Met Gala 2026: 2026નું મેટ ગાલા આ વર્ષે વધુ ખાસ અને વૈભવી બનવા જઈ રહ્યું છે. આયોજકોએ ટિકિટથી લઈને ભોજન અને થીમ સુધી અનેક ફેરફારો કર્યા છે. સ્ટાર્સ પણ આ ઇવેન્ટની આતુરતાથી રાહ જોઈ રહ્યા છે.
થીમ અને ડ્રેસ કોડ:
"કોસ્ચ્યુમ આર્ટ" અને "ફેશન ઇઝ આર્ટ"આ વર્ષે મેટ ગાલાની અધિકૃત થીમ "કોસ્ચ્યુમ આર્ટ" રાખવામાં આવી છે. રેડ કાર્પેટ પર ડ્રેસ કોડ "ફેશન ઇઝ આર્ટ" હશે. આ થીમ વસંત પ્રદર્શન (5 મે પછી) સાથે જોડાયેલી છે. આ વખતે માનવ શરીરને જીવંત કેનવાસ તરીકે રજૂ કરવામાં આવશે. પ્રદર્શનમાં શિલ્પ ગેલેરી પણ હશે, જે પ્રકૃતિ અને કલાના અનોખા જોડાણને પ્રદર્શિત કરશે.
ટિકિટના ભાવમાં જોરદાર વધારો
આ વર્ષે ટિકિટની કિંમતો આકાશને આંબી ગઈ છે
વ્યક્તિગત ટિકિટ: આશરે $100,000 (2025માં $75,000 હતી)
ટેબલ રિઝર્વેશન: $350,000 સુધી
સેલિબ્રિટીઓ માટે આ ઇવેન્ટ હવે વધુ મોંઘી બની ગઈ છે. મોટાભાગના સ્ટાર્સ મુખ્ય ફેશન હાઉસના કપડાં પહેરીને આવશે.
વિજય-સંગીતાના લગ્નમાં મોટી તિરાડ!: 8 વર્ષ નાની અભિનેત્રી માટે છોડ્યો પત્નીનો સાથ? 27 વર્ષ પછી થશે છૂટાછેડા!
ભોજનમાં ખાસ સાવધાની: લસણ-ડુંગળી મુક્ત મેનુમહેમાનોના અનુભવને વધુ સારો બનાવવા માટે આ વખતે ખાસ વ્યવસ્થા કરવામાં આવી છે
ભોજન લસણ અને ડુંગળી વિનાનું રહેશે
એવા કોઈ ખાદ્ય પદાર્થો નહીં પીરસવામાં આવે જે કપડાં પર છલકાઈને ગંદા કરી શકે
2015થી ચાલતી "નો ફોન" પોલિસી આ વખતે પણ અમલમાં રહેશે
વિવાદની છાયા: જેફ બેઝોસના નામાંકનનો વિરોધ
ઇવેન્ટ પહેલા જ વિવાદ સર્જાયો છે. જેફ બેઝોસ અને તેમની પત્ની લોરેન સાંચેઝને સહ-અધ્યક્ષ તરીકે નામાંકિત કરવામાં આવતાં ભારે વિરોધ થયો છે. ન્યૂ યોર્કમાં પોસ્ટરો લગાવીને કાર્યકરોએ "બેઝોસ મેટ ગાલાનો બહિષ્કાર કરો" જેવા સંદેશા આપ્યા છે. તેઓનું કહેવું છે કે આ કાર્યક્રમ હવે કલા કરતાં અબજોપતિઓની કોર્પોરેટ શક્તિનું પ્રદર્શન બની ગયું છે.
પ્રિન્સ નરુલાની પાર્ટીમાં કેમેરામેન સાથે મારામારી: કેમ ફાટ્યો બસીર અલીનો ગુસ્સો? જાણો આખી વાત
ક્યાં અને ક્યારે જોવું?
તારીખ: 4 મે, 2026
સ્થળ: મેટ્રોપોલિટન મ્યુઝિયમ ઓફ આર્ટ, ન્યૂ યોર્ક
લાઇવ સ્ટ્રીમિંગ: વોગની યુટ્યુબ ચેનલ પર
ભારતીય સમય: 5 મે સવારે 3:30 વાગ્યે IST
ભારતીય સ્ટાર્સની અપેક્ષા
ભારત તરફથી ઇશા અંબાણી નક્કી હાજરી આપશે. આ ઉપરાંત પ્રિયંકા ચોપરા, દીપિકા પાદુકોણ અને કરણ જોહર સહિત અનેક સ્ટાર્સની અપેક્ષા છે. હોલીવુડના મોટા સ્ટાર્સ પણ રેડ કાર્પેટ પર છવાઈ જશે. મેટ ગાલા 2026 ફેશન, આર્ટ અને ગ્લેમરનું અદ્ભુત મિશ્રણ હશે.
