ઘરે બનાવો મસાલેદાર આમળા નું શાક : એટલું ચટપટું ચાટી જશો પ્લેટ! જાણો સુપર ટેસ્ટી રેસીપી

Amla vegetable Recipe: શું તમે ક્યારેય વિચાર્યું છે કે આમળા જેવી ઔષધીય વસ્તુને મસાલેદાર, ચટપટી અને બધાને પસંદ આવે એવી સબ્જી બનાવી શકાય? હા, આજે આપણે બનાવીશું એકદમ સરળ અને સ્વાદિષ્ટ મસાલેદાર આમળાનું શાક, જે બાળકોથી લઈને મોટેરા સુધી બધાને પસંદ આવશે. ખાટું-મીઠું-તીખું સ્વાદ અને વિટામિન સીનો ભરપૂર ડોઝ – બેસ્ટ કોમ્બિનેશન!

સામગ્રી (4 વ્યક્તિ માટે)

આમળા –500 ગ્રામ (લગભગ 15-20 મોટા આમળા)

તેલ – 2 મોટી ચમચી

હિંગ – એક ચપટી

લીલાં મરચાં (સમારેલાં) – 2-3

મેથીના દાણા – 1 નાની ચમચી

સરસવ (રાઈ) – 1 નાની ચમચી

જીરું – 1 નાની ચમચી

વરિયાળી – 1 નાની ચમચી

હળદર પાવડર – 1/2 નાની ચમચી

ધાણા-જીરું પાવડર – 1 મોટી ચમચી

લાલ મરચું પાવડર – સ્વાદાનુસાર (વૈકલ્પિક)

મીઠું – સ્વાદાનુસાર

થોડું પાણી (જો જરૂરી લાગે)

બનાવવાની રીત

આમળાને ઉકાળો

આમળાને ધોઈને પ્રેશર કૂકરમાં કે ખુલ્લા વાસણમાં પાણી સાથે ઉકાળો. 2-3 વ્હિસલ કે 15-20 મિનિટ સુધી મધ્યમ ગેસ પર રાખો. જ્યારે આમળા નરમ થઈ જાય અને તડતડવા લાગે ત્યારે ગેસ બંધ કરી ઠંડા થવા દો.

આમળાને તૈયાર કરો

ઠંડા થયા પછી આમળાને હળવા હાથે દબાવીને બી કાઢી લો અને નાના-નાના ટુકડા કરી લો (અથવા આખા જ રાખો, જેવું પસંદ હોય).

ઘરનો તાજો મસાલો તૈયાર કરો

એક નાની કડાઈમાં મેથીના દાણા, રાઈ, જીરું અને વરિયાળી હલકી આંચ પર શેકી લો. ઠંડા થયા પછી મિક્સરમાં થોડા થોડા દાળ ગરમ મસાલા જેવો દળી લો. (આનાથી સ્વાદ બમણો થઈ જશે!)

શાક બનાવો

કડાઈમાં તેલ ગરમ કરો → હિંગ + સમારેલાં લીલાં મરચાં નાખો → 10-15 સેકન્ડ પછી વાટેલો તાજો મસાલો નાખો અને 30 સેકન્ડ શેકો → હવે ઉકાળેલા આમળાના ટુકડા નાખી સારી રીતે મિક્સ કરો.

મસાલા ઉમેરો

હળદર, ધાણા-જીરું પાવડર, લાલ મરચું પાવડર અને મીઠું નાખી બધું સારી રીતે મિક્સ કરો. જરૂર પડે તો 2-3 ચમચી પાણી છાંટો જેથી મસાલો વળગે નહીં.

ઢાંકીને શેકો

3-4 મિનિટ માટે ધીમી આંચ પર ઢાંકીને રાંધો. વચ્ચે એક-બે વાર હલાવતા રહો. છેલ્લે ઢાંકણ ખોલીને 2 મિનિટ ખુલ્લું શેકો જેથી વધારાનું પાણી સુકાઈ જાય.

બસ! તમારું ચટપટું-મસાલેદાર આમળાનું શાક એકદમ તૈયાર છે!

ગરમ ગરમ રોટલી, પરોઠા કે દાળ-ભાત સાથે પીરસો અને બધાને તાજુબ થતા જુઓ!આ સબ્જી ન માત્ર સ્વાદમાં અદભૂત છે, પણ શરદી-ઉધરસથી લઈને રોગપ્રતિકારક શક્તિ વધારવા સુધીનો દેશી ઈલાજ પણ છે.