હિમવર્ષા જોવી હોય તો હજુ પણ મોડુ નથી થયું : સિઝનના અંતમાં અહીં થઈ રહીં છે હિમવર્ષા

શિયાળાની શરૂઆત થતાં જ મોટાભાગના લોકો હિમવર્ષા જોવા માટે હિલ સ્ટેશન પર જતા હોય છે. જો કે, આ વખતે શિયાળો થોડો વહેલો સમાપ્ત થયો છે, જેના કારણે ઘણા લોકો સ્નો ફોલનો આનંદ નથી લઈ શક્યા. પરંતુ જો તમે હજી પણ સ્નો ફોલની રાહ જોઈ રહ્યા છો, તો હિલ સ્ટેશન પર બદલાતું હવામાન તમને નિરાશ નહીં કરે. તમે તમારા વેકેશનનું ફરીથી આયોજન કરી શકો છો અને હિમ વર્ષાનો આનંદ માણી શકો છો.

તમને જણાવી દઈએ કે પર્વતીય વિસ્તારોમાં હવામાન ફરી એકવાર બદલાઈ રહ્યું છે. છેલ્લા બે દિવસથી ઘણા હિલ સ્ટેશનો પર હિમવર્ષા થઈ રહી છે, જેના કારણે આવતા સપ્તાહમાં ફરી પ્રવાસીઓની ભીડ અહીં પહોંચે તેવી અપેક્ષા છે. આવી સ્થિતિમાં અમે તમને તે હિલ સ્ટેશનો વિષયે જણાવીશું જ્યાં તમને હજુ પણ બરફ પડતો જોવા મળે છે.

હવામાનમાં અચાનક ફેરફાર
ફેબ્રુઆરીનો અંત આવી રહ્યો છે અને માર્ચ શરૂ થઈ રહ્યો છે. આ સમયે, હિમવર્ષા લગભગ બંધ થઈ ગઈ હોય છે. જો કે, હવામાન બદલાયું છે અને ઘણા સ્થળો પર ગાજવીજ સાથે વરસાદ થઈ રહ્યો છે. જો તમે બરફવર્ષાનો આનંદ માણવા માંગતા હોવ તો તમે શ્રીનગર જવાનો પ્લાન બનાવી શકો છો. ગત મંગળવારથી શ્રીનગરના નીચાણવાળા વિસ્તારો અને ગુલમર્ગની આસપાસ હિમવર્ષા થઈ છે. આ ઉપરાંત તમે પર્વતીય રાજ્ય હિમાચલ પ્રદેશની મુલાકાત લેવાનું પણ આયોજન કરી શકો છો. હિમાચલ પ્રદેશના ચંબા, કિન્નૌર અને લાહૌલ-સ્પીતિ જિલ્લામાં ભારે હિમવર્ષા થઈ હતી. શિમલા અને કુલ્લુ જિલ્લામાં પણ ભારે વરસાદ પડ્યો હતો. લાહૌલ-સ્પીતિ અને કિન્નૌરમાં એટલો બરફ પડ્યો છે કે ઘણા રસ્તાઓ બંધ થઈ ગયા છે. હિમવર્ષા ચાલુ રહેવાની શક્યતા છે.

આવી રીતે કરો રજાઓનું આયોજન
જો તમે તમારા મિત્રો અને પરિવાર સાથે ફરવા જવા માંગતા હોવ, તો તમે હિલ સ્ટેશન પર હિમવર્ષા જોવાની યોજના બનાવી શકો છો. હવામાનમાં અચાનક આવેલા પરિવર્તનથી પ્રવાસીઓ માટે ઘણા સુંદર દૃશ્યો જોવા મળશે. તમે વેકેશન પર જવાની યોજના બનાવી શકો છો. તમે શુક્રવારે રાત્રે હિલ સ્ટેશન જઈ શકો છો. આ પછી, તમને સુંદર દૃશ્યો માટે શનિવાર અને રવિવારે આખો દિવસ મળશે.