નેપાળમાં ફાટ્યો હાઈડ્રોજનનો ફુગ્ગો : માંડ માંડ બચ્યા DyPM

નેપાળના કાઠમાંડુથી એક મોટા સમાચાર સામે આવ્યા છે. અહીં પોખારા પ્રવાસન વર્ષના ઉદ્ઘાટન સમારોહ દરમિયાન શનિવારે (15 ફેબ્રુઆરી, 2025) હાઇડ્રોજન ગેસથી ભરેલા બલૂનમાં વિસ્ફોટ થયો, જેનાથી નેપાળના નાયબ વડા પ્રધાન બિષ્ણુ પૌડેલ અને પોખારા મેટ્રોપોલિટન મેયર ધનરાજ આચાર્ય પર મોટો ખતરો હતો. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.

નાયબ વડાપ્રધાન અને મેયરને કાઠમંડુ લઈ જવામાં આવ્યા હતા.
આ ઘટના બાદ નાયબ વડાપ્રધાન બિષ્ણુ પૌડલ અને મેયર ધનરાજ આચાર્યને તાત્કાલિક સારવાર માટે હેલિકોપ્ટરથી કાઠમાંડુ લઈ જવામાં આવ્યા હતા. તેમને સારવાર માટે હોસ્પિટલમાં દાખલ કરવામાં આવ્યા છે.  તેમને વધુ સારવાર માટે કાઠમંડુ લઈ જવામાં આવ્યા છે, તેમ કાસ્કી જિલ્લા પોલીસ કાર્યાલયના સુપ્રિટેન્ડેન્ટ શ્યામનાથ ઓલિયાએ જણાવ્યું હતું.

કેવી રીતે બની ઘટના?
આ અકસ્માત પોખારા પ્રવાસન વર્ષના ઉદ્ઘાટન સમારોહ દરમિયાન થયો હતો. ફુગ્ગાઓ છોડવાના હતા, પરંતુ ફાયર પોપર્સના સંપર્કમાં આવતા વિસ્ફોટ થયો. વિસ્ફોટ પછી પોલીસે પુષ્ટિ કરી હતી કે પૌડલ અને આચાર્યને કાઠમંડુ લઈ જવામાં આવ્યા હતા અને હોસ્પિટલમાં દાખલ કરવામાં આવ્યા હતા.

કેમેરામાં કેદ થઈ ઘટના
પોખારા મેટ્રોપોલિટન સિટી દ્વારા લાઇવ સ્ટ્રીમ કરવામાં આવેલા વીડિયોમાં, નાયબ વડા પ્રધાન પૌડેલે વિસ્ફોટ પછી પોતાની બેઠક પર દોડી જતા જોવા મળ્યા હતા. તે જ સમયે, મેયર આચાર્ય સ્ટેજ પરથી બીજી બાજુ નીચે દોડતા જોવા મળ્યા હતા. પોલીસકર્મીઓએ તરત જ આગ પર કાબૂ મેળવ્યો હતો.

આગ કેવી રીતે લાગી?
પોલીસ રિપોર્ટ અનુસાર, ઓટોમેટિક સ્વીચે આગ લગાડી હતી, જેના કારણે હાઇડ્રોજનથી ભરેલા ફુગ્ગાઓમાં આગ લાગી હતી અને વિસ્ફોટ થયો હતો. આ ઘટના સ્પષ્ટપણે દર્શાવે છે કે સલામતીના પગલાંમાં ગંભીર ભૂલ થઈ છે કારણ કે હાઇડ્રોજન ગેસ અત્યંત જ્વલનશીલ છે અને આવા જાહેર કાર્યક્રમોમાં તેનો યોગ્ય રીતે ઉપયોગ કરવો મહત્વપૂર્ણ છે.