ભારત અને પાકિસ્તાન વચ્ચે છેલ્લા કેટલાક મહિનાઓથી ચાલી રહેલા તણાવ વચ્ચે, રમતગમત મંત્રાલયના સૂત્રો પાપ્ત વિગતો સામી આવી છે કે, આવતા મહિને ભારતમાં યોજાનાર એશિયા કપમાં ભાગ લેવા પાકિસ્તાન હોકી ટીમને ભારત આવી શકે છે અને જેને ભારત રોકશે નહીં. રમતગમત મંત્રાલયના સૂત્રોએ ગુરુવારે એક સમાચાર એજન્સીને જણાવ્યું હતું કે તેઓ બહુરાષ્ટ્રીય ટુર્નામેન્ટમાં કોઈપણ ટીમના ભાગ લેવાના વિરોધમાં નથી.
આ ટુર્નામેન્ટ 27 ઓગસ્ટથી શરૂ થશે.
હોકી એશિયા કપ 27 ઓગસ્ટથી 7 સપ્ટેમ્બર દરમિયાન બિહારના રાજગીરમાં યોજાવાનો છે. રમતગમત મંત્રાલયના એક સૂત્રએ જણાવ્યું હતું કે, "અમે ભારતમાં આયોજિત બહુરાષ્ટ્રીય ટુર્નામેન્ટમાં ભાગ લેતી કોઈપણ ટીમની વિરુદ્ધ નથી, પરંતુ દ્વિપક્ષીય શ્રેણી અલગ બાબત છે. આંતરરાષ્ટ્રીય રમતગમતની માંગ છે કે આપણે કોઈને પણ ટુર્નામેન્ટમાંથી બાકાત રાખી શકીએ નહીં. રશિયા અને યુક્રેન વચ્ચે યુદ્ધ ચાલી રહ્યું છે, પરંતુ તેઓ બહુરાષ્ટ્રીય ટુર્નામેન્ટમાં રમે છે."
ક્રિકેટમાં ભારત-પાકિસ્તાન મેચ અંગે અપડેટ
જ્યારે તેમને પૂછવામાં આવ્યું કે શું સપ્ટેમ્બરમાં પુરુષોનો એશિયા કપ યોજાશે તો ભારતને પાકિસ્તાન સાથે રમવાની મંજૂરી આપવામાં આવશે, ત્યારે રમતગમત મંત્રાલયના એક સૂત્રએ જણાવ્યું હતું કે, "BCCI એ હજુ સુધી આ બાબતે અમારો સંપર્ક કર્યો નથી. જ્યારે તેઓ અમને આ વિશે પૂછશે, ત્યારે અમે જોઈશું કે શું કરવું."
પાક.ને જુનિયર વર્લ્ડ કપમાં પણ રમવાની મંજૂરી મળશે?
ઓપરેશન સિંદૂરને કારણે, આવતા મહિને યોજાનારી એશિયા કપ હોકી ટુર્નામેન્ટમાં પાકિસ્તાનની ભાગીદારી અંગે શંકાઓ હતી. ભારત સહિત આઠ ટીમો હોકી એશિયા કપમાં ભાગ લેશે. એશિયા કપ ઉપરાંત પાકિસ્તાનની ટીમને નવેમ્બર-ડિસેમ્બરમાં યોજાનાર જુનિયર વર્લ્ડ કપમાં પણ રમવાની મંજૂરી આપવામાં આવશે.
સતત પાંચમી વખત જીત્યું ગુજરાત: હૈદરાબાદ 86 રનમાં સમેટાયું
