ભંડારાની ઓર્ડિનેન્સ ફેક્ટરીમાં બ્લાસ્ટ : 5 કર્મચારીઓના મોત, બચાવ કામગીરી હાથ ધરાઈ

Maharashtra Ordnance Factory Blast: મહારાષ્ટ્રમાંથી એક મોટા સમાચાર સામે આવી રહ્યા છે. ભંડારા ઓર્ડનન્સ ફેક્ટરીમાં મોટો બ્લાસ્ટ જોવા મળ્યો હતો. આ અકસ્માતમાં 5 મજૂરોના મોતના સમાચાર આવી રહ્યા છે. બ્લાસ્ટના અવાજથી સમગ્ર વિસ્તારમાં ભયનો માહોલ ફેલાયો છે. ફેક્ટરીમાં બ્લાસ્ટનું સાચું કારણ હજુ સુધી બહાર આવ્યું નથી. બચાવ ટુકડીઓ ઘટનાસ્થળે પહોંચીને બચાવ કામગીરી શરૂ કરી દીધી છે.

ફેક્ટરીના સી સેક્શનમાં બ્લાસ્ટ થયો
મીડિયા રિપોર્ટ્સ અનુસાર આ બ્લાસ્ટ આજે એટલે કે શુક્રવારે સવારે 11 વાગ્યે થયો હતો. પ્રારંભિક તપાસમાં સામે આવ્યું છે કે આ ભયાનક બ્લાસ્ટ ઓર્ડનન્સ ફેક્ટરીના સી સેક્શનમાં થયો હતો. બ્લાસ્ટ સમયે અહીં કેટલાક મજૂરો કામ કરી રહ્યા હતા. બ્લાસ્ટ એટલો ભયંકર હતો કે 5 કામદારોના ઘટનાસ્થળે જ મોત થયા હતા. આ બ્લાસ્ટનો અવાજ આસપાસના વિસ્તારોમાં પણ સંભળાયો હતો. આ અવાજ સાંભળીને સમગ્ર વિસ્તારમાં અફરાતફરી મચી ગઈ હતી.

મૃત્યુઆંક વધવાની આશંકા
નોંધનીય છે કે, મહારાષ્ટ્રના ભંડારાના જવાહર નગરમાં આવેલી આ ઓર્ડિનન્સ ફેક્ટરીમાં વિસ્ફોટક વસ્તુઓ બનાવવામાં આવે છે. આજે સવારે કારખાનામાં અચાનક બ્લાસ્ટ થયો હતો. બ્લાસ્ટ બાદ ફેક્ટરીમાંથી ધુમાડાના ગોટેગોટા દૂર-દૂર સુધી જોઈ શકાતા હતા. આ બ્લાસ્ટમાં અત્યાર સુધીમાં 5 મજૂરોના મોત થયા છે. બચાવ કાર્ય ચાલુ છે, ત્યારે મૃત્યુઆંક હજુ વધી શકે છે. આ બ્લાસ્ટ કેવી રીતે અને શા માટે થયો? તેની માહિતી હજુ સામે આવી નથી.

ફેક્ટરીમાં વિસ્ફોટક પદાર્થ બનાવવામાં આવ્યો હતો
બ્લાસ્ટની માહિતી મળતાની સાથે જ પોલીસ અને બચાવ ટુકડીઓ ઘટનાસ્થળે પહોંચી ગઈ હતી અને બચાવ કાર્યવાહી હાથ ધરી છે. ફેક્ટરીની આસપાસ મેડિકલ ટીમ પણ હાજર છે, જેથી ઘાયલોને તાત્કાલિક સારવાર મળી શકે. સૂત્રોનું માનીએ તો આ ભંડારા ફેક્ટરીમાં આરડીએક્સ બનાવતા સાબુદાણા અને દારૂ બનાવવામાં આવતો હતો.