IND vs ENG: પહેલી જ ટેસ્ટ મેચમાં રાહુલ-જયસ્વાલે રચ્યો ઇતિહાસ : આવું કરનાર પ્રથમ બન્યો બેટ્સમેન

IND vs ENG: ભારત અને ઇંગ્લેન્ડ વચ્ચે 5 મેચની ટેસ્ટ શ્રેણી 20 જૂનથી શરૂ થઈ રહી છે. પહેલી મેચ લીડ્સમાં રમાઈ રહી છે. આ મેચમાં ઇંગ્લેન્ડે ટોસ જીતીને પહેલા બોલિંગ કરવાનો નિર્ણય લીધો. ભારત તરફથી ઓપનર તરીકે ઉતરેલા કેએલ રાહુલ અને યશસ્વી જયસ્વાલે ભારત માટે ઇતિહાસ રચ્યો. બંને ખેલાડીઓ હેડિંગ્લી ખાતે આવું કરનાર પ્રથમ ભારતીય બેટ્સમેન બન્યા.

રાહુલ અને જયસ્વાલે કરી કમાલ
કેએલ રાહુલ અને યશસ્વી જયસ્વાલે કમાલ કરી છે. બંને હેડિંગ્લી ખાતે ભારત માટે ટેસ્ટ ફોર્મેટમાં ઓપનર તરીકે સૌથી વધુ રનની ભાગીદારી કરનાર ખેલાડી બન્યા છે. આ મેચમાં બંને બેટ્સમેનોએ 91 રનની ભાગીદારી કરી હતી. અગાઉ આ મેદાન પર કોઈ ઓપનિંગ જોડી આટલી મોટી ભાગીદારી કરી શકી ન હતી. પરંતુ રાહુલ અને જયસ્વાલની જોડીએ પહેલી જ મેચમાં અજાયબીઓ કરી.

રાહુલ આઉટ થયો
ભારતને સારી શરૂઆત આપ્યા બાદ કેએલ રાહુલ પેવેલિયન પાછો ફર્યો. તેણે આ મેચમાં 78 બોલમાં 42 રનની ઇનિંગ રમી. તે ખૂબ જ લયમાં દેખાઈ રહ્યો હતો. તેણે પોતાની ઇનિંગ દરમિયાન 8 ચોગ્ગા પણ ફટકાર્યા હતા. જોકે રાહુલને બ્રાયડન કાર્સેના બોલ પર પેવેલિયન પરત ફરવું પડ્યું હતું.

જોકે સમાચાર લખાય ત્યાં સુધી યશસ્વી જયસ્વાલ બેટિંગ કરી રહ્યો છે. લંચ સુધી ભારતનો સ્કોર 92/2 છે. જયસ્વાલ 74 બોલમાં 42 રન બનાવીને અણનમ છે, જ્યારે સાઈ સુદર્શન 4 બોલમાં ખાતું ખોલ્યા વિના પેવેલિયન પરત ફર્યો હતો. શુભમન ગિલ ક્રીઝ પર જયસ્વાલ સાથે બેટિંગ કરવા આવશે.

ટીમ ઈન્ડિયાના રમી રહેલા પ્લેઈંગ
યશસ્વી જયસ્વાલ, કેએલ રાહુલ, સાઈ સુદર્શન, શુભમન ગિલ, ઋષભ પંત, કરુણ નાયર, રવિન્દ્ર જાડેજા, શાર્દુલ ઠાકુર, જસપ્રીત બુમરાહ, મોહમ્મદ સિરાજ, પ્રસિદ્ધ કૃષ્ણા.