મા તો મા હોય છે : પાકિસ્તાન આર્મી ચીફની માતા નિધનથી શોકગ્રસ્ત

પાકિસ્તાન આર્મી ચીફ જનરલ અસીમ મુનીરની માતાના નિધન પર રાષ્ટ્રપતિ આસિફ અલી ઝરદારી, પ્રધાનમંત્રી શાહબાઝ શરીફ અને પાકિસ્તાનના અન્ય અગ્રણી નેતાઓએ ઊંડી સંવેદના વ્યક્ત કરી છે.

રાષ્ટ્રપતિ આસિફ અલી ઝરદારીએ એક નિવેદન બહાર પાડીને કહ્યું કે તેઓ જનરલ અસીમ મુનીરના દુઃખમાં તેમની સાથે ઉભા છે. અમે જનરલ અસીમ મુનીરની માતાના નિધન પર તેમના દુઃખમાં સહભાગી છીએ અને આ મુશ્કેલ સમયમાં શોકગ્રસ્ત પરિવાર સાથે અમારી એકતા વ્યક્ત કરીએ છીએ.

રાષ્ટ્રપતિએ દિવંગત આત્માને શાંતિ અને પરિવારને આ દુઃખ સહન કરવાની શક્તિ આપવા પ્રાર્થના કરી હતી. પ્રધાનમંત્રી શાહબાઝ શરીફે પણ જનરલ અસીમ મુનીર પ્રત્યે સંવેદના વ્યક્ત કરી હતી. તેમણે દુઃખની આ ઘડીમાં તેમના પરિવાર પ્રત્યે ઊંડી સંવેદના વ્યક્ત કરી હતી.

અન્ય નેતાઓની પ્રતિક્રિયાઓ
નેશનલ એસેમ્બલીના સ્પીકર સરદાર અયાઝ સાદિક, સેનેટના ચેરમેન યુસુફ રઝા ગિલાની અને સિંધના મુખ્યમંત્રી સૈયદ મુરાદ અલી શાહ સહિત અન્ય નેતાઓએ પણ જનરલ અસીમ મુનીરને શોક સંદેશો મોકલ્યો હતો. દરેક વ્યક્તિએ દિવંગત આત્માની શાંતિ માટે પ્રાર્થના કરી હતી અને શોકગ્રસ્ત પરિવાર પ્રત્યે ઊંડી સંવેદના વ્યક્ત કરી હતી.