Saali Mohabbat: ZEE5એ તેની આગામી ઓરિજિનલ ફિલ્મ ‘Saali Mohabbat’ નું શક્તિશાળી અને રુંવાડા ઊભા કરી દે તેવું ટ્રેલર રિલીઝ કર્યું છે. આ ફિલ્મ એક નાનકડા શાંત શહેર ‘ફુરસતગઢ’માં બનેલા ડબલ મર્ડરની આસપાસ ગૂંથાયેલી છે, જેમાં દરેક પાત્રની પાછળ છુપાયેલા રહસ્યો ધીમે ધીમે ખુલતા જોવા મળે છે. આ ફિલ્મ ખાસ છે કારણ કે તે ટિસ્કા ચોપરાની ફીચર ફિલ્મ દિગ્દર્શક તરીકેની પહેલી ફિલ્મ છે. રાધિકા આપ્ટે મુખ્ય ભૂમિકામાં છે અને તેની સાથે છે દિવ્યેન્દુ શર્મા, અનુરાગ કશ્યપ, અંશુમન પુષ્કર, શરત સક્સેના, સૌરસેની મૈત્રા અને ખાસ કેમિયોમાં કુશા કપિલા.
શું છે સ્ટોરી?
રાધિકા આપ્ટે ફિલ્મમાં ‘સ્મિતા’નું પાત્ર ભજવે છે – એક શાંત, સાદું અને લગભગ છુપાયેલું જીવન જીવતી મહિલા. તેનું જીવન બગીચા, દિનચર્યા અને પતિ સાથેના સાદા સંબંધોમાં સમેટાયેલું છે. પરંતુ એક રાતે થયેલા ડબલ મર્ડરથી શહેરની સાથે સ્મિતાની દુનિયા પણ ધરાશાયી થઈ જાય છે. તપાસ જેમ જેમ આગળ વધે છે તેમ તેમ સ્પષ્ટ થાય છે કે સ્મિતા માત્ર નિર્દોષ પ્રેક્ષક નથી, તેની પાછળ પણ કોઈ મોટું રહસ્ય છુપાયેલું છે.
અભિનેતાઓ
અભિનેતાઓનું કહેવું છે રાધિકા આપ્ટે: “આ પાત્રની શાંતતા પાછળ ભય અને શક્તિ બંને છે. ટિસ્કાએ એટલું સુંદર માર્ગદર્શન આપ્યું કે મને નબળાઈ અને છુપાયેલી તાકાત વચ્ચે સંતુલન સાધવામાં ખૂબ મદદ મળી.”
દિવ્યેન્દુ શર્મા: “ટ્રેલરમાં એટલો તણાવ છે કે વાર્તા કંઈ જાહેર કર્યા વગર પણ તમને અંદરથી હલાવી નાખે. ટિસ્કાએ એવું વાતાવરણ બનાવ્યું છે કે મૌન પણ ઘણું બોલી જાય છે.”જિયો સ્ટુડિયો અને મનીષ મલ્હોત્રાના સ્ટેજ5 પ્રોડક્શન્સ દ્વારા નિર્મિત આ ફિલ્મને IFFI અને શિકાગો સાઉથ એશિયન ફિલ્મ ફેસ્ટિવલમાં પહેલેથી જ ખૂબ વાહવાહી મળી છે.
રિલીઝ ડેટ: 12 ડિસેમ્બર 2025, માત્ર ZEE5 પર.તો તૈયાર રહો… કારણ કે ફુરસતગઢના આ મૌનમાં એક કાળું સત્ય છુપાયેલું છે, જે તમારા હૃદયના ધબકારા વધારી દેશે!
