મહાકુંભમાં દેશભરના અનેક સેલિબ્રિટીઝે મહાકુંભમાં આવીને સંગમમાં ડુબકી લગાવી છે. મહાકુંભમાં એક પછી એક ફિલ્મ અને ટીવી સ્ટાર્સ આવી રહ્યા છે. તે સમયે, હવે બોલિવૂડ અભિનેત્રી જુહી ચાવલા પણ મહાકુંભ પહોંચી અને પવિત્ર સ્નાન પણ કર્યું છે. સંગમમાં ડૂબકી લગાવ્યા બાદ અભિનેત્રીએ પોતાના અનુભવ અને મહાકુંભ વિષયે વાત કરી.
મહાકુંભમાં પહોંચેલી જુહી ચાવલાએ હળવા ગુલાબી રંગનો સૂટ પહેરેલી જોવા મળ્યો. ખુલ્લા વાળ, માથા પર ટોપી અને તેની આંખો પર ચશ્મા જોવા મળ્યા. અભિનેત્રી ખૂબ જ સુંદર અને ફ્રેશ દેખાતી હતી. આ દરમિયાન જુહી તેના ગળામાં ફૂલોની માળા પહેરેલી જોવા મળી હતી.
'ખૂબ જ ખાસ અને સુંદર અનુભવ હતો'
મીડિયા એજન્સી ANI સાથે વાત કરતાં જુહીએ કહ્યું, "આજે મારી જિંદગીની સૌથી સુંદર સવાર છે. મેં સંગમમાં પવિત્ર સ્નાન કર્યું છે. મારે આ જગ્યા છોડવી નથી. તે ખૂબ જ ખાસ અને સુંદર અનુભવ હતો. હું પોલીસ અને દરેકનો આભાર માનું છું જેમણે અહીં આટલી સારી વ્યવસ્થા કરી છે. જુહી ચાવલાએ તેના ઇન્સ્ટાગ્રામ સ્ટોરી પર મહાકુંભની તસવીર શેર કરી હતી.
#WATCH | Prayagraj, Uttar Pradesh | Actor Juhi Chawla visits Mahakumbh.
— ANI (@ANI) February 18, 2025
She says, "This morning has been the most beautiful morning in my life...I took a holy dip in the Sangam. I didn't want to leave that place. It was an amazing and beautiful experience. I thank the police and… pic.twitter.com/OHrqyJNmyB
