Maruti Suzuki : ભારતીય ઓટોમોબાઈલ માર્કેટમાં છેલ્લા થોડા વર્ષોમાં એક બહુ મોટો બદલાવ જોવા મળ્યો છે. એક સમય હતો જ્યારે લોકો નાની હેચબેક કે સેડાન કાર ખરીદવાનું વધુ પસંદ કરતા હતા, પરંતુ આજે ગ્રાહકોનો ક્રેઝ SUV (Sports Utility Vehicle) તરફ ઝડપથી વધી રહ્યો છે. ઉંચી રાઇડિંગ પોઝિશન, મજબૂત લુક અને ખરાબ રસ્તાઓ પર પણ શાનદાર પરફોર્મન્સના કારણે SUV કારોની માંગ આસમાને છે. ગ્રાહકોની આ બદલાતી પસંદગી અને જરૂરિયાતને સમજીને ભારતની સૌથી મોટી કાર નિર્માતા કંપની મારુતિ સુઝુકી (Maruti Suzuki) બજારમાં એક મોટો દાવ રમવાની તૈયારી કરી રહી છે. કંપની ખૂબ જ ટૂંક સમયમાં એક પછી એક 4 નવી દમદાર SUV કારો લોન્ચ કરવા જઈ રહી છે. જો તમે પણ આગામી મહિનાઓમાં પોતાના પરિવાર માટે નવી કાર ખરીદવાનું વિચારી રહ્યા છો, તો મારુતિની આ નવી ગાડીઓ તમારા માટે ચોક્કસથી રાહ જોવા જેવી સાબિત થશે.
1. મારુતિની પ્રથમ ઓલ-ઇલેક્ટ્રિક SUV : e Vitara
મારુતિ સુઝુકી હવે ઇલેક્ટ્રિક વ્હીકલ (EV) સેગમેન્ટમાં ધમાકેદાર એન્ટ્રી કરવા માટે સંપૂર્ણ રીતે તૈયાર છે અને આ નવી શરૂઆતનું નામ છે e Vitara. આ કાર કંપનીની અત્યાર સુધીની પહેલી સંપૂર્ણ ઇલેક્ટ્રિક SUV હશે, જેની ઓટો માર્કેટમાં લાંબા સમયથી રાહ જોવાઈ રહી છે.
લાંબી ડ્રાઇવિંગ રેન્જ : આ કારમાં ગ્રાહકોને પાવરફુલ બેટરી પેક મળશે, જે સિંગલ ચાર્જમાં લાંબી ડ્રાઇવિંગ રેન્જ આપશે જેથી વારંવાર ચાર્જિંગની ચિંતા રહેશે નહીં.
આધુનિક કેબિન : કારની અંદરનો લુક એકદમ પ્રીમિયમ અને ફ્યુચરિસ્ટિક હશે, જેમાં ડિજિટલ ડિસ્પ્લે અને પ્રીમિયમ સીટો જોવા મળશે.
સ્માર્ટ ટેકનોલોજી : આમાં ઘણા એડવાન્સ ડ્રાઇવિંગ મોડ્સ અને સ્માર્ટ કનેક્ટિવિટી ફીચર્સ આપવામાં આવશે, જે ઇલેક્ટ્રિક વાહનોના બજારમાં ટાટા અને મહિન્દ્રા જેવી કંપનીઓને મોટી ટક્કર આપશે.
Suzuki Jimnyના બે નવા વેરિઅન્ટ્સ લોન્ચ!: 6 એરબેગ્સ, ADAS અને અનેક પ્રીમિયમ ફીચર્સ સાથે મળશે SUV
2. નવા અવતારમાં લોકપ્રિય Grand Vitara
મારુતિની ગ્રાન્ડ વિટારા હાલમાં જ મિડ-સાઇઝ SUV સેગમેન્ટમાં ધૂમ મચાવી રહી છે, પરંતુ કંપની ગ્રાહકોને કંઈક નવું આપવા માટે આ કારનું નવું અપડેટેડ મોડલ લાવી રહી છે. નવી Grand Vitaraમાં ડિઝાઇનથી લઈને ફીચર્સ સુધીના ઘણા મોટા બદલાવો જોવા મળી શકે છે.
