ભારતીય–અમેરિકન અબજોપતિ રામરાજુ મન્ટેનાની પુત્રી નેત્રા મન્ટેનાના લગ્ન આ દિવસોમાં સોશિયલ મીડિયા અને મનોરંજન જગતનો ચર્ચાનો વિષય બન્યા છે. નેત્રાએ 23 નવેમ્બરના રોજ વામસી ગદીરાજુ સાથે ઉદયપુરમાં ભવ્ય ઢબે લગ્ન કર્યા હતા. ચાર દિવસ ચાલેલા આ રોયલ કાર્યક્રમની શરૂઆત 20 નવેમ્બરે DJ નાઇટથી થઈ હતી, ત્યારબાદ 21 અને 22 નવેમ્બરે મહેંદી અને સંગીત સમારોહ યોજાયા.
જેનિફર લોપેઝે સ્ટેજ પર લગાવી આગ – 17 કરોડનો ચાર્જ!
લગ્નની હાઇલાઇટ અમેરિકન પોપસ્ટાર જેનિફર લોપેઝનું સ્ટન્નિંગ પ્રદર્શન રહ્યું. સોશિયલ મીડિયામાં તેમના લાઈવ પરફોર્મન્સના વીડિયોએ ધૂમ મચાવી છે. અહેવાલો મુજબ, જેનિફર લોપેઝે આ પ્રાઈવેટ વેડિંગ ગિગ માટે ₹17 કરોડ ચાર્જ કર્યા હતા.
બોલિવૂડ સેલિબ્રિટીઓએ લીધેલા ચાર્જના અહેવાલ
લગ્નમાં અનેક બોલિવૂડ સ્ટાર્સે હાજરી આપી અને પરફોર્મ કર્યું. અહેવાલો અનુસાર:
શાહિદ કપૂર અને રણવીર સિંહે: ₹3–4 કરોડ
નોરા ફતેહી: ₹50 લાખ – ₹1 કરોડ
કૃતિ સેનન, જેક્લિન ફર્નાન્ડીઝ, કરણ જોહર, જાહ્નવી કપૂર: પ્રતિ વ્યક્તિ ₹1–2 કરોડ
માધુરી દીક્ષિતનો ‘ડોલા રે ડોલા’ ડાન્સ પણ વાયરલ
લગ્નમાં અભિનેત્રી માધુરી દીક્ષિતે પણ પરફોર્મ કર્યું અને ફિલ્મ દેવદાસના પ્રખ્યાત ગીત ‘ડોલા રે ડોલા’ પર ડાન્સ કરી સૌને મંત્રમુગ્ધ કરી દીધા. તેમનો વિડિયો હાલ સોશિયલ મીડિયામાં ટ્રેન્ડ કરી રહ્યો છે.
દુલ્હા–દુલ્હનની રોયલ લુક અને શાનદાર કેક ચર્ચામાં
લગ્નમાંથી દુલ્હા–દુલ્હનની તસવીરો પણ ભારે વાયરલ થઈ રહી છે.
નેત્રા મન્ટેનાએ લાલ લેસ લહેંગા પહેર્યો હતો,
જ્યારે વામસી ગદીરાજુ સફેદ શેરવાનીમાં રાજવી દેખાતો હતો.
લગ્નની કેક પણ લોકોનું ખાસ ધ્યાન ખેંચી રહી છે, સફેદ રંગની મહેલ જેવી ડિઝાઇનવાળી આ કેકને હાથી, સિંહ અને ફૂલો વડે શણગારવામાં આવી હતી, જે સોશિયલ મીડિયા પર ચર્ચાનો વિષય બની છે.
