વજન ઘટાડવાની પ્રક્રિયામાં રાત્રિનું ભોજન (Dinner) સૌથી મહત્વનો ભાગ ભજવે છે. આરોગ્ય નિષ્ણાતોના મતે, રાત્રે હળવું અને પ્રોટીનથી ભરપૂર ભોજન લેવાથી ચયાપચય (Metabolism) ઝડપી બને છે અને લાંબા સમય સુધી ભૂખ લાગતી નથી. જો તમે પણ હેલ્ધી અને સ્વાદિષ્ટ રીતે વજન ઉતારવા માંગતા હોવ, તો આ 5 સરળ વાનગીઓ તમારા માટે બેસ્ટ વિકલ્પ સાબિત થઈ શકે છે.
5 લો-કેલરી અને હાઈ-પ્રોટીન વાનગીઓ નીચે મુજબ છે:
મસાલેદાર સોયા ચંક્સ અને બ્રાઉન રાઈસ (Soya Chunks with Brown Rice): સોયા ચંક્સ શાકાહારીઓ માટે 'વેજિટેરિયન મીટ' ગણાય છે કારણ કે તેમાં પ્રોટીનનું પ્રમાણ ખૂબ જ વધારે હોય છે. તેલ વગર અથવા ખૂબ જ ઓછા તેલમાં દહીં અને મસાલા સાથે તૈયાર કરેલા સોયા ચંક્સ સ્નાયુઓના નિર્માણમાં મદદ કરે છે. તેને ફાઈબરથી ભરપૂર બ્રાઉન રાઈસ સાથે લેવાથી લાંબા સમય સુધી પેટ ભરેલું લાગે છે અને બિનજરૂરી ક્રેવિંગ થતી નથી.
મૂંગ દાલ સૂપ (Moong Dal Soup): ભારતીય ઘરોમાં મગની દાળ સૌથી સુપાચ્ય માનવામાં આવે છે. રાત્રે હળવા ખોરાક તરીકે મગની દાળનું ગરમાગરમ સૂપ પીવાથી પેટ ભરેલું રહે છે અને વજન ઘટાડવામાં મદદ મળે છે. તેમાં રહેલું ઉચ્ચ પ્રોટીન સ્નાયુઓના મજબુત કરવામાં મદદ કરે છે.
બેક્ડ પનીર ટિક્કા (Baked Paneer Tikka): પનીર એ શાકાહારીઓ માટે પ્રોટીનનો શ્રેષ્ઠ સ્ત્રોત છે. પનીરને દહીં અને મસાલામાં મેરીનેટ કરી તેને તળવાને બદલે બેક કરવાથી કેલરી ઓછી રહે છે. એક સર્વિંગ પનીર ટિક્કામાંથી લગભગ 25 ગ્રામ જેટલું પ્રોટીન મળી શકે છે.
પાલક અને ટોફુ કરી (Tofu and Spinach Curry): ટોફુ (સોયા પનીર) પ્લાન્ટ-બેઝ્ડ પ્રોટીન છે, જે કોલેસ્ટ્રોલ ઘટાડવામાં મદદ કરે છે. તેને આયર્નથી ભરપૂર પાલક સાથે રાંધીને બાજરીના રોટલા સાથે લઈ શકાય છે. બાજરી ગ્લુટેન-ફ્રી હોવાથી વજન ઘટાડવા માટે ઉત્તમ છે.
દૂધી અને ચણાની દાળ (Lauki with Chana Dal): દૂધીમાં પાણીનું પ્રમાણ વધુ હોય છે અને કેલરી ખૂબ ઓછી હોય છે. તેને પ્રોટીનયુક્ત ચણાની દાળ સાથે મિક્સ કરીને બનાવવાથી તે એક સંપૂર્ણ પોષક આહાર બની જાય છે, જે રાત્રે પચવામાં પણ સરળ રહે છે.
ખાસ ટિપ્સ:
રાત્રિનું ભોજન હંમેશા સૂવાના 2 થી 3 કલાક પહેલા પૂરું કરી લેવું જોઈએ.
ભોજનમાં મીઠાનું પ્રમાણ ઓછું રાખવું જેથી શરીરમાં વોટર રીટેન્શન (સોજા) ન થાય.
બને ત્યાં સુધી સાંજે 7:00 વાગ્યા પહેલા ડિનર લેવાનો આગ્રહ રાખવો.
નોંધ: આ માહિતી સામાન્ય માર્ગદર્શન માટે છે. કોઈપણ ડાયેટ પ્લાન શરૂ કરતા પહેલા તમારા ડોક્ટર અથવા ડાયેટિશિયનની સલાહ લેવી જરૂરી છે.
