મરાઠા અનામત આંદોલનનું નેતૃત્વ કરી રહેલા કાર્યકર્તા મનોજ જરાંગે પાટીલે શુક્રવારે દક્ષિણ મુંબઈના આઝાદ મેદાન ખાતે અનિશ્ચિતકાળના ઉપવાસ શરૂ કર્યા. આ ઉપવાસમાં જોડાવા માટે મરાઠા સમુદાયના હજારો લોકો શુક્રવારે મુંબઈ પહોંચ્યા. તેઓ સ્થાનિક અને લાંબા અંતરની ટ્રેનો દ્વારા છત્રપતિ શિવાજી મહારાજ ટર્મિનસ સ્ટેશન પહોંચ્યા અને ત્યાંથી સૂત્રોચ્ચાર કરતા આઝાદ મેદાન તરફ આગળ વધ્યા. આ દરમિયાન ટ્રાફિક જામ થઈ ગયો.
મરાઠા આંદોલનથી મુંબઈની ગતિ ધીમી પડી!
મનોજ જરંગેએ જાહેરાત કરી કે તેઓ પાછળ હટવા તૈયાર નથી. તેમણે કહ્યું કે, "હું મરવા કે ગોળી ખાવા તૈયાર છું, પરંતુ પાછળ હટવા માટે તૈયાર નથી. મારો ઉપવાસ સવારે 10 વાગ્યાથી શરૂ થયા છે." તેમણે તેમના સમર્થકોને શાંતિ અને વ્યવસ્થા જાળવવામાં પોલીસને મદદ કરવા પણ અપીલ કરી છે. તેમણે તેમના કાર્યકરોને ટ્રાફિક જામ દૂર કરવામાં અને શિસ્ત સાથે આંદોલનને આગળ વધારવામાં મદદ કરવા કહ્યું. તેમણે કહ્યું, "હું મુખ્યમંત્રી અને સરકારને વિનંતી કરું છું કે મને અનિશ્ચિતકાળના ભૂખ હડતાળ ચાલુ રાખવાની મંજૂરી આપે અને અમારી બધી માંગણીઓ સ્વીકારે." સ્ટેશન પરિસર ભગવા ધ્વજ, પરંપરાગત ટોપીઓ અને ગમછા પહેરેલા જોવા મળી રહ્યાં છે. સવારથી જ પ્રદર્શનકારીઓ સૂત્રોચ્ચાર કરતા અને સ્ટેશન પર ઢોલના તાલ પર નાચતા જોવા મળ્યા.
મનોજ જરાંગેની આજથી ભૂખ હડતાળ પર
અધિકારીઓના જણાવ્યા અનુસાર, ગુરુવાર રાતથી સ્ટેશન પ્લેટફોર્મ હજારો વિરોધીઓથી ભરાઈ ગયો હતો. ઘણા લોકો રાતભર ત્યાં રોકાયા હતા. રેલવે પ્રોટેક્શન ફોર્સ (RPF) અને મહારાષ્ટ્ર સુરક્ષા દળ (MSF)એ સ્ટેશન પર મોટી સંખ્યામાં કર્મચારીઓ તૈનાત કર્યા છે. મુંબઈ સ્ટેશન પર 40 વધારાના RPF અને 60 MSF કર્મચારીઓ તૈનાત કરવામાં આવ્યા છે. ગણેશોત્સવ અને આંદોલનને ધ્યાનમાં રાખીને, મધ્ય રેલ્વેએ મુંબઈના વિવિધ સ્ટેશનો પર 240 વધારાના RPF કર્મચારીઓ તૈનાત કર્યા છે. જેમાંથી ચિંચપોકલી, કરી રોડ, દાદર, પરેલ, ભાયખલા, કોટન ગ્રીન અને શિવડી સ્ટેશનો પર 95 કર્મચારીઓ તૈનાત કરવામાં આવ્યા છે. વધુમાં GRPએ CSMT પર 40 વધારાના કર્મચારીઓ તૈનાત કર્યા છે, જેનાથી દિવસ દરમિયાન તેમની કુલ સંખ્યા 200 અને રાત્રે 230 થઈ ગઈ છે.
