Post Office Scheme : પોસ્ટ ઓફિસ માસિક આવક યોજના (POMIS) એક એવી યોજના છે જ્યાં તમે એક વખત પૈસા જમા કરો છો અને દર મહિને ચોક્કસ રકમનું વ્યાજ મેળવો છો. આ યોજના સરકાર દ્વારા ચલાવવામાં આવે છે, તેથી તમારું રોકાણ સુરક્ષિત છે. તમે તેને વ્યક્તિગત રીતે અથવા પતિ-પત્ની તરીકે ખોલી શકો છો.
આ યોજના હેઠળ ઓછામાં ઓછા રૂ. 1000 થી ખાતું ખોલી શકાય છે. એક જ ખાતામાં વધુમાં વધુ રૂ. 9 લાખ અને સંયુક્ત ખાતામાં રૂ. 15 લાખ સુધીનું રોકાણ કરી શકાય છે. જોઇન્ટ એકાઉન્ટમાં ખાસ કરીને પરિણીત યુગલો માટે એક સારો વિકલ્પ છે, જે તેમને સાથે મળીને તેમના ભવિષ્યનું આયોજન કરવાની મંજૂરી આપે છે.
આ યોજના હાલમાં 7.4% વાર્ષિક વ્યાજ દર આપે છે. આ વ્યાજ દર મહિને તમારા ખાતામાં આવક તરીકે જમા થાય છે. પાકતી મુદત 5 વર્ષ છે, પરંતુ તમે તેને નવીનતમ વ્યાજ દરે વધુ લંબાવી શકો છો. આ રીતે, તમારી કમાણી લાંબા સમય સુધી ચાલુ રહે છે.જો તમે જોઇન્ટ કેકાઉન્ટમાં ₹15 લાખ જમા કરાવો છો, તો તમને દર મહિને આશરે ₹9,250 ની કમાણી થશે. જો તમે વ્યક્તિગત રીતે ₹9 લાખ જમા કરાવો છો, તો તમને દર મહિને આશરે ₹5,550 ની કમાણી થશે. આ આવકનો સ્થિર અને જોખમ-મુક્ત સ્ત્રોત છે.
જો તમારા બાળકો 10 વર્ષથી વધુ ઉંમરના હોય, તો તમે તેમના નામે માસિક આવક યોજના ખાતું ખોલી શકો છો. આનાથી તમને તમારા બાળકની ફી અથવા અન્ય ખર્ચ માટે દર મહિને એક નિશ્ચિત રકમ મળશે. આ યોજના તમારા પરિવાર માટે સારો આર્થિક ટેકો બની શકે છે.
