પાકિસ્તાન સેના પર સતત એક બાદ એક હુમલા થઇ રહ્યા છે તેવામાં રવિવારે સેનાના કાફલા પર બલૂચ લિબરેશન આર્મીએ બીજો હુમલો કર્યો. રવિવારે થયેલા વિનાશક હુમલામાં, ક્વેટાથી તફ્તાન જઈ રહેલા તેમના કાફલા પર હુમલો થયો ત્યારે ઓછામાં ઓછા 7 પાકિસ્તાની સૈનિકો માર્યા ગયા અને 21 ઘાયલ થયા. બલૂચ લિબરેશન આર્મીએ આ હુમલામાં પાકિસ્તાનના 90 સૈનિકોનાં મોત થયાના દાવા સાથે હુમલાની જવાબદારી સ્વીકારી છે, અને દાવો કર્યો છે કે વાસ્તવિક મૃત્યુઆંક ઘણો વધારે છે.આરોપ છે કે પાકિસ્તાનના 90 સૈનિકો માર્યા ગયા છે. પાકિસ્તાની અધિકારીઓના જણાવ્યા અનુસાર, 7 બસ અને 2 વાહનો સાથેના કાફલા પર નોશકી નજીક હુમલો કરવામાં આવ્યો હતો. વિસ્ફોટકોથી ભરેલું વાહન આત્મઘાતી બોમ્બ વિસ્ફોટ હોવાનું જણાય છે ત્યારે એક બસ સંપૂર્ણપણે નાશ પામી હતી. આ સાથે રોકેટ-પ્રોપેલ્ડ ગ્રેનેડ્સ (RPGs) એ બીજા વાહનને નિશાન બનાવ્યું હતું.
‘‘બોંબ સાથેની કાર કાફલામાં અથડાવાઇ’’
નોશકી સ્ટેશનના SHO ઝફરઉલ્લાહ સુલેમાનીએ આત્મઘાતી હુમલાની પુષ્ટિ કરતા જણાવ્યું હતું કે, પુરાવા સૂચવે છે કે હુમલાખોરે ઇરાદાપૂર્વક વિસ્ફોટકોથી ભરેલું વાહન લશ્કરી કાફલામાં ઘુસાડ્યું હતું. તેમણે ચેતવણી આપી હતી કે ઘણા ઘાયલ સૈનિકો ગંભીર સ્થિતિમાં હોવાથી મૃત્યુઆંક વધી શકે છે.
#BREAKING: Shocking footage: CCTV captures the Baloch Liberation Army’s IED/suicide attack in Noshki, Balochistan.
— JUST IN | World (@justinbroadcast) March 16, 2025
The BLA claims to have killed 90 Pakistani soldiers, while officially reports only 12 FC personnel killed and dozens injured.#PakistanArmy #Noshki #Balochistan pic.twitter.com/6490X1h8GD
BLAનો બોલ્ડ દાવો: ‘‘90 સૈનિકો માર્યા ગયા’’
હુમલાના થોડા સમય પછી જાહેર કરાયેલા એક નિવેદનમાં, BLAના માજીદ બ્રિગેડ - જે તેના હાઇ-પ્રોફાઇલ હુમલાઓ માટે જાણીતું એકમ છે, તેમણે દાવો કર્યો હતો કે તેમણે 90 પાકિસ્તાની સૈનિકોને ઓચિંતા હુમલો કરીને માર્યા હતા. "થોડા કલાકો પહેલા, અમારા ફિદાયીન યુનિટે નોશકીમાં RCD હાઇવે પર રખ્શાન મિલ નજીક VBIED (વાહન-બોર્ન ઇમ્પ્રુવાઇઝ્ડ એક્સપ્લોઝિવ ડિવાઇસ) હુમલો કર્યો હતો, જેમાં કબજે કરી રહેલા પાકિસ્તાની લશ્કરી કાફલાને નિશાન બનાવવામાં આવ્યું હતું," નિવેદનમાં કહેવામાં આવ્યું છે. આતંકવાદી જૂથે વધુમાં દાવો કર્યો હતો કે આઠ બસો કાફલાનો ભાગ હતી, જેમાં એક વિસ્ફોટમાં સંપૂર્ણપણે નાશ પામી હતી.
જ્યારે પાકિસ્તાનના સત્તાવાર અહેવાલો BLAના દાવા કરતા ઉલટા છે, પાકિસ્તા 9 સૈનિકો માર્યા ગયાનો દાવો કરી હુમલાની ગંભીરતા છૂપાવવાનો પ્રયાસ કરી રહ્યું છે. ત્યારે આ હુમલો બલુચિસ્તાનમાં ચાલી રહેલા સંઘર્ષમાં વધુ એક વધારો દર્શાવે છે. આ પ્રદેશમાં અલગતાવાદી જૂથો અને પાકિસ્તાની સુરક્ષા દળો વચ્ચે વારંવાર અથડામણો જોવા મળી છે, લશ્કરી કાફલા પર હુમલાઓ વધુને વધુ સામાન્ય બની રહ્યા છે.
બલૂચિસ્તાનમાં તૈનાતીથી કાંપી રહ્યા છે પાકિસ્તાની સૈનિકો!
ઘાયલ સૈનિકોને નજીકની હોસ્પિટલોમાં સારવાર મળી રહી હોવાથી અધિકારીઓ ઘટનાની તપાસ કરી રહ્યા છે. બલુચિસ્તાનમાં સુરક્ષા પરિસ્થિતિ તંગ રહે છે. તો અનેક વખત BLAના હુમલાની આશંકાએ અનેક સૈનિકો બલૂચિસ્તાનમાં સેવા આપવાથી પણ ડરી રહ્યા છે, તેવામાં 72 કલાકમાં પાકિસ્તાની સેના પર બીજા સૌથી ઘાતક હુમલાથી પાકિસ્તાન હચમચી ગયું છે. 
