TATAની ઈલેક્ટ્રિક કાર ખરીદવા પર થશે આટલો ફાયદો : 2 લાખ EV સેલ્સની ઉજવણી

TATA MOTORSએ ઇલેક્ટ્રિક વાહનોના વેચાણમાં એક મોટું બેન્ચમાર્ક બનાવ્યું છે. ટાટા પેસેન્જર ઇલેક્ટ્રિક મોબિલિટીએ એક અખબારી યાદીમાં જણાવ્યું હતું કે કંપનીએ ઇલેક્ટ્રિક વાહનોના વેચાણમાં બે લાખ યુનિટનો આંકડો પાર કર્યો છે. ટાટા આ પ્રસંગે તેના ગ્રાહકો માટે એક ખાસ ઓફર લઈને આવ્યું છે, જે આગામી 45 દિવસ સુધી ચાલુ રહેશે.

TATA MOTORSની ઇલેક્ટ્રિક કાર પર ઓફર્સ
TATA MOTORSએ ભારતમાં તેની તમામ ઇલેક્ટ્રિક કાર્સ પર વિશેષ ઓફરની જાહેરાત કરી છે. આ ઓફરમાં એક્સચેન્જ બોનસ અને 100 ટકા ઓન-રોડ ફાઇનાન્સ સામેલ છે. આ સાથે કંપનીએ ટાટા પાવર ચાર્જિંગ સ્ટેશનથી મફત ચાર્જિંગ લાભની મર્યાદા પણ છ મહિના માટે લંબાવી છે. ઈલેક્ટ્રિક કારની ખરીદી પર કંપની 7.2 kW AC ફાસ્ટ હોમ ચાર્જર પણ ફ્રી આપી રહી છે.

ટાટાની લોયલ્ટી બોનસ ઓફર
ટાટાએ તેના ગ્રાહકો માટે લોયલ્ટી બોનસ પણ રજૂ કર્યું છે. આ ઓફર તે લોકો માટે છે જેમની પાસે પહેલેથી જ આ ટાટાની કાર છે. TATA MOTORS નવી નેક્સન ઈવી અથવા કર્વ ઈવીની ખરીદી પર 50,000 રૂપિયા સુધીનું લોયલ્ટી બોનસ આપી રહી છે. તે જ સમયે, જે ગ્રાહકો પાસે ICE વેરિઅન્ટ છે તેમને 20 હજાર રૂપિયા સુધીનું લોયલ્ટી બોનસ આપવામાં આવી રહ્યું છે.

ટાટાની નવી ઈલેક્ટ્રિક કાર
TATA MOTORS ભારતમાં ઇલેક્ટ્રિક વાહનો વેચતી સૌથી મોટી કંપની છે. TATA MOTORSએ તાજેતરમાં ઇન્ડિયા મોબિલિટી ગ્લોબલ એક્સ્પો 2025માં હેરિયર ઈવી અને સિએરા ઈવીનું પ્રદર્શન કર્યું હતું. ટાટાની આ બંને નવી ઇલેક્ટ્રિક કાર આ વર્ષના અંત સુધીમાં બજારમાં લોન્ચ થઈ શકે છે.