંધાયું હતું, પરંતુ તે પછી ઠંડી ઝડપથી વધી હતી, જોકે હવે 31 જાન્યુઆરી પછી ઠંડી ઓછી થવા લાગી છે. હવામાનશાસ્ત્રીઓ કહે છે કે ફેબ્રુઆરી દરમિયાન તાપમાનમાં વધઘટ થશે, પરંતુ તીવ્ર ઠંડીની શક્યતા ખૂબ ઓછી છે, જ્યારે ગ્રામીણ વિસ્તારોમાં સવારે હજુ પણ ગાઢ ધુમ્મસ રહે છે.

ઉપરાંત દિવસ દરમિયાન સૂર્યપ્રકાશ વધુ તીવ્ર બને છે, જેના કારણે આપણને ગરમીનો અનુભવ થાય છે, રાત્રે ઠંડી પહેલા કરતા ઓછી છે. હવામાનમાં આ પરિવર્તનને કારણે ખેતી અને જનજીવન પ્રભાવિત થઈ શકે છે. નિષ્ણાતો કહે છે કે આગામી દિવસોમાં તાપમાનમાં વધુ ફેરફાર જોવા મળી શકે છે.