Mahindra Thar.e: ભારતીય રસ્તાઓ પર જે એક નામનો દબદબો અને આદર હંમેશા જોવા મળ્યો છે, તે છે મહિન્દ્રા એન્ડ મહિન્દ્રા. મહિન્દ્રા માટે ‘થાર’ માત્ર એક એસયુવી નથી, પરંતુ લાખો લોકોના સાહસિક સ્વભાવની એક ઓળખ અને ઈમોશન બની ગઈ છે. સમય બદલાઈ રહ્યો છે અને પર્યાવરણ પ્રત્યેની જવાબદારી વધતા હવે મહિન્દ્રા તેની આ આઇકોનિક બ્રાન્ડને ઇલેક્ટ્રિક અવતારમાં લાવવાની તૈયારી કરી રહ્યું છે. દક્ષિણ આફ્રિકાના કેપ ટાઉનમાં આયોજિત 'ફ્યુચરસ્કેપ' ઇવેન્ટમાં જ્યારે મહિન્દ્રાએ ‘વિઝન Thar.e’ પરથી પડદો ઉઠાવ્યો, ત્યારે આખી દુનિયાની નજર આ ગેમ-ચેન્જર વાહન પર સ્થિર થઈ ગઈ હતી. આ માત્ર એક નવી કાર નથી, પણ મહિન્દ્રાની ભવિષ્યની મોટી વ્યુહરચનાનો મજબૂત પુરાવો છે.
પરબ્રહ્મ જેવું નવું પ્લેટફોર્મ અને ડિઝાઇનના નવા તેવર
મહત્વપૂર્ણ વાત એ છે કે નવી થાર.ઈ તેના પેટ્રોલ-ડીઝલ મોડલ કરતા કેટલી અલગ હશે. અત્યાર સુધી આપણે થારને ટેન્ક જેવી મજબૂત સીડી (Ladder-frame) ચેસિસ પર જોતા આવ્યા છીએ, પણ ઇલેક્ટ્રિક થારમાં મહિન્દ્રાએ સંપૂર્ણપણે નવું 'INGLO' (India Global) પ્લેટફોર્મ વાપર્યું છે. આ પ્લેટફોર્મ ખાસ કરીને શોર્ટ વ્હીલબેઝ અને વધારે ગ્રાઉન્ડ ક્લિયરન્સ માટે મોડિફાય કરવામાં આવ્યું છે, જેને 'P1' વર્ઝન કહેવામાં આવે છે. ડિઝાઇનની વાત કરીએ તો, થાર.ઈમાં આધુનિકતા અને જૂની થારની યાદોનો અદભૂત સંગમ છે. જે રીતે જૂની થારમાં ગોળ હેડલાઈટ્સની એક ઓળખ હતી, તેની જગ્યાએ અહીં ચોરસ આકારના ‘ક્વાર્ટર-એલઈડી’ (Quarter-LED) DRLs આપવામાં આવ્યા છે, જે તેને એક ડિજિટલ રોબોટ જેવો મજબૂત દેખાવ આપે છે. 5-ડોર લેઆઉટ હોવાથી તે માત્ર એડવેન્ચર પ્રેમીઓ માટે જ નહીં, પણ ફેમિલી માટે પણ એક પ્રેક્ટિકલ પસંદગી બનશે. મજાની વાત એ છે કે તેના ઇન્ટિરિયરમાં રિસાઇકલ કરેલા પ્લાસ્ટિક અને ઇકો-ફ્રેન્ડલી મટીરિયલનો ઉપયોગ કરવામાં આવશે, જે તેના ગ્રીન મિશનને સાર્થક કરે છે.
આ પણ વાંચો: TATA MOTORSએ કોમર્શિયલ વ્હીકલ માર્કેટમાં મચાવી ધૂમ : 1750 કિલો પેલોડ ક્ષમતા સાથે Tata Intra EV લોન્ચ
દમદાર પાવર અને રેન્જ: પહાડો પર પણ ચાલશે જાદુ?
