Samantha Wedding: પ્રખ્યાત સાઉથ અભિનેત્રી સમન્થા રૂથ પ્રભુએ ફરી લગ્નના બંધનમાં બંધાઈ છે. આ વખતે તેમણે ‘ધ ફેમિલી મેન’ના કો-ડિરેક્ટર અને લેખક રાજ નિદિમોરુ સાથે ગુપ્ત રીતે લગ્ન કર્યા છે. આ ખાસ સમારોહ 1 ડિસેમ્બર, 2025ના રોજ તમિલનાડુના કોઈમ્બતુર સ્થિત સદ્ગુરુના ઈશા યોગા સેન્ટરમાં ખૂબ જ સાદગીથી યોજાયો હતો. માત્ર નજીકના પરિવારજનો અને મિત્રો જ આ સમારોહમાં હાજર રહ્યા હતા.
લગ્નના ફોટા સોશિયલ મીડિયા પર વાયરલ
સમન્થાએ પોતે પોતાના ઈન્સ્ટાગ્રામ પર લગ્નના પાંચ ખાસ ફોટા શેર કર્યા છે, જેમાં તે લાલ રંગની સાદી પરંતુ આકર્ષક સાડીમાં દેખાઈ રહી છે. રાજ નિદિમોરુએ સફેદ કુર્તા-પાયજામા અને આછા બ્રાઉન જેકેટ પહેર્યું હતું.
ફોટામાં જોવા મળેલી ખાસ વાતો
સમન્થાના હાથમાં રાજનું નામ લખેલી સાદી મહેંદી
ગળામાં મંગળસૂત્ર અને આંગળીમાં સગાઈની વીંટી
હવન કુંડની સામે બંને એકસાથે
એક ફોટામાં રાજ સમન્થાની આંગળીમાં વીંટી પહેરાવતો દેખાય છે
કેપ્શનમાં માત્ર તારીખ: “1-12-2025”
રાજ નિદિમોરુ કોણ છે?
રાજ અને તેમના પાર્ટનર કૃષ્ણ ડી.કે. (રાજ & ડીકે) દિગ્ગજ ફિલ્મમેકર્સ છે.
તેમની પ્રખ્યાત કૃતિઓમાં છે
વેબ સિરીઝ: ધ ફેમિલી મેન, ફર્ઝી,
સિટાડેલ: હની બન્ની, ગન્સ એન્ડ ગુલાબ્સ
ફિલ્મો: સ્ત્રી (સ્ક્રિપ્ટ), શોર ઇન ધ સિટી, ગો ગોવા ગોન, 99, એ જેન્ટલમેન વગેરે
રાજનું આ પહેલું લગ્ન નથી. તેમણે 2022માં પત્ની શ્યામલી ડે સાથે છૂટાછેડા લીધા હતા.
સમન્થાનું પાછલું વૈવાહિક જીવન
સમન્થાએ 2017માં અભિનેતા નાગા ચૈતન્ય સાથે ધામધૂમપૂર્વક લગ્ન કર્યા હતા. બંનેએ 2021માં છૂટાછેડા લીધા હતા. ત્યાર બાદ નાગા ચૈતન્યએ 2024માં અભિનેત્રી શોભિતા ધુલિપાલા સાથે લગ્ન કર્યા. હાલ આ નવા લગ્નના ફોટા સોશિયલ મીડિયા પર ઝડપથી વાયરલ થઈ રહ્યા છે અને ફેન્સ તેમને અભિનંદન પાઠવી રહ્યા છે.
