મુંબઈમાં ફરી એકવાર વૈશ્વિક સંગીત અને બ્યૂટી જગતની જાણીતી આઈકોન Rihanna નો ખાસ પ્રવાસ ચર્ચામાં છે. અંબાણી પરિવાર દ્વારા તેમના નિવાસસ્થાને આયોજિત એક વિશેષ લંચ અને સાંસ્કૃતિક કાર્યક્રમમાં રિહાનાનું ભવ્ય સ્વાગત કરવામાં આવ્યું હતું. આ પ્રસંગ માત્ર એક સોશિયલ ગેધરિંગ ન રહ્યો, પરંતુ ભારતની પરંપરા, કલા અને આધુનિક વૈશ્વિક સંસ્કૃતિનો અનોખો સંગમ બની રહ્યો.
રિહાનાનું સ્વાગત Isha Ambani, Shloka Mehta, Radhika Merchant અને Anant Ambani દ્વારા કરવામાં આવ્યું હતું. સમગ્ર પ્રસંગ દરમિયાન ભારતીય હેરિટેજ અને કલાનો જીવંત અનુભવ કરાવવામાં આવ્યો હતો, જેમાં પરંપરાગત નૃત્ય અને સાંસ્કૃતિક પરફોર્મન્સ મુખ્ય આકર્ષણ રહ્યા હતા.
ભારતીય સંસ્કૃતિમાં રિહાનાનો રંગ
આ મુલાકાત દરમિયાન સૌથી ચર્ચાસ્પદ ક્ષણ ત્યારે આવી જ્યારે રિહાનાએ ભારતીય પરંપરાને અપનાવી રાધા-કૃષ્ણની પૂજા કરી અને અંબાણી પરિવાર સાથે આરતીમાં જોડાઈ. આ દ્રશ્યો સોશિયલ મીડિયા પર ઝડપથી વાયરલ થયા હતા. માત્ર એટલું જ નહીં, રિહાનાએ ફૂલોથી હોળી રમતાં ભારતીય તહેવારની મજા માણી હતી, જેનાથી તેની આ મુલાકાતને એક અલગ જ રંગ મળ્યો.
સ્ટાઇલ સ્ટેટમેન્ટથી ફરી મંત્રમુગ્ધ
ફેશન આઈકોન તરીકે જાણીતી રિહાનાએ પોતાના લુકથી પણ સૌનું ધ્યાન ખેંચ્યું હતું. લંચ ઈવેન્ટ માટે તેણે Mugler Fall 2026 કલેક્શનનું આઉટફિટ પસંદ કર્યું હતું, જેમાં મોક-નેક ટોપ અને એન્કલ-લેન્થ લેધર સ્કર્ટનો સમાવેશ થતો હતો. આફ્ટર-પાર્ટીમાં તેણે બ્લેક ફિટ-એન્ડ-ફ્લેર જર્સી ડ્રેસ પહેર્યો હતો, જેમાં ક્રોકોડાઈલ-સ્ટાઈલ લેધર કટ-આઉટ્સ હતા.
‘ફેન્ટી બ્યુટી’ સાથે ભારત પ્રવેશ
આ સમગ્ર મુલાકાત પાછળનો મુખ્ય ઉદ્દેશ બિઝનેસ સાથે જોડાયેલો છે. રિહાનાની જાણીતી બ્યૂટી બ્રાન્ડ Fenty Beauty હવે સત્તાવાર રીતે ભારતીય બજારમાં પ્રવેશી ગઈ છે. આ બ્રાન્ડ હવે Reliance Retail ના બ્યૂટી પ્લેટફોર્મ Tira અને વૈશ્વિક રિટેલર Sephora પર ઉપલબ્ધ રહેશે.
આ કોલોબ્રેશન ભારતીય બ્યૂટી માર્કેટ માટે મહત્વપૂર્ણ ગણાઈ રહી છે, કારણ કે તે આંતરરાષ્ટ્રીય બ્રાન્ડ્સ માટે ભારતને એક મોટું માર્કેટ તરીકે મજબૂત બનાવે છે. ‘ફેન્ટી બ્યુટી’ તેની સર્વસમાવેશકતા અને વિવિધ સ્કિન ટોન માટે ઉપલબ્ધ વિશાળ શેડ રેન્જને કારણે વિશ્વભરમાં લોકપ્રિય છે.
અગાઉનો ભારત પ્રવાસ અને વધતો ઉત્સાહ
રિહાના અગાઉ 2024 માં Anant Ambani and Radhika Merchant pre-wedding પ્રસંગે ભારત આવી હતી, જ્યાં તેણે પ્રિ-વેડિંગ સેલિબ્રેશનમાં પરફોર્મન્સ આપ્યું હતું. તે સમયની જેમ આ વખત તેની મુલાકાતે મુંબઈમાં ભારે ઉત્સાહ જોવા મળ્યો છે.
સોશિયલ મીડિયા પર તેની તસવીરો અને વિડિઓઝ ઝડપથી વાયરલ થઈ રહ્યા છે, અને ફેન્સમાં તેને લઈને ખાસ ક્રેઝ જોવા મળી રહ્યો છે. ગ્લોબલ સ્ટાર અને ભારતીય બિઝનેસ હાઉસ વચ્ચેનો આ સંબંધ હવે માત્ર ઇવેન્ટ સુધી સીમિત નહીં રહીને વ્યાપાર અને સાંસ્કૃતિક સહકાર તરફ આગળ વધી રહ્યો છે.