કોઈપણ ઓફ-રોડરના મનમાં પહેલો સવાલ એ જ હોય કે શું ઇલેક્ટ્રિક એન્જિન પહાડો પર એવો જ ટોર્ક આપી શકશે? વિશ્લેષણ કરીએ તો, થાર.ઈમાં 60 kWh થી 80 kWh ના મોટા બેટરી પેક મળવાની સંભાવના છે. આ બેટરી માત્ર લાંબી રેન્જ જ નહીં, પણ મુશ્કેલ રસ્તાઓ પર જરૂરી પાવર પણ પૂરો પાડશે. અહેવાલો મુજબ, આ ગાડી એક વકરમાં (Full Charge) લગભગ 435 થી 450 કિલોમીટરની રેન્જ આપી શકે છે, જે લાંબી મુસાફરી માટે પૂરતી છે. પરંતુ વાત અહીં અટકતી નથી... સૌથી રોમાંચક બાબત એ છે કે થાર.ઈ 'ડ્યુઅલ મોટર' AWD (ઓલ વ્હીલ ડ્રાઈવ) સિસ્ટમ સાથે આવશે. મહત્વપૂર્ણ વાત એ છે કે તેના આગળના અને પાછળના બંને એક્સલ પર અલગ-અલગ ઇલેક્ટ્રિક મોટર્સ હશે. ફોક્સવેગન સાથેની ભાગીદારીને કારણે તેમાં વર્લ્ડ ક્લાસ બેટરી મેનેજમેન્ટ સિસ્ટમ જોવા મળશે, જે કાદવ, રેતી કે બરફ જેવા કોઈપણ રસ્તા પર ગાડીને અકલ્પનીય પકડ આપશે.
ઊંચાઈ અને એડવેન્ચરના ફીચર્સ
થાર તેની ઉંચાઈ માટે જાણીતી છે અને થાર.ઈ આ વારસાને આગળ ધપાવશે. તેમાં ગ્રાઉન્ડ ક્લિયરન્સ 250mm થી 300mm ની આસપાસ રહેવાની અપેક્ષા છે, જે ભારતીય ઇલેક્ટ્રિક એસયુવી માર્કેટમાં સૌથી વધુ હોઈ શકે છે. આટલી ઊંચાઈ અને ટૂંકા ઓવરહેંગ્સને કારણે તે પાણીમાં પણ આસાનીથી દોડી શકશે અને સાંકડી જગ્યાઓમાં વળવામાં પણ સરળતા રહેશે.
આ પણ વાંચો: CNG અને Hybrid માંથી કયો ઓપ્શન તમારા માટે છે બેસ્ટ? : જાણો કઈ કાર તમને વધુ બચત કરાવશે
લોન્ચિંગ ટાઈમલાઈન અને અપેક્ષિત કિંમત
જો તમે અત્યાર જ ચેકબુક લઈને શોરૂમ પર પહોંચી જવાના હોવ, તો થોડી રાહ જોવી પડશે. અહીં પ્રશ્ન ઊભો થાય છે કે આ આતુરતાનો અંત ક્યારે આવશે? મહિન્દ્રા પહેલા તેના 'XUV.e' અને 'BE' સીરીઝના મોડલ બજારમાં ઉતારશે. થાર.ઈનું ટેકનીકલ કામ પૂર્ણ થયા બાદ 2025 ના અંતમાં ઉત્પાદન શરૂ થશે અને જાન્યુઆરી 2026 ની આસપાસ તેનું લોન્ચિંગ થવાની પૂરેપૂરી શક્યતા છે. કિંમતની વાત કરીએ તો, આ હાઈ-ટેક સેફ્ટી અને ફીચર્સ સાથે તેની કિંમત ₹25 લાખથી ₹32 લાખ (એક્સ-શોરૂમ) ની વચ્ચે રહેવાની ધારણા છે.
બજારમાં જંગ અને મહિન્દ્રાની તૈયારી
ભારતીય ઇતેક્ટ્રિક માર્કેટમાં હાલમાં ટાટા મોટર્સનું વર્ચસ્વ છે અને તેઓ ટૂંક સમયમાં હેરિયર EV લોન્ચ કરવા જઈ રહ્યા છે. બીજી તરફ મારુતિની eVX પણ લાઈનમાં છે. પરંતુ થાર પાસે જે બ્રાન્ડ વેલ્યુ છે, તે બીજા પાસે નથી. તાજેતરમાં લોન્ચ થયેલી 5-ડોર થાર ‘રોક્સ’ (Thar ROXX) ને મળેલા પ્રતિસાદે સાબિત કરી દીધું છે કે ગ્રાહકો હવે એડવેન્ચર સાથે લક્ઝરી પણ માંગે છે.
