વડાપ્રધાન નરેન્દ્ર મોદી યુએસ ઇન્ટેલિજન્સ ચીફ તુલસી ગબાર્ડને મળ્યા હતા. આ પ્રસંગે પીએમમોદીએ તુલસી ગબાર્ડને સંગમનું પવિત્ર જળ અર્પણ કર્યું હતું. બીજી તરફ તુલસી ગબાર્ડે પીએમ મોદીને તુલસીની માળા ભેટ રૂપે આપી હતી. આ અગાઉ વડા પ્રધાન નરેન્દ્ર મોદીએ મોરેશિયસની મુલાકાત લીધી હતી અને રાષ્ટ્રપતિ ધરમબીર ગોખલેને મહાકુંભનું પાણી અર્પણ કર્યું હતું.
પીએમ મોદી અને તુલસી ગબાર્ડની આ મુલાકાતને ઘણી રીતે મહત્વપૂર્ણ માનવામાં આવે છે. આ પહેલા રક્ષામંત્રી રાજનાથ સિંહે વડાપ્રધાન નરેન્દ્ર મોદી સાથે મુલાકાત કરી હતી. બેઠકમાં ભારતીય પક્ષે અમેરિકાની ધરતી પર ખાલિસ્તાની પ્રવૃત્તિઓ કરી રહેલા સંગઠન શીખ ફોર જસ્ટિસ સામે કાર્યવાહીની માંગ કરી હતી.
#WATCH | Delhi: US Director of National Intelligence (DNI) Tulsi Gabbard met Prime Minister Narendra Modi today. The PM presented her with a vase containing Gangajal from the recently concluded Prayagraj Mahakumbh. pic.twitter.com/jJ0OJbggNF
— ANI (@ANI) March 17, 2025
ટ્રમ્પના શપથ પછી પીએમ મોદીની તુલસી સાથે બીજી મુલાકાત
ગબાર્ડની પીએમ મોદી સાથે આ બીજી મુલાકાત હતી. બંને અગાઉ ફેબ્રુઆરીમાં મળ્યા હતા જ્યારે પીએમ મોદી અમેરિકાની મુલાકાતે આવ્યા હતા. પ્રધાનમંત્રી નરેન્દ્ર મોદી અને અમેરિકાના રાષ્ટ્રપતિ ડોનાલ્ડ ટ્રમ્પે વોશિંગ્ટન ડીસીમાં દ્વિપક્ષીય બેઠક યોજી હતી. બાદમાં તેઓ વડાપ્રધાન નરેન્દ્ર મોદીને પણ મળ્યા હતા. બેઠક દરમિયાન, બંને નેતાઓએ સાયબર સુરક્ષા અને આતંકવાદનો સામનો કરવાના ક્ષેત્રોમાં ભારત-યુએસ વ્યૂહાત્મક ભાગીદારીને વધુ મજબૂત કરવાના માર્ગો પર ચર્ચા કરી હતી.
યુએસ ઇન્ટેલિજન્સ ચીફ મંગળવારે નવી દિલ્હીમાં રાયસીના ડાયલોગને સંબોધિત કરશે. રાયસીના ડાયલોગ એ જીઓ પોલિટિક્સ અને જીઓઈકોનોમી પર સઘન મંથન માટેનું ભારતનું અગ્રણી બહુરાષ્ટ્રીય મંચ છે. ભારત 2016થી રાયસીના સંવાદનું આયોજન કરી રહ્યું છે.
તુલસી ગબાર્ડ રાયસીના સંવાદમાં ભાગ લેવા માટે ભારત આવેલા છે. ગબાર્ડ ઇન્ડો-પેસિફિકના બહુ-રાષ્ટ્રોના પ્રવાસ પર છે. ભારત પછી તેઓ જાપાન અને થાઇલેન્ડની મુલાકાત લેવાના છે, જેમાં ટ્રમ્પના શાંતિ, સ્વતંત્રતા અને સમૃદ્ધિના ઉદ્દેશોને હાંસલ કરવા માટે મજબૂત સંબંધો, સમજણ અને સંચાર પર ધ્યાન કેન્દ્રિત કરવામાં આવશે. તુલસી ગબાર્ડને ગયા મહિને અમેરિકાના નવા ગુપ્તચર વડા તરીકે નિયુક્ત કરવામાં આવ્યા હતા. તેઓ આશરે 100 અબજ ડોલરના બજેટ સાથે સીઆઇએ (CIA), એફબીઆઇ (FBI) અને એનએસએ (NSA) સહિત 18 યુએસ ઇન્ટેલિજન્સ એજન્સીઓના વડા છે.
