Prabhas Fans Take Fake Crocodiles: આજે, 9 જાન્યુઆરી 2026ના રોજ પાન-ઇન્ડિયા સુપરસ્ટાર પ્રભાસની લાંબા સમયથી પ્રતીક્ષિત ફિલ્મ 'ધ રાજા સાબ' સિનેમાઘરોમાં રિલીઝ થઈ છે. આ હોરર-કોમેડી ફિલ્મના ટ્રેલરમાં પ્રભાસનો મગર સાથેનો તીવ્ર લડાઈનો સીન વાયરલ થયો હતો, અને તેના કારણે ચાહકોનો ઉત્સાહ આકાશે પહોંચ્યો છે. ફિલ્મના પ્રીમિયર અને ફેન શોમાં ચાહકોએ નકલી (ડમી) મગરોને થિયેટરમાં લઈ જઈને ટ્રેલરના વાયરલ સીનને ફરીથી બનાવવાનો પ્રયાસ કર્યો, જેના વીડિયો સોશિયલ મીડિયા પર ઝડપથી વાયરલ થઈ રહ્યા છે.
નકલી મગરોને માથા પર ઉપાડીને થિયેટર હોલમાં
આ વીડિયોમાં જોવા મળે છે કે ઉત્સાહી ચાહકો નકલી મગરોને માથા પર ઉપાડીને થિયેટર હોલમાં દોડી જાય છે, જેનાથી અન્ય દર્શકો પણ આશ્ચર્યચકિત થઈ ગયા. આ ઘટના પ્રીમિયર શો દરમિયાન બની, જેમાં પ્રભાસના ચાહકોએ ફિલ્મના આ આઇકોનિક સીનને રિયલ લાઇફમાં રીક્રિએટ કરવાનો પ્રયાસ કર્યો. ટ્રેલરમાં પ્રભાસ મગરને ફેંકી દેતા જોવા મળે છે, જે આ ફિલ્મના મોટા હાઇલાઇટ્સમાંનું એક છે.
ફિલ્મની સ્ટોરી
ફિલ્મની વાર્તા એક યુવાનની છે જે પોતાના ગુમ થયેલા દાદાને શોધે છે અને એક હવેલીમાં ભયાનક હાજરીનો સામનો કરે છે. આ ફિલ્મમાં પ્રભાસ સાથે સંજય દત્ત, બોમન ઈરાની, નિધિ અગ્રવાલ, માલવિકા મોહનન (તેમની તેલુગુ ડેબ્યૂ), રિદ્ધિ કુમાર અને ઝરીના વહાબ મુખ્ય ભૂમિકામાં છે. ફિલ્મનું દિગ્દર્શન મારુતિએ કર્યું છે, અને નિર્માણ પીપલ મીડિયા ફેક્ટરી અને આઈવીવાય એન્ટરટેઈનમેન્ટએ કર્યું છે. આ ફિલ્મ તેલુગુ સહિત હિન્દી, તમિલ, કન્નડ અને મલયાલમ ભાષાઓમાં રિલીઝ થઈ છે.
આંધ્ર પ્રદેશમાં ટિકિટના ભાવમાં વધારો મંજૂર
બોક્સ ઓફિસની વાત કરીએ તો, ફિલ્મે એડવાન્સ બુકિંગમાં જ મજબૂત પ્રદર્શન કર્યું છે. આંધ્ર પ્રદેશમાં ટિકિટના ભાવમાં વધારો મંજૂર થયો છે – પેઇડ પ્રીમિયર શો માટે ₹1000 સુધી, સિંગલ સ્ક્રીનમાં ₹297 અને મલ્ટિપ્લેક્સમાં ₹377 સુધી. ફિલ્મનું બજેટ આશરે ₹400કરોડ છે, અને ઓપનિંગ ડે પર સારી કમાણીની અપેક્ષા છે. પ્રભાસના ચાહકોનો આ અનોખો ઉત્સાહ ફિલ્મની હાઇપને વધુ વધારી રહ્યો છે.
