Met Gala 2026: ઈશા અંબાણી તેની ભાભી શ્લોકા અંબાણીની નાની બહેન દિયા મહેતા જટિયા સાથે મેટ ગાલાના રેડ કાર્પેટ પર પહોંચી અને ભારતીય પરંપરાના અદ્ભુત ફ્યુઝનથી વિશ્વને આશ્ચર્યચકિત કરી દીધું.આ વર્ષે મેટ ગાલામાં ભારતીય સંસ્કૃતિનો રંગ છવાઈ ગયો હતો. મુકેશ અંબાણી અને નીતા અંબાણીની પુત્રી ઈશા અંબાણીએ વાસ્તવિક સોનાના દોરાથી વણાયેલી સાડીમાં શો સ્ટીલ કરી લીધો, જ્યારે તેમની સાથે આવેલી દિયા મહેતા જટિયાએ પોતાની સાદગી અને અનોખા પોશાકથી દરેકનું ધ્યાન ખેંચી લીધું.
દિયાનો અદ્ભુત લુક
ડિઝાઇનર મયુર ગિરોત્રા દ્વારા તૈયાર કરાયેલા ગાઉનમાં દિયાએ દક્ષિણ ભારતની પ્રસિદ્ધ કાંજીવરમ સાડીને આધુનિક ગાઉનમાં રૂપાંતરિત કરી હતી. આ ગાઉનને વધુ ખાસ બનાવવા માટે બંગાળની પરંપરાગત શોલા કલાનો ઉપયોગ કરવામાં આવ્યો હતો. શોલા એ પાણીના છોડના પલ્પમાંથી બનેલી હલકી અને ભવ્ય કલા છે, જેનો ઉપયોગ સામાન્ય રીતે દુર્ગા પૂજા અને લગ્ન પ્રસંગોમાં થાય છે. ચાર બંગાળી કારીગરોએ અઠવાડિયાભરની મહેનત પછી આ ગાઉન તૈયાર કર્યું હતું. દિયાએ આ લુકને નીલમ-હીરા જડેલા કાનના બુટ્ટા અને વાળમાં હીરાની પિનથી પૂર્ણ કર્યો હતો. તેણીએ ઓછામાં ઓછા ઘરેણાં પહેરીને સાદગી અને ભવ્યતાનું પરફેક્ટ મિશ્રણ રજૂ કર્યું.
'Met Gala' 2026માં મોટા ફેરફારો: ટિકિટના ભાવ સાંભળી ફાટી જશે આંખો! જાણો નવી થીમ અને વિવાદ- શું છે ખાસ
દક્ષિણ અને પૂર્વનું સાંસ્કૃતિક મિલન
દિયાના આ પોશાકમાં દક્ષિણ ભારતની કાંજીવરમ સાડી અને બંગાળની શોલા કલાનું અનોખું સંયોજન જોવા મળ્યું, જેણે ભારતની વૈવિધ્યસભર સાંસ્કૃતિક વારસાને વૈશ્વિક મંચ પર પ્રસ્તુત કર્યો.
ઈશા અંબાણી સાથે હોટલમાંથી તૈયાર થઈને મેટ ગાલા તરફ જતી દિયાનો એક વીડિયો સોશિયલ મીડિયા પર વાયરલ થઈ રહ્યો છે, જેમાં બંને બહેનો કાર તરફ જતી વખતે અને ફોટોગ્રાફરો માટે પોઝ આપતી જોવા મળે છે. આ વર્ષે મેટ ગાલામાં ભારતીય પરંપરા અને આધુનિક ફેશનનું આ સુંદર મિશ્રણ ખરેખર યાદગાર બની રહ્યું.
