છેલ્લા કેટલાય સમયથી ગુજરાતના નાના શહેરોથી લઈને મહાનગરોમાં eKYC માટે લાંબી લાંબી લાઈનો જોવા મળે છે. લોકો વહેલી સવારે 4-5 વાગ્યાથી લાઈનમાં ઉભા રહે છે. તેમ છતાં કેટલાંક લોકોનો eKYC કરાવવામાં માટે વારો પણ આવતો નથી. જો કે, eKYCની એક સરળ રીત પણ છે. સરકારી કચેરીના ધક્કા ન ખાવા હોઈ તો ખાલી તમારા મોબાઈમાં એક એપ્લીકેશન ડાઉનલોડ કરી લો. અને ઘરે બેઠા જ કરી શકો છો રેશન કાર્ડ સાથે આધાર કાર્ડ eKYC. બસ ખાલી નીચે દર્શાવેલા સ્ટેપ બાય સ્ટેપ ફોલો કરતાં જાઓ. અને ઘરે બેઠા કરો રેશન કાર્ડ સાથે આધાર કાર્ડ eKYC.
સ્ટેપ 01
રેશનકાર્ડ ઈ કેવાયસી કરવા માટે સૌથી પહેલા તામારા મોબાઈના Google Play Storeમાંથી my Ration app ડાઉનલોડ કરો.
સ્ટેપ 02
my Ration app ડાઉનલોડ કર્યા બાદ રેશન કાર્ડ ધારકનો મોબાઇલ નંબર દાખલ કરો અને OTP દાખલ કરીને વેરીફાઈ કરો. ત્યાર બાદ પ્રોફાઈલમાં જઈને પાસવર્ડ સેટ કરો.
સ્ટેપ 03
હોમ પેજ પર જાઓ અને આધાર eKYC ઓપ્શન પસંદ કરો. એક નવી વિન્ડો ખુલશે જેમાં આધાર ફેસ રીડર એપ્લિકેશનની લિંક મળશે. Google Play Storeમાંથી આ એપ્લિકેશન ડાઉનલોડ કરો.
સ્ટેપ 04
ચેકબોક્સ પર ક્લિક કરો અને કાર્ડની વિગતો મેળવો. નવી વિન્ડો ખુલશે, જેમાં કોડ દાખલ કરો. બાદમાં રેશનકાર્ડ અને તેના સભ્યોની વિગત જોવા મળશે.
સ્ટેપ 05
સભ્યોની વિગતની બાજુમાં નાના વિન્ડોમાં સભ્યોના નામ ની બાજુમાં તેમનું eKYC થયેલું છે કે નહીં તે જોવા મળશે. જે નામ સામે "NO" દેખાય, તે નામને eKYC માટે પસંદ કરો.
સ્ટેપ 06
પસંદ કરતાની સાથે જ એક નવી વિન્ડો ખૂલશે, ત્યાં ચેકબોક્સ પર ક્લિક કરીને OTP જનરેટ કરો. બાદમાં વેરીફાઈ કરો. આધાર ફેસ રીડર એપ્લિકેશન ઓપન થશે. જે વ્યક્તિનું eKYC કરવાનું છે તેની સેલ્ફી લો. આ સેલ્ફી લીલી સીમાની અંદર હોવી જોઈએ (આંખ ખૂલી રાખવી જરૂરી છે).
સ્ટેપ 07
ગ્રીન લાઈન થઈ ગયા બાદ eKYC સફળતાપૂર્વક થશે. બાદમાં તમારે સબમિટ પર ક્લિક કરવાનું રહેશે. હવે, તમને "સક્સેસફુલ"નો મેસેજ મળશે.
