શું હવે વિદ્યાર્થીઓ શાળાએ લઈ જઈ શક્શે મોબાઈલ ફોન? : શું કહ્યું દિલ્હી હાઈકોર્ટે?

દિલ્હી હાઈકોર્ટે શાળાઓમાં મોબાઇલ ફોનના ઉપયોગની મંજૂરી આપી છે. હાઈકોર્ટે કહ્યું છે કે શાળાઓમાં સ્માર્ટફોનના ઉપયોગ પર પ્રતિબંધ ના લગાવી શકાય. શાળાઓમાં વિદ્યાર્થીઓના સ્માર્ટફોનના ઉપયોગ અંગે કોર્ટે જણાવ્યું હતું કે, આ ડિવાઈસથી વિદ્યાર્થીઓ અને વાલીઓ વચ્ચે સંકલન જાળવવા સહિત ઘણા હેતુઓ પૂર્ણ થાય છે, જેથી બાળકોની સલામતી સુનિશ્ચિત થાય છે. જોકે ઘણા દેશોમાં શાળાઓમાં મોબાઇલ ફોન પર પ્રતિબંધ છે.

શાળાઓમાં મોબાઇલ ફોનના ઉપયોગ પર પ્રતિબંધ ન લગાવી શકાયઃ સુપ્રીમ કોર્ટ

કોર્ટે કહ્યું કે નીતિના ભાગરૂપે વિદ્યાર્થીઓને શાળાઓમાં સ્માર્ટફોન લઈ જતા રોકી શકાતા નથી, પરંતુ તેના ઉપયોગ પર નજર રાખી શકાય છે. વિદ્યાર્થીઓ તેમના ફોનને શાળામાં સુરક્ષિત જગ્યાએ રાખી શકે છે અને જ્યારે તેઓ ઘરે જાય ત્યારે તેને પરત લઈ જઈ શકે છે. વર્ગખંડમાં શિસ્તતા જાળવવા માટે, વર્ગખંડમાં તેમજ કોમ એરિયામાં ફોનના ઉપયોગ અને શાળાના વાહનોમાં સ્માર્ટફોન કેમેરા અને રેકોર્ડિંગના ઉપયોગ પર પ્રતિબંધ હોવો જોઈએ.

વિદ્યાર્થીઓને સ્માર્ટફોનનો નૈતિક ઉપયોગ શીખવવો.
કોર્ટે એમ પણ કહ્યું હતું કે શાળાઓએ વિદ્યાર્થીઓને જવાબદાર ઓનલાઇન વર્તણૂક, ડિજિટલ રીતભાત અને ફોનના નૈતિક ઉપયોગ વિશે શિક્ષિત કરવા જોઈએ. આ ઉપરાંત વિદ્યાર્થીઓને સલાહ આપવી જોઈએ. વધુ પડતો સ્ક્રીન ટાઈમ, સાયબર બુલિંગ અને બેચેની ટાળવા કાઉન્સેલિંગ આપવું જોઈએ

ભારત વિશ્વના અન્ય દેશોથી અલગ છે
અમેરિકા અને ફ્રાન્સ સહિત વિશ્વના ઘણા દેશોએ વિદ્યાર્થીઓને મોબાઇલ ફોનનો ઉપયોગ કરવા પર પ્રતિબંધ મૂક્યો છે. સ્વીડનમાં, 2 વર્ષથી ઓછી ઉંમરના બાળકોને સ્ક્રીનનો ઉપયોગ કરવાની મંજૂરી નથી. કિશોરાવસ્થામાં પણ વિદ્યાર્થીઓ મર્યાદિત સમય માટે સ્ક્રીનનો ઉપયોગ કરી શકે છે. તેવી જ રીતે, યુ. એસ. પણ શાળાઓમાં ફોનના ઉપયોગ અંગેના નિયમો બનાવવાનું વિચારી રહ્યું છે. ઇટાલીમાં માધ્યમિક શાળા સુધીના વિદ્યાર્થીઓ ફોનનો ઉપયોગ કરી શકતા નથી.