રાજપાલ યાદવના ૩૦ વર્ષના કરિયરના સલમાન ખાને કર્યા વખાણ, કહ્યું- 'કામ દિલથી કરો'
બોલિવૂડના સુપરસ્ટાર સલમાન ખાન પોતાની મિત્રતા નિભાવવા માટે જાણીતા છે. હાલમાં જ જ્યારે જાણીતા કોમેડિયન અને અભિનેતા રાજપાલ યાદવને એક એવોર્ડ શો દરમિયાન ટ્રોલ કરવામાં આવ્યા, ત્યારે સલમાન ખાન તેમના બચાવમાં મેદાનમાં આવ્યા છે. સલમાને સોશિયલ મીડિયા પર એક ખાસ નોંધ લખીને રાજપાલના કામની પ્રશંસા કરી છે.
શું હતી સમગ્ર ઘટના?
તાજેતરમાં મુંબઈમાં યોજાયેલા એક કાર્યક્રમ દરમિયાન રાજપાલ યાદવ વધતી જતી મોંઘવારી અને કરન્સીના ઉતાર-ચઢાવ વિશે વાત કરી રહ્યા હતા. આ દરમિયાન કાર્યક્રમના હોસ્ટ અને પત્રકાર સૌરભ દ્વિવેદીએ રાજપાલ યાદવના દેવા (Loan) અંગે ટિપ્પણી કરતા કહ્યું હતું કે, "ડોલર કે રૂપિયો ગમે તેટલો ઉપર-નીચે થાય, તમારે એટલા જ પૈસા પાછા આપવા પડશે જેટલા ઉધાર લીધા છે." આ ટિપ્પણી બાદ સોશિયલ મીડિયા પર રાજપાલ યાદવને ટ્રોલ કરવામાં આવ્યા હતા.
સલમાન ખાને શું કહ્યું?
આ ઘટના બાદ સલમાન ખાને X (ટ્વિટર) પર રાજપાલ યાદવ માટે લખ્યું, "રાજપાલ ભાઈ, તમે 30 વર્ષથી કામ કરી રહ્યા છો અને અમે બધાએ તમને વારંવાર ફિલ્મોમાં રિપીટ કર્યા છે, કારણ કે તમે તમારું કામ જાણો છો અને ફિલ્મમાં વેલ્યુ લાવો છો. તમને ઘણું કામ મળશે અને આ જ રેટ પર મળતું રહેશે. આ જ હકીકત છે."
વધુમાં સલમાને સલાહ આપતા લખ્યું કે, "યાદ રાખજો કે ક્યારેક ફ્લોમાં કંઈક નીકળી જાય છે. જો કંઈક આપવું જ હોય તો તે મગજમાં રાખો અને દિલથી કામ કરો. ડોલર ઉપર હોય કે નીચે, શું ફરક પડે છે? આપણે તો ઇન્ડિયામાં જ રહેવાનું છે."
રાજપાલ યાદવનું વર્કફ્રન્ટ
રાજપાલ યાદવ ટૂંક સમયમાં અક્ષય કુમાર સાથે ફિલ્મ 'ભૂલ ભૂલૈયા 3' બાદ હવે 'ભૂત બંગલા'માં જોવા મળશે. જ્યારે સલમાન ખાન તેની આગામી ફિલ્મ 'માતૃભૂમિ'ની તૈયારીઓમાં વ્યસ્ત છે. સલમાનના આ સમર્થનથી સોશિયલ મીડિયા પર ચાહકો તેના ખૂબ વખાણ કરી રહ્યા છે
