Rohit Sharma and Virat Kohli : ભારતીય ક્રિકેટ ચાહકો માટે એક પછી એક માઠા સમાચાર સામે આવી રહ્યા છે, જેના કારણે સોશિયલ મીડિયાથી લઈને ક્રિકેટ પંડિતોમાં ભારે ચર્ચા જાગી છે. સ્ટાર બેટ્સમેન વિરાટ કોહલી હેમસ્ટ્રિંગની ઈજાના કારણે અફઘાનિસ્તાન સામેની આગામી વનડે સિરીઝમાંથી બહાર થઈ ગયા બાદ હવે કેપ્ટન રોહિત શર્મા પણ આ જ ઈજાનો ભોગ બન્યા છે. રિપોર્ટ્સ અનુસાર, નબળી ફિટનેસના કારણે હિટમેન આખી સિરીઝ ગુમાવી શકે છે. ભારતના આ બે સૌથી અનુભવી ખેલાડીઓ એકસાથે ટીમમાંથી બહાર થઈ જતાં હવે ટીમ ઈન્ડિયાના મિડલ ઓર્ડર અને ઓપનિંગ સ્લોટને લઈને મોટી ચિંતા ઉભી થઈ છે, સાથે જ ક્રિકેટ જગતમાં સવાલો ઉઠી રહ્યા છે કે આ માત્ર એક સંયોગ છે કે પછી પડદા પાછળ કોઈ અલગ રમત રમાઈ રહી છે.
સિરીઝ અને રોહિતની ઈજા
ભારત અને અફઘાનિસ્તાન વચ્ચે આગામી 13 જૂનથી ત્રણ મેચોની મહત્વપૂર્ણ વનડે સિરીઝ શરૂ થવા જઈ રહી છે. આ સિરીઝ ન્યૂ ચંદીગઢમાં રમાનારી એકમાત્ર ટેસ્ટ મેચ પહેલા રમાશે, જેને વનડે વર્લ્ડ કપની તૈયારીઓ માટે ઘણી મહત્વની માનવામાં આવી રહી હતી. BCCI સચિવ દેવજીત સૈકિયા અને મુખ્ય પસંદગીકાર અજિત અગરકરે જ્યારે ટીમની જાહેરાત કરી, ત્યારે જ સ્પષ્ટ સંકેતો આપ્યા હતા કે, રોહિત શર્મા હાલમાં ઈજાગ્રસ્ત છે અને તેઓ સંપૂર્ણ ફિટનેસ ટેસ્ટ પાસ કરશે તો જ મેદાન પર ઉતરશે. જોકે હાલના રિપોર્ટ્સ એ ભારતીય કેમ્પની ચિંતા વધારી છે, કારણ કે રોહિત હજુ પણ સો ટકા ફિટ થઈ શક્યા નથી અને તેમનું આ સિરીઝમાં રમવું અશક્ય લાગી રહ્યું છે.
ડાયમંડ લીગ ડેબ્યૂમાં રૂમેશ પાથિરાજે રચ્યો ઇતિહાસ: રોમમાં થયો એવો થ્રો કે નીરજ ચોપરાનો રેકોર્ડ પણ રહી ગયો પાછળ
IPL દરમિયાન નડી ઈજા
રોહિત શર્માને આ ઈજા હાલમાં રમાયેલી ઈન્ડિયન પ્રીમિયર લીગ 2026 દરમિયાન થઈ હતી. IPL માં મુંબઈ માટે રમતા એક મેચ દરમિયાન તેમને હેમસ્ટ્રિંગની સમસ્યા થઈ હતી, જેના લીધે તેઓ ટૂર્નામેન્ટની કેટલીક મહત્વની મેચો પણ ચૂકી ગયા હતા. IPL 2026 ની 9 મેચોમાં રોહિત શર્માએ 35.37 ની એવરેજ અને 157.62 ના શાનદાર સ્ટ્રાઇક રેટથી 283 રન બનાવ્યા હતા, જેમાં 84 રનના સર્વોચ્ચ સ્કોર સાથે બે આક્રમક અડધી સદી સામેલ હતી. 39 વર્ષના થઈ ચૂકેલા રોહિતે વર્ષ 2024 માં ભારતને T20 વર્લ્ડ કપ જીતાડ્યા બાદ આ ફોર્મેટને અલવિદા કહી દીધું હતું અને મે 2025 માં ટેસ્ટ ક્રિકેટમાંથી પણ નિવૃત્તિ લઈ લીધી હતી, એટલે કે તેઓ હવે માત્ર વનડે ફોર્મેટમાં જ સક્રિય છે.
