PM Modi France Visit: આ વખતે G7 શિખર સંમેલનનું યજમાનપદ ફ્રાન્સ કરી રહ્યું છે, જેમાં આ જૂથના તમામ દેશોના નેતાઓ ભાગ લેવાના છે. આ વિશેષ સંમેલનમાં સામેલ થવા માટે વડાપ્રધાન નરેન્દ્ર મોદીને પણ ખાસ આમંત્રણ મળ્યું હતું. પીએમ મોદી G7 સમિટમાં ભાગ લેવા માટે ફ્રાન્સના સુંદર શહેર એવિયન (Evian) પહોંચી ગયા છે.
વૈશ્વિક મુદ્દાઓ પર થશે ચર્ચા
આ શિખર સંમેલનમાં મુખ્યત્વે નીચેના મુદ્દાઓ પર વિગતવાર ચર્ચા થવાની શક્યતા છે. વૈશ્વિક અર્થવ્ય
વસ્થા, ઊર્જા સુરક્ષા, આર્ટિફિશિયલ ઇન્ટેલિજન્સ (AI), યુક્રેન સંકટ, પશ્ચિમ એશિયામાં ચાલી રહેલો તણાવ. આ ઉપરાંત, આ સંમેલન દરમિયાન પીએમ મોદી વિશ્વના અન્ય નેતાઓ સાથે દ્વિપક્ષીય બેઠકો પણ કરે તેવી પ્રબળ શક્યતા છે.
'ઇઝરાયલ કરતાં સીરિયા વધુ સારી રીતે લડી શકે છે...' : ટ્રમ્પનાનું નેતન્યાહૂ વિશે વિવાદાસ્પદ નિવેદન
પીએમ મોદીએ ટ્વીટ કરીને આપી જાણકારી
ફ્રાન્સના એવિયન પહોંચતાની સાથે જ પીએમ મોદીએ પોતે સોશિયલ મીડિયા પ્લેટફોર્મ 'X' પર આ અંગે જાણકારી આપી હતી. તેમણે લખ્યું કે G7 સમિટ માટે ફ્રાન્સના એવિયન પહોંચ્યો છું. વિશ્વના નેતાઓ સાથે વાતચીત કરવા અને મહત્વપૂર્ણ વૈશ્વિક મુદ્દાઓ પર વિચાર-વિમર્શ કરવા માટે આતુર છું. ભારત વધુ ટકાઉ અને સમૃદ્ધ વિશ્વ માટે સામૂહિક પ્રયાસોને આગળ વધારવા માટે કટિબદ્ધ છે.
પીએમ મોદી અને ટ્રમ્પની મુલાકાત
ફ્રાન્સમાં યોજાઈ રહેલી આ સમિટમાં વડાપ્રધાન નરેન્દ્ર મોદી અને અમેરિકી રાષ્ટ્રપતિ ડોનાલ્ડ ટ્રમ્પ વચ્ચે મુલાકાત થઈ છે. બંને નેતાઓએ આ દરમિયાન એકબીજા સાથે હસ્તધૂનન (Handshake) કર્યું હતું. નોંધનીય છે કે પીએમ મોદી અને અમેરિકી રાષ્ટ્રપતિ વચ્ચે આવતીકાલે દ્વિપક્ષીય બેઠક યોજાશે, જેની જાણકારી તાજેતરમાં વ્હાઇટ હાઉસ દ્વારા આપવામાં આવી હતી.
આ દેશોને પણ મળ્યું છે આમંત્રણ
આ વર્ષે G7 શિખર સંમેલનમાં ભારતની સાથે સાથે અન્ય મહત્વના દેશોને પણ આમંત્રિત કરવામાં આવ્યા છે, જેમાં નીચેના દેશોનો સમાવેશ થાય છે. મુખ્ય આમંત્રિત દેશોમાં બ્રાઝિલ, કેન્યા, દક્ષિણ કોરિયા અને યુક્રેન. પશ્ચિમ એશિયાના પ્રતિનિધિઓમાં પશ્ચિમ એશિયામાં ચાલી રહેલા તણાવને ધ્યાનમાં રાખીને યુએઈ (UAE), કતાર અને ઇજિપ્ત (Egypt) ના ટોચના નેતાઓને પણ આમંત્રણ આપવામાં આવ્યું છે.
