રશિયાએ ચેર્નોબિલ પરમાણુ પાવર પ્લાન્ટના ચોથા પાવર યુનિટ પર ડ્રોન હુમલો કર્યો. ચેર્નોબિલના નિષ્ક્રિય પરમાણુ ઉર્જા પ્લાન્ટ પર રશિયાના ડ્રોન હુમલાએ વૈશ્વિક પરમાણુ સુરક્ષાને જોખમમાં મૂકી દીધી છે. આ હુમલાનો દાવો ખુદ યુક્રેનના રાષ્ટ્રપતિ વોલોદિમીર ઝેલેન્સ્કીએ કર્યો છે. નિષ્ણાતો રશિયાના આ હુમલાને વૈશ્વિક સુરક્ષા માટે મોટો ખતરો માને છે.
ચેર્નોબિલના જોખમોને ટાળવા માટે યુક્રેન, યુરોપ, યુનાઇટેડ સ્ટેટ્સ અને અન્ય દેશોની મદદથી ચેર્નોબિલ પર સ્પેશિયલ યુનિટ બનાવવામાં આવ્યું હતું.
યુક્રેનના રાષ્ટ્રપતિ વોલોદિમીર ઝેલેન્સ્કીએ આ ઘટનાને આતંકવાદી હુમલો ગણાવ્યો. તેમણે રશિયા પર આંતરરાષ્ટ્રીય ધોરણોની અવગણના કરવાનો અને પરમાણુ સ્થળોને નિશાન બનાવવાનો આરોપ લગાવ્યો, જે સમગ્ર વિશ્વ માટે ગંભીર ખતરો છે. ઝેલેન્સ્કીએ ભારપૂર્વક જણાવ્યું હતું કે આવા હુમલાઓ વૈશ્વિક સુરક્ષાને જોખમમાં મુકી શકે છે. અને તાત્કાલિક પ્રતિક્રિયાની જરૂર છે.
આગ પર કાબુ મેળવી લેવાયો
રાષ્ટ્રપતિ ઝેલેન્સ્કીની પુષ્ટિ પછી, અગ્નિ સુરક્ષા અધિકારીઓએ અહેવાલ આપ્યો કે ચેર્નોબિલ પ્લાન્ટ પર ડ્રોન હુમલા પછી ફાટી નીકળેલી આગને સંપૂર્ણપણે નિયંત્રિત કરવામાં આવી છે.
રેડિયેશનનું કોઈ જોખમ નથી.
રશિયન ડ્રોન હુમલા પછી ચેર્નોબિલ પ્લાન્ટમાં રેડિયેશનના સ્તરની તપાસ કરવામાં આવી હતી. તપાસ પછી, નિષ્ણાતોએ પુષ્ટિ કરી છે કે આ ક્ષણે કોઈ અસામાન્ય સ્તર મળ્યું નથી. પ્લાન્ટના અધિકારીઓ પરિસ્થિતિ પર નજર રાખી રહ્યા છે જેથી આગામી સમયમાં કોઈપણ ખતરાનો સામનો કરી શકાય.
Last night, a Russian attack drone with a high-explosive warhead struck the shelter protecting the world from radiation at the destroyed 4th power unit of the Chornobyl Nuclear Power Plant.
— Volodymyr Zelenskyy / Володимир Зеленський (@ZelenskyyUa) February 14, 2025
This shelter was built by Ukraine together with other countries of Europe and the world,… pic.twitter.com/mLTGeDYgPT
