સરકારી નોકરી મેળવવાની તૈયારી કરી રહેલા યુવાઓ માટે એક મોટી અને ખુશખબર સામે આવી છે. ગુજરાત ગૌણ સેવા પસંદગી મંડળ (GSSSB) દ્વારા ભરતીની જાહેરાત કરવામાં આવી છે. આ ભરતી અંતર્ગત વર્ગ-3 ક્લાર્કની પોસ્ટ માટે ગ્રુપ-A અને ગ્રુપ-B ની સંયુક્ત સ્પર્ધાત્મક પરીક્ષા (CCE) જાહેર કરવામાં આવી છે, જેમાં કુલ 5 હજારથી વધુ પદો માટે ભરતી હાથ ધરવામાં આવશે.
CCE 2.0 2026 ભરતી
વિગત | ગ્રુપ A (Group A) | ગ્રુપ B (Group B) |
કુલ જગ્યાઓ | 2,365 | 3,005 |
મુખ્ય પદો | હેડ ક્લાર્ક, સિનિયર ક્લાર્ક, અધીક્ષક | જુનિયર ક્લાર્ક |
પરીક્ષા પદ્ધતિ | પ્રિલિમ + મુખ્ય (વર્ણનાત્મક) | પ્રિલિમ + મુખ્ય (Objective) |
અરજીનો સમય | 5 થી 20 ફેબ્રુઆરી, 2026 | 5 થી 20 ફેબ્રુઆરી, 2026 |
ગ્રુપ-A હેઠળ 2365 જગ્યાઓ જાહેર કરવામાં આવી
ભરતી જાહેરાત મુજબ, ગ્રુપ-A હેઠળ વિવિધ મહત્વપૂર્ણ પદો માટે કુલ 2365 જગ્યાઓ જાહેર કરવામાં આવી છે. તેમાં સમાજ કલ્યાણ નિરીક્ષક, કાર્યાલય અધીક્ષક, કલેક્ટર કચેરીના ક્લાર્ક (મહેસૂલી), હેડ ક્લાર્ક અને સિનિયર ક્લાર્ક જેવા પદોનો સમાવેશ થાય છે. આ તમામ પદો માટે ઉમેદવારોને સંયુક્ત સ્પર્ધાત્મક પરીક્ષા દ્વારા પસંદ કરવામાં આવશે.
ગ્રુપ-B અંતર્ગત જુનિયર ક્લાર્કની કુલ 3005 જગ્યાઓ
તે ઉપરાંત, ગ્રુપ-B અંતર્ગત જુનિયર ક્લાર્કની કુલ 3005 જગ્યાઓ માટે ભરતીની જાહેરાત કરવામાં આવી છે. આ ભરતીથી રાજ્યના વિવિધ વિભાગોમાં ક્લાર્ક કક્ષાના કર્મચારીઓની ખોટ પૂરી કરવામાં આવશે.
ઉમેદવારોમાં ઉત્સાહનો માહોલ
ગૌણ સેવા મંડળ દ્વારા બહાર પાડવામાં આવેલી આ ભરતી જાહેરાતને કારણે રાજ્યભરના ઉમેદવારોમાં ઉત્સાહનો માહોલ જોવા મળી રહ્યો છે. સરકારી નોકરી મેળવવા ઇચ્છુક ઉમેદવારો માટે આ ભરતી એક સુવર્ણ તક માનવામાં આવી રહી છે. ભરતી સંબંધિત વધુ વિગતો, લાયકાત, અરજી પ્રક્રિયા અને પરીક્ષા તારીખ અંગેની માહિતી મંડળની સત્તાવાર વેબસાઇટ પરથી મેળવી શકાશે.
