OnePlus : ભારતીય સ્માર્ટફોન બજારમાં પોતાની પ્રીમિયમ અને મિડ-રેન્જ ઓળખ મજબૂત બનાવ્યા બાદ હવે OnePlus વધુ આક્રમક રીતે બજેટ સેગમેન્ટમાં પ્રવેશ કરવાની તૈયારીમાં છે. કંપનીએ પોતાની નવી ‘N’ સિરીઝના આગમનના સંકેતો આપ્યા છે અને આ સિરીઝનો પ્રથમ સ્માર્ટફોન OnePlus N6 હોવાની ચર્ચા તેજ બની છે. Amazon India પર લાઇવ થયેલા ટીઝર પેજ બાદ આ લોન્ચને લઈને ટેક જગતમાં ઉત્સુકતા વધી ગઈ છે. હાલના રિપોર્ટ્સ અનુસાર, OnePlus N સિરીઝ ખાસ કરીને રૂ.20,000થી ઓછી કિંમતના સેગમેન્ટને ધ્યાનમાં રાખીને તૈયાર કરવામાં આવી રહી છે. જો આ માહિતી સાચી સાબિત થાય તો OnePlus સીધો જ Redmi, POCO, Realme અને Vivo જેવી બ્રાન્ડ્સને પડકાર આપશે, જે હાલમાં આ પ્રાઇસ રેન્જમાં મજબૂત હાજરી ધરાવે છે.
Amazon પર ટીઝરથી લોન્ચના સંકેત
Amazon India પર OnePlusની નવી N સિરીઝ માટે સમર્પિત માઇક્રોસાઇટ લાઇવ કરવામાં આવી છે. કંપનીએ હજી સુધી સત્તાવાર રીતે મોડલનું નામ જાહેર કર્યું નથી, પરંતુ અનેક ટેક અહેવાલો અનુસાર વેબપેજના શીર્ષક અને ટીઝરમાં OnePlus N6 તરફ સ્પષ્ટ સંકેતો જોવા મળ્યા છે. Amazon પર “Notify Me” વિકલ્પ પણ ઉપલબ્ધ કરવામાં આવ્યો હોવાનું જણાવવામાં આવ્યું છે, જે દર્શાવે છે કે લોન્ચ હવે બહુ દૂર નથી. OnePlus દ્વારા સોશિયલ મીડિયા પર પણ એક ક્રિપ્ટિક ટીઝર શેર કરવામાં આવ્યો છે, જેમાં ‘N’ અક્ષરનો આકાર બનાવતા સ્માર્ટફોનના સિલ્યુએટ જોવા મળે છે. આથી નવી N સિરીઝ અંગેની અટકળોને વધુ બળ મળ્યું છે.
Vivo X500 સિરીઝમાં મળશે પાવરફૂલ Dimensity 9500 ચિપસેટ!: 7,500mAh બેટરી અને 64MP પેરિસ્કોપ કેમેરા સાથે બની શકે છે ગેમ ચેન્જર
ડિઝાઇનમાં પ્રીમિયમ ટચ
ટીઝર ઈમેજ પરથી મળતી વિગતો મુજબ OnePlus N6માં ફ્લેટ ફ્રેમ અને ફ્લેટ બેક પેનલ ડિઝાઇન આપવામાં આવી શકે છે. પાછળના ભાગમાં ઉંચકાયેલું કેમેરા મોડ્યુલ જોવા મળે છે, જે ફોનને આધુનિક અને પ્રીમિયમ દેખાવ આપે છે. પાવર બટન અને વોલ્યુમ કીઝ જમણી બાજુએ રાખવામાં આવી હોવાનું પણ ટીઝરમાં સ્પષ્ટ થાય છે. રંગોની વાત કરીએ તો કંપની ઓછામાં ઓછા બે કલર વિકલ્પો રજૂ કરી શકે છે. લીલો (Green) અને કાળો (Black) કલર વેરિઅન્ટ ટીઝરમાં જોવા મળ્યા છે, જે યુવા ગ્રાહકોને ધ્યાનમાં રાખીને પસંદ કરવામાં આવ્યા હોવાનું માનવામાં આવે છે.
