Shilpa Shetty Viral Video: બોલિવૂડની ફિટનેસ ક્વીન તરીકે પ્રખ્યાત અભિનેત્રી શિલ્પા શેટ્ટી હાલમાં એક ખૂબ જ ભાવુક અને આધ્યાત્મિક ક્ષણમાંથી પસાર થઈ રહી છે. શિલ્પાએ પોતાના ઘરે શિરડીના સાંઈ બાબાની પવિત્ર કફની (બાબાએ પહેરેલી લાંબી ઝભ્ભો) અને પાદુકા (પવિત્ર ચરણ-પાદુકા) લાવી છે. આ પવિત્ર વસ્તુઓના આગમનથી શિલ્પા અને તેનો આખો પરિવાર અપાર આનંદ અને ભક્તિથી ભરાઈ ગયો છે. શિલ્પાએ પોતાના ઇન્સ્ટાગ્રામ હેન્ડલ પર એક હૃદયસ્પર્શી વીડિયો શેર કર્યો છે, જેમાં તે પતિ રાજ કુન્દ્રા, પુત્રી સમીશા અને પુત્ર વિઆન સાથે સાંઈ બાબાની આરતી અને પૂજા કરતી જોવા મળે છે.
વીડિયો સોશિયલ મીડિયા પર વાયરલ
વીડિયોમાં પૃષ્ઠભૂમિમાં લતા મંગેશકરનું અમર ભજન “શિરડી માઝે પંઢરપુર, સાંઈ બાબા માઝે પંઢરપુર” ગુંજી રહ્યું છે, જેનાથી વીડિયો વધુ ભાવવિભોર બની ગયો છે. કેપ્શનમાં શિલ્પાએ લખ્યું:
“સાઈ બાબા, તમારી પવિત્ર કફની અને પાદુકા ઘરે લાવ્યા પછી હું પ્રેમ અને કૃતજ્ઞતાથી ભરાઈ ગઈ છું. તમારી દૈવી કૃપા હંમેશા મારા ઘરે અને હૃદયમાં વિરાજમાન રહે. ભક્તિ અને ધૈર્ય સાથે મને માર્ગદર્શન આપતા રહેજો. ॐ સાંઈ રામ ”સાંઈ ભક્તો માટે ઘરે બાબાની કફની અને પાદુકા આવવી એ સૌથી મોટો આશીર્વાદ અને લહાવો માનવામાં આવે છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે અને ચાહકો પણ શિલ્પાને આ ભાગ્ય માટે અભિનંદન પાઠવી રહ્યા છે.
KD – The Devilમાં કમબેક
બીજી તરફ, કાર્યક્ષેત્રની વાત કરીએ તો શિલ્પા શેટ્ટી ટૂંક સમયમાં કન્નડ ફિલ્મ “KD – The Devil”માં ધમાકેદાર કમબેક કરવા જઈ રહી છે. આ ફિલ્મમાં તેની સાથે ધ્રુવ સરજા, સંજય દત્ત, નોરા ફતેહી, વી. રવિચંદ્રન જેવા કલાકારો છે. ફિલ્મ 1970ના દાયકાની બેંગલોરની સત્ય ઘટનાઓ પર આધારિત છે અને તે કન્નડ ઉપરાંત હિન્દી, તમિલ, તેલુગુ તથા મલયાલમમાં પણ રિલીઝ થશે.શિલ્પાનો આ ભાવુક પળ હજારો ભક્તોના દિલને સ્પર્શી ગયો છે.
