ફ્લેક્સ ફ્યુઅલ 20 રૂપિયા સસ્તું, પણ ગાડી માટે 86,000 વધુ ચૂકવવા પડશે : Maruti Suzukiએ નવી WagonRની કિંમતો આજે કરી જાહેર

Maruti Suzuki WagonR Flex Fuel : મારુતિ સુઝુકીએ ભારતીય ઓટોમોબાઈલ સેક્ટરમાં એક મોટું કદમ ઉઠાવતા પોતાની સૌથી વધુ વેચાતી ફેમિલી કાર WagonRનું નવું ફ્લેક્સ ફ્યુઅલ (Flex Fuel) વર્ઝન સત્તાવાર રીતે બજારમાં ઉતાર્યું છે. થોડા સમય પહેલા કેન્દ્રીય માર્ગ અને પરિવહન મંત્રી નીતિન ગડકરી દ્વારા આ કારનું ભવ્ય અનાવરણ કરવામાં આવ્યું હતું, પરંતુ તે સમયે કંપની દ્વારા કિંમતો જાહેર કરવામાં આવી ન હતી. હવે કંપનીએ સત્તાવાર રીતે આ કારની કિંમતો પરથી પડદો હટાવી દીધો છે, જે ગ્રીન મોબિલિટી અને પર્યાવરણની સુરક્ષા તરફ ભારતનું એક મોટું પગલું માનવામાં આવી રહ્યું છે.

કિંમત અને વેરિઅન્ટની વિગતો

નવી મારુતિ સુઝુકી WagonR બાયોફ્લેક્સ (WagonR Bioflex) ની શરૂઆતી એક્સ-શોરૂમ કિંમત 7.24 લાખ રૂપિયા રાખવામાં આવી છે. ગ્રાહકોની સુવિધા માટે જણાવી દઈએ કે આ મોડલ સામાન્ય WagonRના સૌથી પ્રીમિયમ અને ટોપ-એન્ડ વેરિઅન્ટ ZXi+ પર આધારિત છે, જેમાં મોટું અને પાવરફૂલ 1.2 લીટરનું પેટ્રોલ એન્જિન મળે છે. જો આપણે કિંમતના તફાવતની વાત કરીએ તો, આ નવું બાયોફ્લેક્સ વર્ઝન રેગ્યુલર પેટ્રોલ ZXi+ વેરિઅન્ટ કરતાં આશરે 86,000 રૂપિયા વધુ મોંઘું છે, કારણ કે આમાં ફ્લેક્સ-ફ્યુઅલ ટેક્નોલોજી સપોર્ટ માટે એન્જિનમાં ઘણા આધુનિક ફેરફારો કરવામાં આવ્યા છે.

નવી Hyundai i20 Faceliftની તસવીરો લીક: સંપૂર્ણ નવો લુક અને પ્રીમિયમ ફીચર્સ સાથે આવી શકે છે બજારમાં

ઇંધણની ખાસિયત અને પર્યાવરણ

આ કારની સૌથી મોટી યુનિક સેલિંગ પ્રોપોઝિશન (USP) તેનું એડવાન્સ એન્જિન છે જે ફ્લેક્સિબલ ફ્યુઅલ ટેક્નોલોજી પર કામ કરે છે. આ WagonR બાયોફ્લેક્સ માત્ર સામાન્ય પેટ્રોલ પર જ નહીં, પરંતુ E20 (20% ઇથેનોલ મિશ્રણ) થી લઈને E85 (85% ઇથેનોલ મિશ્રણ) સુધીના ઇથેનોલ-પેટ્રોલ બ્લેન્ડ પર સરળતાથી દોડી શકે છે. ઇથેનોલનો ઇંધણ તરીકે ઉપયોગ કરવાથી વાહનોમાંથી નીકળતો ઝેરી ધુમાડો અને પ્રદૂષણ નોંધપાત્ર રીતે ઘટે છે, જેનાથી પર્યાવરણને નુકસાન થતું અટકે છે અને દેશમાં મોંઘા ઇંધણની આયાતનો ખર્ચ પણ ઓછો થઈ શકે છે.

માત્ર વાણિજ્યિક ક્ષેત્ર માટે ઉપલબ્ધ

આ લોન્ચિંગમાં સૌથી ચોંકાવનારી અને રસપ્રદ બાબત એ છે કે મારુતિ સુઝુકીએ આ બાયોફ્લેક્સ વર્ઝનને અત્યારે સામાન્ય ગ્રાહકો માટે ખુલ્લું મૂક્યું નથી. આ કાર માત્ર કોમર્શિયલ સેક્ટર એટલે કે ટેક્સી, કેબ્સ અને ફ્લીટ ઓપરેટર્સ માટે જ ઉપલબ્ધ કરાવવામાં આવી છે. કોમર્શિયલ માર્કેટમાં પહેલેથી જ વેચાતી WagonR ટૂર H3 (જેની કિંમત પેટ્રોલ માટે 4.99 લાખ અને CNG માટે 5.89 લાખ રૂપિયા છે) ની સરખામણીમાં આ નવું બાયોફ્લેક્સ મોડલ 1.35 લાખથી લઈને 2.25 લાખ રૂપિયા સુધી મોંઘું પડે છે. જોકે, ટૂર H3માં નાનું 1.0 લીટરનું એન્જિન છે, જ્યારે આમાં મોટું 1.2 લીટરનું વધુ પાવરફુલ એન્જિન આપવામાં આવ્યું છે.

E30 પેટ્રોલથી બદલાઈ શકે છે કાર ચલાવવાનો અનુભવ: જાણો તમારી ગાડી પર શું પડશે અસર

એન્જિન પાવર અને પરફોર્મન્સ

ઘણા લોકોને એવું લાગી શકે કે વધુ કિંમત હોવાને કારણે કારના પાવર અને પરફોર્મન્સમાં કોઈ વધારો થયો હશે, પરંતુ વાસ્તવમાં એવું નથી. રેગ્યુલર K12 N એન્જિનના E20 વેરિઅન્ટની જેમ જ આમાં પણ પાવર આઉટપુટ સમાન જ રાખવામાં આવ્યું છે. આ 1200ccનું એન્જિન 90.9hpનો મહત્તમ પાવર અને 113.7nmનો પીક ટોર્ક જનરેટ કરે છે, જે 5-સ્પીડ મેન્યુઅલ ટ્રાન્સમિશન (ગિયરબોક્સ) સાથે જોડાયેલું છે. જોકે, મારુતિએ હજુ સુધી આ વાત સ્પષ્ટ કરી નથી કે જ્યારે કાર 85% ઇથેનોલ (E85) પર ચાલશે ત્યારે તેની માઇલેજ કેટલી મળશે, જે આ કાર ખરીદનારાઓ માટે સૌથી મહત્વનો સવાલ છે.