છેલ્લા વર્ષોનું પ્રદર્શન
વનડે ફોર્મેટમાં કેપ્ટન તરીકે રોહિત શર્માનો રેકોર્ડ અત્યાર સુધી લાજવાબ રહ્યો છે. તેમનું છેલ્લું મોટું પ્રદર્શન માર્ચ 2025 માં જોવા મળ્યું હતું, જ્યારે ભારતે ICC ચેમ્પિયન્સ ટ્રોફીના ખિતાબ પર કબજો કર્યો હતો અને ન્યુઝીલેન્ડ સામેની ફાઇનલમાં રોહિતે 76 રનની કેપ્ટનશીપ ઇનિંગ રમી હતી. ગયા વર્ષે તેમણે 14 વનડે મેચોમાં 50.00 ની શાનદાર એવરેજથી 650 રન બનાવીને પોતાને ભારતના બીજા સૌથી સફળ વનડે બેટ્સમેન સાબિત કર્યા હતા, જેમાં 121 રનનો નોટઆઉટ સ્કોર પણ સામેલ હતો. જોકે, આ વર્ષની શરૂઆતમાં ન્યુઝીલેન્ડ સામે રમાયેલી છેલ્લી વનડે સિરીઝ રોહિત માટે ઘણી નબળી રહી હતી, જ્યાં તેઓ 3 ઇનિંગ્સમાં માત્ર 61 રન જ બનાવી શક્યા હતા અને તેમનો સર્વોચ્ચ સ્કોર માત્ર 25 રન રહ્યો હતો.
સૂર્યકુમાર યાદવનું પત્તું કપાયું!: ભારતીય ટી20 ટીમને મળ્યો નવો કેપ્ટન, જાણો કોણ સંભાળશે ટીમની કમાન
સંયોગ કે મોટું ષડયંત્ર?
રોહિત શર્માની જેમ જ વિરાટ કોહલી પણ હવે ટેસ્ટ અને T20 ક્રિકેટમાંથી નિવૃત્ત થઈ ચૂક્યા છે અને બંને દિગ્ગજોનું એકમાત્ર લક્ષ્ય વર્ષ 2027 માં યોજાનારો વનડે વર્લ્ડ કપ રમવાનું અને દેશને ચેમ્પિયન બનાવવાનું છે. પરંતુ નવાઈની વાત એ છે કે, વર્લ્ડ કપ પહેલા ભારતીય ટીમ માટે ખૂબ જ ઓછી વનડે મેચો શેડ્યૂલ થયેલી છે, અને આવી સ્થિતિમાં બંને સિનિયર ખેલાડીઓ એકસાથે ઈજાના નામે ટીમમાંથી બહાર થઈ રહ્યા છે. આનાથી બંને પૂર્વ કેપ્ટનોને મેદાન પર લાંબી ઇનિંગ્સ રમવાની કે પ્રેક્ટિસ કરવાની પૂરતી તક મળી રહી નથી. ક્રિકેટ ગલીઓમાં હવે એ ચર્ચાએ જોર પકડ્યું છે કે, આ ખરેખર બંને ખેલાડીઓની ઈજાનો સંયોગ છે, કે પછી યુવા ખેલાડીઓને અજમાવવા માટે સિનિયર્સને આરામ આપવાનું કોઈ મોટું આયોજન કે ષડયંત્ર છે.