કિંમત અને લોન્ચ સમયગાળો
OnePlus દ્વારા હજુ સુધી સત્તાવાર કિંમત જાહેર કરવામાં આવી નથી, પરંતુ વિશ્વસનીય લીક્સ અને ઉદ્યોગ વિશ્લેષકોના અહેવાલો મુજબ N સિરીઝના કેટલાક મોડલ્સની કિંમત રૂ.20,000થી ઓછી રાખવામાં આવી શકે છે. કેટલાક અહેવાલોમાં તો શરૂઆતની કિંમત આશરે રૂ.15,000 આસપાસ હોવાની પણ શક્યતા વ્યક્ત કરવામાં આવી છે. લૉન્ચ સમયગાળાની વાત કરીએ તો N સિરીઝ ભારતમાં જુલાઈ 2026 દરમિયાન રજૂ થઈ શકે છે. જોકે OnePlus તરફથી હજી સુધી કોઈ સત્તાવાર તારીખ જાહેર કરવામાં આવી નથી.
સ્પેસ ઈકોનોમીનું મહત્વનું કેન્દ્ર બનવાની દિશામાં ગુજરાતની આગેકૂચ: GIDC ખોરજમાં બનશે સ્પેસ મેન્યુફેક્ચરિંગ પાર્ક
OnePlus માટે કેમ મહત્વપૂર્ણ છે N સિરીઝ?
OnePlusએ પોતાના શરૂઆતના વર્ષોમાં ‘ફ્લેગશિપ કિલર’ તરીકે ઓળખ બનાવી હતી. સમય જતાં કંપનીએ પ્રીમિયમ અને ફ્લેગશિપ સેગમેન્ટ પર વધુ ધ્યાન કેન્દ્રિત કર્યું. હવે N સિરીઝ દ્વારા કંપની ફરી એકવાર મોટા ગ્રાહક વર્ગ સુધી પહોંચવાનો પ્રયાસ કરી રહી છે. બજેટ સેગમેન્ટમાં સફળતા મળવાથી કંપનીનો માર્કેટ શેર નોંધપાત્ર રીતે વધી શકે છે. ભારતમાં રૂ.15,000થી રૂ.20,000 વચ્ચેનો સ્માર્ટફોન સેગમેન્ટ સૌથી વધુ સ્પર્ધાત્મક માનવામાં આવે છે. આવા સમયમાં OnePlus બ્રાન્ડ વેલ્યુ, OxygenOS અનુભવ અને ઝડપી ચાર્જિંગ જેવી સુવિધાઓ સાથે ગ્રાહકોને આકર્ષવાનો પ્રયાસ કરશે.
Nord CE6 Lite સાથે સરખામણી
ગયા મહિને OnePlusએ Nord CE6 અને Nord CE6 Lite સ્માર્ટફોન લોન્ચ કર્યા હતા. Nord CE6 Liteમાં 6.72 ઇંચની Full HD+ LCD ડિસ્પ્લે, 144Hz રિફ્રેશ રેટ, MediaTek Dimensity 7400 Apex ચિપસેટ, Android 16 આધારિત OxygenOS 16 અને 50MP મુખ્ય કેમેરા જેવી સુવિધાઓ આપવામાં આવી છે. તેની કિંમત રૂ.20,999થી શરૂ થાય છે. જો OnePlus N6 ખરેખર રૂ.20,000થી ઓછી કિંમતમાં આવે છે તો તે Nord CE6 Lite કરતાં વધુ સસ્તો વિકલ્પ બની શકે છે અને બજેટ ગ્રાહકો માટે OnePlus બ્રાન્ડમાં પ્રવેશદ્વાર સાબિત થઈ શકે છે.
