ટેસ્ટ ક્રિકેટના ઇતિહાસમાં ઘણા એવા મેદાન છે જ્યાં ભારતીય ટીમ એક પણ મેચ જીતવામાં સફળી રહી નથી. આ મેદાનો પર ભારતીય ટીમ માટે અભેદ કિલ્લા સમાન સાબિત થયા છે. ચાલો જાણીએ એવા 5 મેદાનો વિશે જ્યાં ટીમ ઈન્ડિયા અત્યાર સુધી ટેસ્ટ ક્રિકેટમાં જીતવામાં સફળ રહી નથી.
એજબેસ્ટન, બર્મિંગહામ (ઇંગ્લેન્ડ)
રમાયેલી કુલ મેચ - 8
પરિણામ - 7 હાર, 1 ડ્રો
પહેલી હાર - 1967 માં
ભારતે 1967 માં મન્સૂર અલી ખાન પટૌડીની કેપ્ટનશીપ હેઠળ આ મેદાન પર પોતાની પહેલી મેચ રમી હતી. જેમાં ટીમ ઈન્ડિયા 132 રનથી હારી ગયું હતું. આ પછી પણ, વિરાટ કોહલી, ધોની, દ્રવિડ અને ગાંગુલીની કેપ્ટનશીપ હેઠળ ભારતને આ મેદાન પર હારનો સામનો કરવો પડ્યો છે.
ગદ્દાફી સ્ટેડિયમ, લાહોર (પાકિસ્તાન)
રમાયેલી કુલ મેચ - 7
પરિણામ - 2 હાર, 5 ડ્રો
લાહોરનું ગદ્દાફી સ્ટેડિયમ હંમેશા ભારત માટે 'નો વિન ઝોન' રહ્યું છે. અહીં રમાયેલી સાત મેચોમાં ટીમ ઇન્ડિયા ક્યારેય જીતી શકી નથી. આ મેદાન પર રમાયેલી મોટાભાગની મેચ ડ્રો રહી છે. પરંતુ ભારતીય ટીમને 2 વાર હારનો સામનો પણ કરવો પડ્યો છે.
કેન્સિંગ્ટન ઓવલ, વેસ્ટ ઈન્ડિઝ
રમાયેલી કુલ મેચ - 9
પરિણામ - 7 હાર, 2 ડ્રો
વેસ્ટ ઈન્ડિઝનું આ ઐતિહાસિક મેદાન ક્યારેય ભારત માટે શુભ રહ્યું નથી. ટીમ ઈન્ડિયાએ અહીં કુલ 9 ટેસ્ટ મેચ રમી છે પરંતુ એક પણ વાર જીતી શકી નથી. આ મેદાન પર અત્યારસુધી સાત હાર અને બે ડ્રો મેચ રહી છે.
ઓલ્ડ ટ્રેફોર્ડ, માન્ચેસ્ટર (ઇંગ્લેન્ડ)
રમાયેલી કુલ મેચ - 9
પરિણામ - 4 હાર, 5 ડ્રો
ઇંગ્લેન્ડનું બીજું એક ઐતિહાસિક મેદાન ઓલ્ડ ટ્રેફોર્ડ છે. જ્યા ભારતીય ટીમ અત્યારસુધી એક પણ મેચ જીતવામાં સફળ રહી નથી. આ મેદાન પર ભારત ચાર વખત હારનો સામનો કરી ચૂક્યું છે જ્યારે પાંચ મેચ ડ્રો રહી છે.
નેશનલ સ્ટેડિયમ, કરાચી (પાકિસ્તાન)
રમાયેલી કુલ મેચ - 6
પરિણામ - 3 હાર, 3 ડ્રો
ભારતે કરાચીના મેદાન પર 6 વખત ટેસ્ટ મેચ રમી છે, પરંતુ એક પણ મેચ જીતી શક્યું નથી.ભારત આ મેદાન પર ત્રણ મેચ હારી ગયું છે અને બાકીની ત્રણ ડ્રો રહી છે. અહીં પણ ટીમ ઇન્ડિયાનો ટ્રેક રેકોર્ડ ખૂબ જ ખરાબ રહ્યો છે.
