કેરળ વિધાનસભા ચૂંટણી માટે પાર્ટીની તૈયારીઓ અંગે ચર્ચા કરવા માટે કોંગ્રેસ હાઈકમાન્ડ દ્વારા બોલાવવામાં આવેલી બેઠકમાં કોંગ્રેસના સાંસદ શશી થરૂર હાજરી આપશે નહીં. સૂત્રોના જણાવ્યા અનુસાર, કોચીમાં એક મહાપંચાયત કાર્યક્રમમાં થરૂરને "અપમાન" થયાની લાગણી થયા બાદ આ નિર્ણય લેવામાં આવ્યો હતો, જ્યાં પાર્ટીના સાંસદ રાહુલ ગાંધી પણ હાજર હતા.
આ મહત્વપૂર્ણ ચર્ચા બેઠકમાં થરૂરની ગેરહાજરી રાજ્યની ચૂંટણીઓ પહેલા પક્ષમાં આંતરિક ઝઘડા તરફ ઈશારો કરે છે.
કોંગ્રેસના સૂત્રોએ ઇશરાઓમાં જણાવ્યું કે, તેઓ અત્યારે કોંગ્રેસના રાજ્ય અને કેન્દ્રીય નેતૃત્વ બંનેથી નારાજ, જેના કારણે તેમણે મિટિંગમાં સામેલ ન થવાનો નિર્ણય લીધો છે.
કેમ નારાજ છે શશી થરૂર?
અહેવાલો અનુસાર, થરૂરે પોતાના નજીકના સાથીઓ સાથે પોતાની નિરાશા વ્યક્ત કરી અને કહ્યું છે કે આ ઘટના પાર્ટીમાં તેમના યોગદાનને નજરઅંદાજ કરવાની એક મોટી પેટર્ન દર્શાવે છે.
કોચિના કાર્યક્રમમાં બેસવાની વ્યવસ્થા અને બોલવાના શેડ્યુઅલને લઈને સમસ્યા ઊભી થઈ. અહેવાલો અનુસાર, થરૂરને કહેવામાં આવ્યું હતું કે ફક્ત રાહુલ ગાંધી જ બોલશે, પરંતુ પછીથી બીજા નેતાઓએ પણ ભાષણ આપ્યું હતું. વ્યવસ્થાઓને લઈને થયેલી ભૂલોને સાર્વજનિક રીતે થરૂરની સિનિયોરીટીના દ્રષ્ટિકોણથી અપમાનની જેમ જોવામાં આવી હતી.
મેનેજમેન્ટથી કયા થઈ ભૂલ?
શરૂઆતી નિર્દેશ હોવા છતાં, રાહુલ ગાંધીના આવ્યા બાદ પાર્ટીના અન્ય ઘણા નેતાઓએ પણ કાર્યક્રમ સંબોધિત કર્યો હતો. અહેવાલો અનુસાર, નક્કી પ્લાનને આ રીતે બદળવાથી થરૂરની નારાજગીને વધારી દીધી. આ દરમિયાન વક્તાઓના ક્રમને લઈને પ્રોટોકોલના ઉલ્લંઘનનો મામલો જોવા મળ્યો હતો.
આ ઘટનાએ પાર્ટીના કાર્યકરોમાં આંતરિક શિસ્ત અને વરિષ્ઠ નેતાઓ પ્રત્યે આદર અંગે ગરમાગરમ ચર્ચા જગાવી છે. મહાપંચાયતમાં પોતાના ભાષણ દરમિયાન રાહુલ ગાંધીએ શશી થરૂરનું નામ બાકાત રાખ્યું હતું. નિષ્ણાતોએ કહ્યું કે પાર્ટી અને રાજ્યમાં થરૂરના મહત્વને ધ્યાનમાં રાખીને આ નોંધપાત્ર હતું.
સૂત્રોએ જણાવ્યું હતું કે આ અવગણનાથી શશી થરૂરની નારાજગી વધુ ભડકી છે. જ્યારે થરૂર કોંગ્રેસ હાઈકમાન્ડની બેઠકમાં હાજરી આપશે નહીં, પરંતુ તેઓ આજે કેરળ સાહિત્ય મહોત્સવમાં ભાગ લેશે .
કોંગ્રેસ પાર્ટીએ શશિ થરૂરની કથિત નારાજગી કે કેરળ ચૂંટણી સભામાં હાજરી ન આપવાના તેમના નિર્ણય અંગે કોઈ સત્તાવાર નિવેદન બહાર પાડ્યું નથી.
