અમેરિકામાં એક અજીબ ઘટનામાં, બે વર્ષથી ગુમ થયેલી લક્ઝરી કાર માલિકને આર્ટિફિશિયલ ઇન્ટેલિજન્સ (AI)ની મદદથી મળી આવી.
ઘટના શું છે?
એન્ડ્રુ ગાર્સિયાની લેમ્બોર્ગિની હુરાકન ઇવો એક ગેંગ દ્વારા ભાડે લઈ ગાયબ કરવામાં આવી હતી. આ ગેંગ પર લગભગ બે ડઝન કાર ન પરત કરવાનો, નકલી દસ્તાવેજો બનાવવાનો અને માલિકીના રેકોર્ડ બદલીને નવી કાર વેચવાનો આરોપ છે. પોલીસ દ્વારા ઘણા વાહનો જપ્ત થયા, પરંતુ ગાર્સિયાની કારનું કોઈ અતાપતા મળ્યું ન હતું.
ઇન્સ્ટાગ્રામ પરથી મળી સુત્રધાર
વાર્તામાં વળાંક ત્યારે આવ્યો જ્યારે ગાર્સિયાને ઇન્સ્ટાગ્રામ પર અજાણ્યા વ્યક્તિ પાસેથી મેસેજ મળ્યો. મેસેજ સાથે કારના ફોટા હતા અને પૂછવામાં આવ્યું કે શું તેણે કાર વેચી દીધી છે. કારની અંદરથી મળેલા બિઝનેસ કાર્ડ પરથી વ્યક્તિએ માલિક સુધી પહોંચવાનો પ્રયાસ કર્યો.
ચેટજીપીટીની મદદથી મળી કાર
ગાર્સિયાએ કારના ફોટા ChatGPTમાં મૂકીને તેને ગૂગલના લોકેશન ટૂલ્સ સાથે જોડ્યા. AIએ પૂરતી માહિતી પૂરી પાડી જેથી કારનું ચોક્કસ સ્થાન જાણી શકાય. ત્યારબાદ ગાર્સિયાએ પોલીસને જાણ કરી. પોલીસે ચકાસણી બાદ લેમ્બોર્ગિની હુરાકન ઇવો કબજે કરી.
લેમ્બોર્ગિની હુરાકનનું ઇતિહાસ
2014: પ્રથમ વખત લોન્ચ – કૂપ મોડેલ
2016: પરફોર્મન્ટ વર્ઝન, અનેક રેકોર્ડ બનાવ્યા
2019: હુરાકન EVO સાથે અપડેટેડ V10 એન્જિન
2021: હુરાકન STO, સ્ટ્રીટ-લીગલ રેસિંગ ટેકનોલોજી કાર
2022: હુરાકન ટેકનિકા અને સ્ટેરાટો (ઓલ-ટેરેન V10 સુપરકાર) લોન્ચ
