PM Modi Oman Award: પ્રધાનમંત્રી નરેન્દ્ર મોદી ઓમાનની મુલાકાતે છે, જ્યાં તેમને આજે ઓમાનનો સર્વોચ્ચ નાગરિક સન્માનtથી સન્માનિત કરવામાં આવ્યા. અહેવાલો અનુસાર, પ્રધાનમંત્રી નરેન્દ્ર મોદીને ઓર્ડર ઓફ ઓમાન ફર્સ્ટ ક્લાસથી નવાજવામાં આવ્યા છે, જે ખાડી રાષ્ટ્રના સર્વોચ્ચ નાગરિક સન્માનોમાંનો એક છે. આ પ્રતિષ્ઠિત સન્માન અગાઉ રાણી એલિઝાબેથ II, રાણી મેક્સિમા, સમ્રાટ અકીહિતો, નેલ્સન મંડેલા અને જોર્ડનના રાજા અબ્દુલ્લા જેવા વિશ્વ વિખ્યાત વ્યક્તિઓને આપવામાં આવ્યું છે. આ 29 મું આંતરરાષ્ટ્રીય સન્માન છે જે પ્રધાનમંત્રી મોદીને તેમના કાર્યકાળ દરમિયાન મળ્યું છે.
ત્યારે, વડા પ્રધાન નરેન્દ્ર મોદીએ મસ્કતમાં આયોજિત એક સમુદાય કાર્યક્રમની કેટલીક તસવીરો પણ શેર કરી, જે ભારત અને ઓમાન વચ્ચેના મજબૂત ઈમોશનલ કનેક્શનને દર્શાવે છે.
X પરની એક પોસ્ટમાં, પ્રધાનમંત્રીએ કહ્યું, "પ્રેમ અને ગૌરવ આપણા બંને દેશોના લોકો વચ્ચેના ઊંડા સંબંધોને પ્રતિબિંબિત કરે છે." મોદીની ઓમાન મુલાકાત દરમિયાન યોજાયેલી આ આઉટરીચ ઇવેન્ટમાં બંને દેશો વચ્ચેના સંબંધોને મજબૂત બનાવતા સાંસ્કૃતિક અને સામાજિક સંબંધો પર પ્રકાશ પાડવામાં આવ્યો હતો.
ડોમિનિકાએ ગયા મહિને જ આ સન્માન આપ્યું હતું
ઓમાન પહેલા ગત મહિને જ, ડોમિનિકાએ પણ PM મોદીને તેના સર્વોચ્ચ સન્માનથી સન્માનિત કર્યા હતા. ડોમિનિકાએ COVID-19 રોગચાળા દરમિયાન પીએમ મોદીના કાર્ય માટે તેમના સર્વોચ્ચ સન્માનથી સન્માનિત કરવાનો નિર્ણય લીધો હતો. COVID-19 રોગચાળા દરમિયાન, જ્યારે ભારત, વિશ્વભરના અન્ય દેશો સાથે, ઘાતક વાયરસ સામે લડી રહ્યું હતું, ત્યારે વડા પ્રધાન નરેન્દ્ર મોદીએ આવા મુશ્કેલ સમયમાં ઘણા મહત્વપૂર્ણ નિર્ણયો લીધા હતા. જેમાં રોગચાળા સામે લડી રહેલા અન્ય દેશોમાં રસી અને દવાઓ પહોંચાડવાનો સમાવેશ થતો હતો. PM મોદીના પ્રયાસોને માન્યતા આપતા, ડોમિનિકાના કોમનવેલ્થએ ભારતીય વડા પ્રધાન નરેન્દ્ર મોદીને તેનું સર્વોચ્ચ રાષ્ટ્રીય સન્માન આપવાનો નિર્ણય લીધો હતો.
