22 એપ્રિલના રોજ આતંકવાદીઓએ જમ્મુ અને કાશ્મીરમાં પ્રવાસીઓ પર ગોળીબાર કર્યો હતો જેમાં 26 લોકોએ જીવ ગુમાવ્યા હતા. આતંકવાદીઓના આ કાયરતાપૂર્ણ કૃત્યથી દેશ હચમચી ગયો હતો. ભારતે ઓપરેશન સિંદૂર દ્વારા આ આતંકવાદી હુમલાનો બદલો લીધો. ૭ મેના રોજ શરૂ થયેલા આ ઓપરેશન હેઠળ ભારતીય સેનાના બહાદુર સૈનિકોએ માત્ર થોડા કલાકોમાં જ આતંકવાદીઓ અને તેમના ઠેકાણાઓના નામ દુનિયામાંથી ભૂંસી નાખ્યા. સશસ્ત્ર દળોની આ બહાદુરી પર સમગ્ર દેશ ગર્વ અનુભવે છે. આ દરમિયાન કેન્દ્રીય મંત્રી અમિત શાહે પણ સશસ્ત્ર દળોની બહાદુરીને સલામ કરી છે.
Union Home Minister Amit Shah tweets "Nation salutes the unparalleled valour of our Armed Forces – the destroyers of our enemies and the shield of Bharat. We also salute our first line of defence, the courageous personnel of the BSF. The bravery of our forces will forever be… pic.twitter.com/5MRacDLK7R
— ANI (@ANI) May 12, 2025
અમિત શાહે સોશિયલ મીડિયા પર એક પોસ્ટ શેર કરી છે જેમાં તેમણે કહ્યું છે કે 'રાષ્ટ્ર આપણા સશસ્ત્ર દળો - આપણા દુશ્મનોનો નાશ કરનારા અને ભારતની ઢાલ - ની અપ્રતિમ બહાદુરીને સલામ કરે છે.' અમે અમારી પ્રથમ સંરક્ષણ હરોળ BSF ના બહાદુર કર્મચારીઓને પણ સલામ કરીએ છીએ. આપણા ગૌરવશાળી ઇતિહાસમાં આપણા દળોની બહાદુરી હંમેશા નોંધાયેલી રહેશે. આ સાથે શાહે એમ પણ કહ્યું કે 'આપણા નિર્દોષ ભાઈઓના આત્માઓને ન્યાય અપાવવામાં તેમના અનુકરણીય નેતૃત્વ બદલ હું પીએમ મોદીને અભિનંદન આપું છું.' વારંવાર પીએમ મોદીએ સાબિત કર્યું છે કે ભારતનો કોઈ પણ દુશ્મન બચી શકશે નહીં.
