ફિલ્મ નિર્માતા વિવેક રંજન અગ્નિહોત્રી હંમેશા તેમની ફિલ્મો માટે સમાચારમાં રહે છે. 'ધ કાશ્મીર ફાઇલ્સ' પછી, હવે તેમની નવી ફિલ્મ 'ધ બંગાળ ફાઇલ્સ'નું ટ્રેલર રિલીઝ થયું છે, જે આવતાની સાથે જ હેડલાઇન્સ બની ગયું છે. આ વખતે વાર્તા બંગાળના ભાગલા સાથે સંબંધિત દુર્ઘટના પર આધારિત છે, જેમાં હિન્દુઓના નરસંહારને મોટા પડદા પર લાવવામાં આવ્યો છે. મહાત્મા ગાંધીની ભૂમિકા ભજવી રહેલા અનુપમ ખેર ફિલ્મના ટ્રેલરમાં સૌથી વધુ ધ્યાન ખેંચી રહ્યા છે. તો મિથુન ચક્રવર્તી, પલ્લવી જોશી અને દર્શન કુમાર જેવા કલાકારો પોતપોતાના પાત્રોમાં ખૂબ જ મજબૂત દેખાઈ રહ્યા છે. આ ઉપરાંત, ટીવી શો અનુપમાથી ઓળખ મેળવનાર મદાલસા શર્મા અને ગદર 2 ફેમ સિમરત કૌર પણ મહત્વપૂર્ણ ભૂમિકાઓમાં જોવા મળશે.
16 ઓગસ્ટના રોજ કોલકાતામાં ટ્રેલર લોન્ચનું આયોજન કરવામાં આવ્યું હતું. જોકે, આ દરમિયાન વાતાવરણ ગરમાયું હતું. અહેવાલો અનુસાર, કાર્યક્રમ શરૂ થતાંની સાથે જ કેટલાક વિરોધીઓએ હોબાળો મચાવ્યો અને અરાજકતા સર્જાઈ. હોટેલની અંદરનો વીજ પુરવઠો પણ કાપી નાખવામાં આવ્યો જેથી લોન્ચિંગ અટકાવી શકાય. વિવેક અગ્નિહોત્રીએ તેને "સરમુખત્યારશાહી" ગણાવી અને કહ્યું કે તેમનો અવાજ દબાવવાનો પ્રયાસ કરવામાં આવી રહ્યો છે. તેમણે સ્પષ્ટપણે કહ્યું કે "ટ્રેલર ફક્ત કોલકાતામાં જ લોન્ચ થશે અને અમને કોઈ રોકી શકશે નહીં."
ટ્રેલરની શરૂઆતમાં, બતાવવામાં આવ્યું છે કે બંગાળમાં બે બંધારણ અમલમાં હતા - એક હિન્દુઓ માટે અને બીજું મુસ્લિમો માટે. આ ફિલ્મ મહાત્મા ગાંધી અને મોહમ્મદ અલી ઝીણા વચ્ચેના વિવાદને પણ પ્રકાશિત કરે છે. રક્તપાત, ધર્મના નામે યુદ્ધ અને હજારો નિર્દોષ લોકોના મૃત્યુને સ્ક્રીન પર લાવવાનો પ્રયાસ કરવામાં આવ્યો છે. આ ફિલ્મનું નિર્માણ અભિષેક અગ્રવાલ, પલ્લવી જોશી અને વિવેક રંજન અગ્નિહોત્રી દ્વારા કરવામાં આવ્યું છે. 'ધ બંગાળ ફાઇલ્સ' 6 સપ્ટેમ્બર 2025 ના રોજ સિનેમાઘરોમાં રિલીઝ થશે.
ફિલ્મ 1946 ના કોલકાતા રમખાણો આધારિત
ફિલ્મમાં 1946 ના કોલકાતા રમખાણો દર્શાવવામાં આવ્યા છે. જ્યારે મોંહમ્મદ અલી ઝીણાએ ડાયરેક્ટ એકશન ડે ની જાહેરાત કરી હતી, કોલકાતાનાં મુસ્લિમ શાસકોએ ત્યાનાં લોકો પર અત્યાચાર કરવામાં કોઈ કસર છોડી ન હતી...
