T20 World Cup 2026 Tickets: ICC મેન્સ T20 વર્લ્ડ કપ (T20 વર્લ્ડ કપ 2026) નું 10 એડિશન 7 ફેબ્રુઆરીથી શરૂ થશે. તેમાં ગ્રુપ સ્ટેજ, સુપર 8 સ્ટેજ અને નોકઆઉટ સ્ટેજનો સમાવેશ થશે. 20 ટીમો વચ્ચે કુલ 55 મેચ રમાશે. આ ટુર્નામેન્ટનું આયોજન ભારત અને શ્રીલંકા કરશે, જ્યારે પાકિસ્તાન તેની બધી મેચ શ્રીલંકામાં રમશે. ભારતમાં મેચોની ટિકિટ ₹100 થી શરૂ થાય છે, જ્યારે શ્રીલંકામાં મેચોની સૌથી સસ્તી ટિકિટ ₹300 ની આસપાસ છે.
ટિકિટનું વેચાણ ક્યારથી શરૂ થશે?
ઇન્ટરનેશનલ ક્રિકેટ કાઉન્સિલે એક સ્ટેટમેન્ટમાં જણાવ્યું હતું કે, "ICC એ આજે પુરુષોના T20 વર્લ્ડ કપ માટે ટિકિટ વેચાણ શરૂ કરવાની જાહેરાત કરી છે, જેમાં આ મુખ્ય ઇવેન્ટને શક્ય તેટલા વધુ પ્રેક્ષકો સુધી સુલભ બનાવવા માટે ઓછી પ્રારંભિક ટિકિટ કિંમતો છે. ભારતમાં કેટલાક સ્થળોએ કિંમતો ફક્ત ₹100 અને શ્રીલંકામાં લગભગ ₹300 થી શરૂ થશે." વેચાણ 11 ડિસેમ્બર 2025 ના રોજ ભારતીય સમય અનુસાર, સાંજે 6:45 વાગે શરૂ થઈ ગયું છે.
ICC T20 વર્લ્ડ કપ 2026 ની ટિકિટ કેવી રીતે બુક કરવી?
ફેન્સ ક્રિકેટ વર્લ્ડ કપ વેબસાઇટ (https://tickets.cricketworldcup.com) ની મુલાકાત લઈને અથવા સીધા BookMyShow વેબસાઇટ અથવા એપ્લિકેશન દ્વારા ટિકિટ બુક કરી શકે છે. વેબસાઇટની મુલાકાત લેવા પર, તમને બધી ટીમોના ધ્વજ દેખાશે. તમે જેની મેચ માટે ટિકિટ બુક કરવા ઈચ્છો છો તેના પર ક્લિક કરો. ભારતના નામ પર ક્લિક કરવાથી ટીમ ઈન્ડિયાની મેચોની લિસ્ટ સામે આવશે. તમે જે મેચ માટે ટિકિટ બુક કરવા ઈચ્છો છો તેના પર ક્લિક કરો. ધારો કે, તમે ભારત vs પાકિસ્તાન મેચ પર ક્લિક કરો છો, જે 15 ફેબ્રુઆરીએ કોલંબોના આર. પ્રેમદાસા સ્ટેડિયમમાં રમાશે. તમારે પહેલા લોગિન કરવું પડશે, ત્યારબાદ "હમણાં બુક કરો" ઓપ્શન ઉપલબ્ધ થશે. પછી તમે તમારી સીટ સિલેક્ટ કરી શકો છો, ટિકિટની કિંમત ચૂકવી શકો છો અને તમારી ટિકિટ બુક કરી શકો છો. કૃપા કરીને નોંધ લો કે, એક જ લોગિન આઈડીનો ઉપયોગ કરીને વધુમાં વધુ બે ટિકિટ બુક કરી શકાય છે.
ભારત vs પાકિસ્તાન ક્રિકેટ મેચની ટિકિટ
ભારત vs પાકિસ્તાન મેચ 15 ફેબ્રુઆરીએ શ્રીલંકામાં યોજાશે. શ્રીલંકામાં મેચોની સૌથી સસ્તી ટિકિટ 1500 LKR છે, જે ભારતીય ચલણમાં 438 રૂપિયા થાય છે.
T20 વર્લ્ડ કપ 2026 નું વેન્યુ
નરેન્દ્ર મોદી સ્ટેડિયમ, અમદાવાદ
એમ એ ચિદમ્બરમ સ્ટેડિયમ, ચેન્નાઈ
અરુણ જેટલી સ્ટેડિયમ, દિલ્હી
ઈડન ગાર્ડન્સ, કોલકાતા
વાનખેડે સ્ટેડિયમ, મુંબઈ
આર પ્રેમદાસા સ્ટેડિયમ, કોલંબો
SSC ક્રિકેટ ગ્રાઉન્ડ, કોલંબો
પલ્લેકેલે ક્રિકેટ સ્ટેડિયમ, કેન્ડી
