New Labour Codes: નવા શ્રમ સંહિતા (Labour Codes) હેઠળ કર્મચારીઓને મોટો લાભ મળવાનો છે. ખાસ કરીને ઓવરટાઇમ (Overtime) કામ કરવા બદલ હવે બમણો પગાર ચૂકવવો ફરજિયાત બનાવવામાં આવ્યો છે. જે કર્મચારીઓ વધારાના કલાકો કામ કરે છે તેમને યોગ્ય વળતર મળે તે માટે આ નિયમ લાવવામાં આવ્યો છે.
ઓવરટાઇમ અંગેનો નવો નિયમ શું છે?
નવા શ્રમ સંહિતા અનુસાર દરરોજના સામાન્ય કામકાજના કલાકો 8 કલાક (કેટલાક કિસ્સામાં 9 કલાક સુધી) અને અઠવાડિયામાં 48 કલાકની મર્યાદા છે.
આ મર્યાદા કરતાં વધુ કામ કરવું પડે તો તે ઓવરટાઇમ ગણાશે.
ઓવરટાઇમ માટે કર્મચારીની સંમતિ લેવી જરૂરી છે.
ઓવરટાઇમ કામના દરેક કલાક માટે બમણો પગાર (Double the normal rate) ચૂકવવો પડશે.
એટલે કે, જો તમે 1 કલાક ઓવરટાઇમ કામ કરો છો, તો તમને તે 1 કલાક માટે બે કલાકનો પગાર મળવો જોઈએ.
તમને કેટલો ઓવરટાઇમ પગાર મળશે?
ઓવરટાઇમની ગણતરી મૂળ પગાર (Basic Pay + Dearness Allowance) પર થાય છે, CTC પર નહીં.
કંપનીએ આ પગાર સમયસર (સામાન્ય પગાર સાથે જ) ચૂકવવો પડશે.
કંપની આ નિયમનું પાલન ન કરે તો કાયદાકીય કાર્યવાહી થઈ શકે છે.
ઓવરટાઇમ કેવી રીતે ગણવામાં આવે છે?
(ઉદાહરણ સાથે)માની લો કે તમારો મૂળ પગાર ₹15,000 છે અને મહિને 26 કામકાજી દિવસ છે
દૈનિક પગાર = ₹15,000 ÷26 ≈ ₹577
કલાકદીઠ પગાર (8 કલાકના આધારે) = ₹577 ÷ 8 ≈ ₹72
ઓવરટાઇમ માટે = ₹72 × 2 = ₹144 પ્રતિ કલાક
આ રીતે 1 કલાક ઓવરટાઇમ કરવા પર તમને ₹144 મળશે.
ગણતરીમાં માત્ર મૂળ પગાર જ લેવામાં આવે છે. HRA, વિશેષ ભથ્થા વગેરેમાંથી નહીં.
આ પણ વાંચો: FASTag વગરના લોકોને મોટો ફટકો! : આજથી હાઇવે પર રોકડ બંધ, જાણો NHAIના નવા નિયમો
કર્મચારીઓ માટે મહત્વની વાતો
ઓવરટાઇમ વિના વધારાનું કામ કરાવવું કંપની માટે ગેરકાયદેસર છે.
આ નિયમોનો લાભ મેળવવા માટે તમારે પગાર સ્લિપ અને કામના કલાકોના રેકોર્ડ્સ રાખવા જોઈએ.
જો કંપની ઓવરટાઇમ પગાર ન આપે તો લેબર ડિપાર્ટમેન્ટ અથવા અધિકારી પાસે ફરિયાદ કરી શકાય છે.
નવા શ્રમ સંહિતા કર્મચારીઓના અધિકારોને મજબૂત બનાવે છે અને વધુ પડતા કામના શોષણને રોકે છે. જો તમે પણ ઓવરટાઇમ કરો છો તો આ નિયમો વિશે જાણી લો અને તમારા HR સાથે વાત કરો.