નવો આકર્ષક લુક : કારના ફ્રન્ટ ગ્રીલ, બમ્પર અને કલર ઓપ્શનમાં ફેરફાર કરીને તેને પહેલા કરતા વધુ સ્પોર્ટી અને પ્રીમિયમ લુક આપવામાં આવશે.
સુધારેલી હાઇબ્રિડ ટેકનોલોજી : મારુતિ પોતાની સ્ટ્રોંગ હાઇબ્રિડ ટેકનોલોજીને વધુ અપગ્રેડ કરી રહી છે. આનાથી કારનું પરફોર્મન્સ તો સુધરશે જ, સાથે જ માઇલેજમાં પણ મોટો ફાયદો થશે, જે પેટ્રોલના વધતા ભાવ વચ્ચે ગ્રાહકો માટે બેસ્ટ ઓપ્શન બનશે.
3. મોટા પરિવારોની પહેલી પસંદ : નવી 7-સીટર SUV
મારુતિ સુઝુકી માત્ર 5-સીટર કારો સુધી મર્યાદિત રહેવા નથી માંગતી. મોટા પરિવારો અને લોન્ગ ટૂર પર જવાના શોખીન લોકો માટે કંપની એક નવી 7-સીટર SUV લોન્ચ કરવાની યોજના પર કામ કરી રહી છે.
વધુ સ્પેસ અને કમ્ફર્ટ : આ નવી 7-સીટર કાર ગ્રાન્ડ વિટારાના પ્લેટફોર્મ પર જ આધારિત હોઈ શકે છે, પરંતુ તેની લંબાઈ વધુ હશે જેથી ત્રીજી લાઇનમાં બેસનારા મુસાફરોને પણ પૂરતી જગ્યા અને આરામ મળી રહે.
ફ્લેક્સિબલ સીટિંગ : આ કારમાં બૂટ સ્પેસ (સામાન રાખવાની જગ્યા) વધારવા માટે પાછળની સીટોને ફોલ્ડ કરવાની સુવિધા પણ મળશે. આ સિવાય કંપની વધુ એક નવી મિસ્ટ્રી SUV પર પણ કામ કરી રહી છે, જે બજેટ સેગમેન્ટમાં આવી શકે છે.
વિમાન 1 ડિગ્રી પણ રસ્તો બદલે તો થાય છે લાખોનું નુકસાન: જાણો શું છે કારણ?
4. એડવાન્સ ફીચર્સ, આધુનિક કનેક્ટિવિટી અને મજબૂત સેફ્ટી
આજનો ગ્રાહક કાર ખરીદતી વખતે માત્ર લુક જ નથી જોતો, પરંતુ ગાડીમાં મળતા ફીચર્સ અને સુરક્ષાને સૌથી વધુ મહત્વ આપે છે. મારુતિ પોતાની આ આગામી ચારેય SUV કારોમાં ટેકનોલોજી અને સેફ્ટીનું ખાસ ધ્યાન રાખવાની છે.
મોટી ટચસ્ક્રીન અને કનેક્ટેડ ફીચર્સ : આ ગાડીઓમાં વાયરલેસ એપલ કારપ્લે અને એન્ડ્રોઇડ ઓટો સાથે મોટી ઇન્ફોટેનમેન્ટ સિસ્ટમ મળશે. સાથે જ ફોનથી કાર કંટ્રોલ કરવા માટે કનેક્ટેડ કાર ટેકનોલોજી પણ હશે.
360-ડીગ્રી કેમેરા અને સેફ્ટી : ટ્રાફિક અને પાર્કિંગમાં સરળતા રહે તે માટે 360-ડિગ્રી કેમેરા, મલ્ટિપલ એરબેગ્સ, ઇલેક્ટ્રોનિક સ્ટેબિલિટી કંટ્રોલ (ESC) અને મજબૂત બોડી કન્સ્ટ્રક્શન જોવા મળશે.
