New Mini Cooper Convertible launched in India: લક્ઝરી કાર બ્રાન્ડ MINI એ ભારતમાં તેની નવી જનરેશનની Cooper Convertible S લોન્ચ કરી છે. આ કારની એક્સ-શોરૂમ કિંમત ₹58.50 લાખ રાખવામાં આવી છે. આ કાર ભારતમાં સંપૂર્ણપણે બનેલ યુનિટ તરીકે લાવવામાં આવી છે. MINI શોરૂમમાં બુકિંગ ચાલુ થઈ ગયું છે, અને ડિલિવરી ચાલુ છે. આ કાર એવા લોકો માટે છે જેઓ ઓપન રૂફ સાથે સ્પોર્ટી ડ્રાઇવનો આનંદ માણવા માંગે છે.
ક્લાસિક MINI ડિઝાઇન સાથે મોર્ડન લુક
નવું MINI Convertible S માં MINI Cooper ની ડિઝાઇન જાળવી રાખે છે, પરંતુ તેમાં ઘણા નવા અને આધુનિક ફેરફારો છે. આગળના ભાગમાં ત્રણ અલગ-અલગ DRL પેટર્ન સાથે રાઉન્ડ LED હેડલેમ્પ્સ છે. નવી ગ્રિલ અને વેલકમ-ગુડબાય લાઇટ એનિમેશન, જેમાં MINI નો લોગો જમીન પર દેખાય છે, જે તેને ખાસ બનાવે છે. કારની ટૂંકી લંબાઈ અને સીધી સાઇડ પ્રોફાઇલ તેની ઓળખ રહે છે. તેમાં નવા 18-ઇંચના એલોય વ્હીલ્સ પણ છે. પાછળના ભાગમાં LED ટેલલાઇટ્સ આપવામાં આવી છે, જેની વચ્ચે કાળી પટ્ટી પર કારનું નામ લખેલું છે. આ કાર British Racing Green, Chili Red, Sunny Side Yellow અને Ocean Wave Green કલર ઓપ્શનમાં ઉપલબ્ધ છે.
ઓપન રૂફ અને હાઇ-ટેક ઇન્ટિરિયર
કારની સૌથી મોટી ખાસિયત તેની સોફ્ટ-ટોપ રૂફ છે. કાળા ફેબ્રીકની રૂફ ફક્ત 18 સેકન્ડમાં ખુલે છે અને 30 કિમી/કલાકની ઝડપે પણ ખોલી શકાય છે. તેને અડધી ખોલીને સનરૂફ તરીકે પણ વાપરી શકાય છે. ઇન્ટિરિયરની વાત કરીએ તો, MINI એ તેની ક્લાસિક થીમ જાળવી રાખી છે. તેમાં એક રાઉન્ડ OLED ટચસ્ક્રીન છે જે મીટર અને ઇન્ફોટેનમેન્ટ બંને તરીકે કામ કરે છે. તે MINI ની નવી સિસ્ટમ પર ચાલે છે અને વૉઇસ કમાન્ડ પણ આપે છે.
દમદાર એન્જિન અને શાનદાર સ્પીડ
નવી MINI Convertible S 2.0-લિટર ટર્બોચાર્જ્ડ પેટ્રોલ એન્જિન દ્વારા સંચાલિત છે જે 201bhp અને 300Nm ટોર્ક ઉત્પન્ન કરે છે. તે 7-સ્પીડ ઓટોમેટિક ગિયરબોક્સ સાથે જોડાયેલ છે. કંપનીના જણાવ્યા અનુસાર, આ કાર માત્ર 6.9 સેકન્ડમાં 0 થી 100 કિમી/કલાકની ગતિ પકડે છે અને તેની ટોપની ગતિ 240 કિમી/કલાક છે. સેફટી માટે, તેમાં છ એરબેગ્સ, ABS, રીઅર કેમેરા અને અનેક ડ્રાઇવર-આસિસ્ટ ફીચર્સ પણ આપવામાં આવ્યા છે.
