T20 World Cup 2026 : જેમ જેમ T20 વર્લ્ડ કપ 2026 નજીક આવી રહ્યો છે, તેમ તેમ ક્રિકેટ જગતમાં ઉત્તેજના વધી રહી છે. પૂર્વ ભારતીય કોચ અને દિગ્ગજ ખેલાડી રવિ શાસ્ત્રીએ હાલમાં જ ICC REVEIW મેગા ઈવેન્ટમાં મોટી ભવિષ્યવાણી કરી છે. રવિ શાસ્ત્રીના મતે, આ વખતે બે ટીમો એવી છે, જે T20 ક્રિકેટમાં 300 રનનો આંકડો પાર કરવાની ક્ષમતા ધરાવે છે. ભારત અને ઓસ્ટ્રેલિયાના ટોપ ઓર્ડરના આક્રમક વલણને જોતા તેમણે આ મોટું નિવેદન આપ્યું છે.
શું T20 માં 300 રન શક્ય છે?
રવિ શાસ્ત્રીએ વિશ્વાસ વ્યક્ત કર્યો છે કે, આ મોર્ડન-ડે ક્રિકેટમાં હવે 300 રનનો સ્કોર અશક્ય નથી. તેમણે જણાવ્યું કે, ભારત અને ઓસ્ટ્રેલિયા પાસે એવા બેટ્સમેનો છે, જે શરૂઆતની ઓવરોમાં જ વિસ્ફોટક બેટિંગ કરે છે. જો તેમના ટોપ ઓર્ડરના બેટ્સમેનો સાથે મળીને 100 રનનો બનાવે, તો આ ટીમો 300 ની નજીક પહોંચી શકે છે. રવિ શાસ્ત્રી માને છે કે, આ બંને ટીમો ટાઇટલ જીતવા માટે સૌથી મજબૂત દાવેદાર છે.
ભારત ડિફેન્ડિંગ ચેમ્પિયન તરીકે મજબૂત
વર્ષ 2024 માં ટાઇટલ જીત્યા પછી ભારતીય ટીમ અજેય રહી છે. છેલ્લા કેટલાક સમયમાં ટીમના જીત અને હારનો રેકોર્ડ 32-5 નો રહ્યો છે, જે સાબિત કરે છે કે, ભારત હાલમાં વિશ્વની સૌથી ખતરનાક T20 ટીમ છે. ICC રેન્કિંગમાં નંબર 1 પર રહેલી ભારતીય ટીમ પાસે અભિષેક શર્મા જેવા વિસ્ફોટક ઓપનર અને વરુણ ચક્રવર્તી જેવા મિસ્ટ્રી સ્પિનર છે, જે કોઈપણ ટીમને મુશ્કેલીમાં મૂક શકે છે.
યુવા જોશ અને અનુભવનું એક્સપિરિયન્સનું અનોખું કોમ્બિનેશન
રવિ શાસ્ત્રીના મતે ભારતીય સિલેક્ટર્સએ આ વખતે ટીમમાં એક્સપિરિયન્સ અને યુવાનું શાનદાર કોમ્બિનેશન જાળવ્યું છે. જસપ્રીત બુમરાહ અને હાર્દિક પંડ્યા જેવા એક્સપિરિયન્સ ખેલાડીઓ ફોર્મમાં છે, જ્યારે શિવમ દુબે અને અભિષેક શર્મા જેવો યુવા જોશ ટીમને આક્રમકતા પૂરી પાડે છે. ઘણા ખેલાડીઓ તેમનો પ્રથમ વર્લ્ડ કપ રમી રહ્યા હોવાથી તેઓ કોઈપણ દબાણ વગર મુક્તપણે રમી શકશે, જે ભારત માટે પ્લસ પોઈન્ટ છે.
તિલક વર્મા અને સ્પિન એટેક પર દાવ
રવિ શાસ્ત્રીએ ખાસ કરીને યુવા બેટ્સમેન તિલક વર્મા પર મોટો દાવ લગાવ્યો છે. તેમણે કહ્યું કે, જો તિલક વર્મા ફિટ રહે છે, તો તે મિડલ ઓર્ડરમાં લેફટી બેટ્સમેન તરીકે ટીમ માટે ગેમ ચેન્જર સાબિત થઈ શકે છે. ઉપરાંત, ભારતનો સ્પિન વિભાગ જેમાં કુલદીપ યાદવ, અક્ષર પટેલ અને વરુણ ચક્રવર્તી સામેલ છે, તે કોઈપણ પીચ પર મેચનું પાસું પલટી શકે છે. રવિ શાસ્ત્રી માને છે કે, વિવિધતા અને કોમ્બિનેશનને કારણે ભારત પોતાના ટાઇટલને ડિફેન્ડ કરી શકે છે.
