દુનિયાનું પાંચમુ સૌથી અમીર દેશ છે કતાર : ભારતથી 27 ગણી વધુ થાય છે કમાણી

કતારના અમીર શેખ તમીમ બિન હમદ અલ થાની ભારતની બે દિવસની સત્તાવાર મુલાકાતે આવ્યા. માર્ચ 2015 પછી આ તેમની બીજી ભારત મુલાકાત છે અને તેઓ પ્રધાનમંત્રી નરેન્દ્ર મોદીના આમંત્રણ પર આવ્યા છે. તેમની સાથે મંત્રીઓ, વરિષ્ઠ અધિકારીઓ અને વેપારી પ્રતિનિધિઓનું એક ઉચ્ચ સ્તરીય પ્રતિનિધિમંડળ પણ છે.

કતારના અમીર શેખ તમીમ બિન હમદ અલ થાની આજકાલ સમાચારોમાં છે. ભારત વિશ્વના 10 સૌથી ધનિક દેશોમાં સામેલ છે. અને કતાર પણ વિશ્વમાં સૌથી વધુ માથાદીઠ આવક ધરાવતા દેશોમાંનું એક છે.

કતાર વિશ્વનો પાંચમો સૌથી ધનિક દેશ.

ફોર્બ્સ 2025ની યાદીમાં કતાર વિશ્વનો પાંચમો સૌથી ધનિક દેશ છે. કતારની વસ્તી 30.07 લાખ છે અને તેનો GDP 21.41 અબજ ડોલર છે, જે ભારત કરતા લગભગ 10 ગણો ઓછો છે. કતારની માથાદીઠ આવક ભારતની સરખામણીએ 27 ગણી વધારે છે.

રિપોર્ટ અનુસાર ઓક્ટોબર 2024 સુધીમાં કતારની માથાદીઠ આવક 72,760 ડોલર (60,69,000 રૂપિયા) હતી ભારતની માથાદીઠ આવક 2,700 ડોલર (₹ 2,25,000) હતી. કતારના વિકાસનો મુખ્ય સ્રોત તેના તેલ અને ગેસ ભંડાર છે, જે તેને વિશ્વના સૌથી ધનિક દેશોમાંનો એક બનાવે છે.

જાણો કયો દેશ નંબર વન છે.

ફોર્બ્સ અનુસાર લક્ઝમબર્ગ વિશ્વનો સૌથી ધનિક દેશ છે. લક્ઝમબર્ગની જીડીપી 91.21 અબજ ડોલર છે, જ્યારે તેની વસ્તી માત્ર 6.75 લાખ છે. સિંગાપોર આ યાદીમાં ત્રીજા ક્રમે છે. વસ્તી 59.8 મિલિયન હોવા છતાં, જીડીપી 530.71 અબજ ડોલર છે. મકાઉ વિશ્વનો ત્રીજો સૌથી ધનિક દેશ છે. તેની વસ્તી 7.2 લાખ છે, પરંતુ તેની જીડીપી 53.45 અબજ ડોલર છે.
તમને જાણીને આશ્ચર્ય થશે કે અમેરિકા આ યાદીમાં દસમા ક્રમે છે. અમેરિકાની વસ્તી 33.5 કરોડ છે, જ્યારે જીડીપી 29.17 ટ્રિલિયન ડોલર છે. ગુયાના દક્ષિણ અમેરિકાના ઉત્તર કિનારે નવમો સૌથી ધનિક દેશ છે. ગયાનાની વસ્તી માત્ર 8.31 લાખ છે અને જીડીપી 123 અબજ ડોલર છે.