જો તમે નવા વર્ષે નવી બાઈક લેવાનું વિચારી રહ્યા છો. તો આ બાઈક ખાસ તમારા માટે જ છે. અમે તમને 5 બાઈકની માહિતી આપી રહ્યા છીએ. જેની કિંમત ઓછી છે પણ એવરેજ સૌથી વધુ છે. તો આવો જોઈએ કઈ બાઈક છે સૌથી સસ્તી. આ યાદીમાં બજાજ ઓટો, ટીવીએસ મોટર, હીરો મોટોકોર્પ અને હોન્ડાની બાઇક્સનો સમાવેશ થાય છે.
Tvs સ્પોર્ટ
100 સીસી એન્જિનમાં સસ્તા બાઈકની યાદીમાં સૌથી આગળ આવે છે Tvs સ્પોર્ટ. એશિયા બુક ઓફ રેકોર્ડ્સ અને ઈન્ડિયા બુક ઓફ રેકોર્ડ્સ મુજબ TVS સ્પોર્ટે 110.12ની માઈલેજ નોંધાવી નવો રેકોર્ડ બનાવ્યો છે. એટલું જ નહીં તેના આગળ અને પાછલના ટાયરમાં ડ્રમ બ્રેકની પણ સુવિધા આપવામાં આવે છે. સાથે જ 110cc એન્જિન, 8.29PSનો પાવર અને 8.7Nmનો ટોર્ક જનરેટ છે. જ્યારે 4 સ્પીડ ગિયરબોક્સ અને 10 લીટરની ફ્યુલ ટેંક છે. જ્યારે ET-Fi ટેક્નોલોજી ઈંધણના ખર્ચને અડધો કરે છે. આ બાઈકની કિંમત છે માત્ર 59 હજાર રૂપિયા.
હોન્ડા શાઈન 100
Hondaની Shine 110 સામાન્ય લોકો માટે બેસ્ટ સાબીત થઈ શકે છે. જેની એક્સ-શો રૂમ કિંમત 64,900 રૂપિયા છે. આ બાઇકમાં 98.98 ccનું એન્જિન અને 65 કિલોમીટરની એવરેજ છે. તેની સિમ્પલ ડિઝાઈનના લીધે નાનાથી લઈને મોટી ઉંમરના લોકોને પસંદ આવી શકે છે. સાથે આરામદાયક બેઠક વ્યવસ્થા તમારી સફરને વધુ સારી બનાવશે.
હીરો HF100
Hero MotoCorpની HF100ની એક્સ-શો રૂમ કિંમત 59 હજાર રૂપિયા છે. આ હીરોની અત્યાર સુધીની સૌથી સસ્તી બાઇક છે. તે દૈનિક ઉપયોગને ધ્યાનમાં રાખીને ડિઝાઇન કરી 100 સીસીનું એન્જિન છે. જે લગભગ 70 કિલોમીટર પ્રતિ લિટર એરવેજ આપે છે. સીટની લંબાઈ ઓછી હોવાતી ડબલ સવારીમાં મુશ્કેલી પડી શકે છે. પરંતુ એક વ્યક્તિના ઉપયોગ માટે આ ખુબ જ સસ્તી બાઈક છે.
બજાજ CT 110X
જો તમે બજાજ ઓટોના ચાહક છો તો CT 110X બાઇક તમારા માટે સારો વિકલ્પ બની શકે છે. તેમાં 115.45 ccના એન્જિન સાથે 70 કિલોમીટરની એવરેજ છે. બજાજે આ બાઇક એવા રાઇડર્સ માટે ડિઝાઇન કરી છે સારી સફર સાથે વધુ એરવેજ ઈચ્છતા હોય છે. જેની કિંમત 69 હજાર રૂપિયા છે.
TVS XL
જો તમે રોજિંદા ઉપયોગ માટે એવી બાઇક શોધી રહ્યા છો જેની કિંમત ઓછી હોય અને ચલાવવામાં સરળ હોય તો TVS XL એક સારો વિકલ્પ બનશે. જેમાં 99.7 cc 4 સ્ટ્રોક, સિંગલ સિલિન્ડર એન્જિન છે. જે 4.3 bhpનો પાવર અને 6.5 Nmના ટોર્ક સાથે 80 કિલોમીટરની એવરેજ આપે છે. વજનમાં ઓછી અને કિંમતમાં પણ સસ્તી છે આ બાઈક. TVS XLની કિંમતર 39,900થી શરૂ થાય છે.
