The Magic Of Sedans In The Indian Car Market: ભારતમાં SUV ની માંગ સતત વધી રહી હોવા છતાં, Sedan નો જાદુ હજુ પણ ઓછો થયો નથી. હકીકતમાં, જે ગ્રાહકો કમ્ફર્ટ, પ્રીમિયમ ફીચર્સ અને સ્મૂધ ડ્રાઇવિંગને પ્રાથમિકતા આપે છે, તેઓ હજુ પણ સેડાન ખરીદવાનું પસંદ કરે છે. સપ્ટેમ્બર 2025 માં, Maruti Suzuki, Hyundai, Honda, Volkswagen અને Skoda જેવી કંપનીઓએ સેડાન સેગમેન્ટમાં સારું પ્રદર્શન કર્યું. આ સમયગાળા દરમિયાન, Maruti Suzuki Dzire ફરી એકવાર સાબિત કરી દીધું કે, તે ભારતીય ગ્રાહકોની પહેલી પસંદગી કેમ છે.
Maruti Suzuki Dzire
સપ્ટેમ્બર 2025 માં Maruti Suzuki Dzire એ સેગમેન્ટમાં નોંધપાત્ર વૃદ્ધિ હાંસલ કરી. કંપનીએ ગયા મહિને 20,038 યુનિટ વેચ્યા હતા, જે ગયા વર્ષે સપ્ટેમ્બરમાં ફક્ત 10,853 યુનિટ હતા. આ વેચાણમાં લગભગ 85% નો નોંધપાત્ર વધારો દર્શાવે છે. Dzire ની કિંમત ₹6.25 લાખ (એક્સ-શોરૂમ) થી શરૂ થાય છે અને તે વાયરલેસ Apple CarPlay/Android Auto, 9 ઇંચની ટચસ્ક્રીન, વાયરલેસ ચાર્જર, સનરૂફ, 360° કેમેરા અને છ એરબેગ્સ સહિત અનેક પ્રીમિયમ ફીચર્સ સાથે આવે છે. આ ફીચર્સ કારને તેના સેગમેન્ટમાં સૌથી લોકપ્રિય બનાવી છે.
Hyundai Aura
Hyundai Aura જે બજેટ ખરીદદારોમાં પ્રિય રહે છે, તે બીજા સ્થાને રહી. સપ્ટેમ્બર 2025 માં, 5,387 યુનિટ વેચાયા હતા, જે પાછલા વર્ષ કરતા 21% વધુ છે. Aura ખાસ કરીને તેના CNG વેરિઅન્ટ, ઓછા જાળવણી ખર્ચ અને કોમ્પેક્ટ ડિઝાઇન માટે લોકપ્રિય છે. કંપનીએ તે કારમાં વાયરલેસ કનેક્ટિવિટી અને સેફટી ફીચર્સને પણ અપડેટ કર્યા છે, જે તેને ફેમિલી કાર સેગમેન્ટમાં વધુ આકર્ષક બનાવે છે.
Honda Amaze
Honda Amaze તેની ક્વાલિટી અને ડ્રાઇવિંગ કમ્ફર્ટ માટે જાણીતી છે. જે ત્રીજા નંબરે આવે છે. જોકે, આ વર્ષે વેચાણમાં થોડો ઘટાડો થયો છે, સપ્ટેમ્બર 2025 માં 2,610 યુનિટ વેચાયા છે, જે પાછલા વર્ષના 2,820 યુનિટ હતા. તેમ છતાં, Amaze તેની મજબૂત બિલ્ડ ક્વાલિટી, મોટું કેબિન અને સ્મૂધ પર્ફોર્મન્સને કારણે ગ્રાહકોમાં એક વિશ્વસનીય સેડાન બની રહી છે.
Volkswagen Virtus
સપ્ટેમ્બર 2025 માં Volkswagen Virtus ચોથા ક્રમે રહ્યું, જેમાં 1,648 યુનિટનું વેચાણ થયું, જે પાછલા વર્ષ કરતા થોડું ઓછું છે. Virtus એવા ગ્રાહકો માટે છે જેઓ યુરોપિયન સ્ટાઇલ, પાવરફૂલ એન્જિન અને મજબૂત બિલ્ડ ક્વાલિટી શોધે છે. તેનું ટર્બોચાર્જ્ડ એન્જિન અને સ્ટાઇલિશ ડિઝાઇન તેને અન્ય કારથી અલગ પાડે છે.
Skoda Slavia
Skoda Slavia ના વેચાણમાં થોડો ઘટાડો થયો છે, પરંતુ તે ટોપની 5 કારોમાં પોતાનું સ્થાન જાળવી રાખ્યું છે. સપ્ટેમ્બર 2025 માં 1,339 યુનિટ વેચાયા હતા. Slavia તેની પ્રીમિયમ રાઈડ ક્વાલિટી, અદ્યતન સેફટી ફીચર્સ અને ટર્બોચાર્જ્ડ એન્જિનને કારણે ગ્રાહકોમાં લોકપ્રિય પસંદગી છે.
અન્ય મોડલોનું વેચાણ
ટોપના 5 મોડલોની બહાર પણ, કેટલીક સેડાન કારોએ સારું પ્રદર્શન કર્યું. Tata Tigor ના 966 યુનિટ, Hyundai Verna ના 725 યુનિટ, Honda City ના 496 યુનિટ અને Toyota Camry ના 137 યુનિટ વેચાયા. દરમિયાન, આ વખતે Maruti Suzuki Ciaz નું કોઈ વેચાણ થયું નથી, જે દર્શાવે છે કે કંપની હવે તેની નવી જનરેશનની સેડાન પર ધ્યાન કેન્દ્રિત કરી રહી છે. સપ્ટેમ્બર 2025 ના વેચાણ અહેવાલમાં સ્પષ્ટપણે દર્શાવવામાં આવ્યું છે કે, SUV ટ્રેન્ડ હોવા છતાં, Maruti Suzuki Dzire ભારતીય ગ્રાહકો માટે ટોપની પસંદગી છે. Hyundai Aura અને Honda Amaze બજેટ ગ્રાહકોને આકર્ષિત કરી રહી છે, જ્યારે Virtus અને Slavia પ્રીમિયમ સેગમેન્ટમાં મજબૂત પકડ જાળવી રાખી છે.
